بنات بغيت مشورتكم

تم نقل الموضوع لركن قضايا وحلول

شكرا ياعمري على الرد
حبيبتي هو مايستحي والله هو اي شي يريد يسوي معاي يحاول فيه حتى لو انا انحرجت او ما خليته فاهمه علي شاقصد هالشي اهو الي مخليني مستغربه لانه مايستحي يسوي اي شي بس مايتكلم في اي شي يخص حياتنا يعني الاشياء الاساسيه مثل كل الرجال يعني مايتكلم في اي شي في حياتنا ايش بنسوي لو سار عندنا اطفال كيف راح تكون اول ليله انا ابي يتكلم عشان ما اتم استحي منه وعشان يقربني منه اكثر انا اخوي بعد خاطب واحسه اهو وخطيبته متفاهمين حتى على ادق التفاصيل ومش اخوي بس كا صديقاتي نفس الكلام انا والله ما اتأثر بغيري والحمدلله على كل شي بس والله انا محتاجه احس انه يتكلم في اشياء اتخصنا انا واهو بس انا باقي على عرسي 3 شهور وسارلي مخطوبه سنه فهمتي قصدي ياعمري

القطره:
شكرا ياعمري على الرد
حبيبتي هو مايستحي والله هو اي شي يريد يسوي معاي يحاول فيه حتى لو انا انحرجت او ما خليته فاهمه علي شاقصد هالشي اهو الي مخليني مستغربه لانه مايستحي يسوي اي شي بس مايتكلم في اي شي يخص حياتنا يعني الاشياء الاساسيه مثل كل الرجال يعني مايتكلم في اي شي في حياتنا ايش بنسوي لو سار عندنا اطفال كيف راح تكون اول ليله انا ابي يتكلم عشان ما اتم استحي منه وعشان يقربني منه اكثر انا اخوي بعد خاطب واحسه اهو وخطيبته متفاهمين حتى على ادق التفاصيل ومش اخوي بس كا صديقاتي نفس الكلام انا والله ما اتأثر بغيري والحمدلله على كل شي بس والله انا محتاجه احس انه يتكلم في اشياء اتخصنا انا واهو بس انا باقي على عرسي 3 شهور وسارلي مخطوبه سنه فهمتي قصدي ياعمري

طيب اتوقع الرجال يستحي اويخاف من ردة الفعل ....... يمكن يقدر يسوي اي شي بس فالتلفون يستحي يقول فاهمه علي ؟؟ .... اممممممم لوانتي ودج تخففين توتر اول ليله اوودج تفتحين معاه مواضيع ابدي بس بطريقه غير مباااشره ... مثلا حاولي تجيبين طاري يوم العرس ..... ترى عادي لوهو ماقال انتي تقولين بطريقه غير مباشره ....... حاولي

صعب كتير انك تتكلمي معاه في اول ليلة جواز مش تبداء بالكلام في حاجة كده عشان مش يفهمك غلط والمفروض انها مش تيجي منك سيبيها تيجي منه هو خصوصا اللي عن علاقتكم الخاصة خدي بالك من تفكير الرجل الشرقي
بس باقي الموضيع كلميه فيها عادي علي موضوع الاطفال قوليلة لو جبنا ولد هنسمي ايه ولو بنت وهو هيبداء يتكلم افتحي معاه الموضيع كده وكل الموضيع اللي تيجي علي بالك
وفكرة كويس انك تقوليله انك تعبانه هو المفروض يعرف عشان تحديد معاد عرسك
ربنا يسعدك ويتم ليكي علي خير ويرزقك بالخلف الصالح



انا انثي ولدت ومعي قرار اعدامي ولم اري باب محكمتي ولم اري وجه حكامي

شكرا حبايبي على الرد

انا جد وايد نفسيتي تعبانه ومو حاسه بطعم اي شي في فترت خطوبتي حاسه كانه بعيد عني احس كل الشباب يتكلمون ورتبون ايش بسير بحاتي وانا ولاشي عارفه
الحمدلله على كل شي وانشالله تتبدل الأمور بس جد خاطري حس انه هو معاي يحسسني بوجودي
انا كل ما اتكلم معاه في اي شي بيني وبينه يضحك او يتطنز وهالشي يحسسني فيه انه قاعد يصدني
انا وايد تشكيت بس والله انا ما حب اشكي لاي حد حتى امي

القطره:
شكرا حبايبي على الرد

انا جد وايد نفسيتي تعبانه ومو حاسه بطعم اي شي في فترت خطوبتي حاسه كانه بعيد عني احس كل الشباب يتكلمون ورتبون ايش بسير بحاتي وانا ولاشي عارفه
الحمدلله على كل شي وانشالله تتبدل الأمور بس جد خاطري حس انه هو معاي يحسسني بوجودي
انا كل ما اتكلم معاه في اي شي بيني وبينه يضحك او يتطنز وهالشي يحسسني فيه انه قاعد يصدني
انا وايد تشكيت بس والله انا ما حب اشكي لاي حد حتى امي

ياحياتـــي والله حاسه فيج وفاهمه انج تبين تحسين فيه وتبين تتقربين منه اكثر وهو يصد ........ المشكله احنا مب عارفين ردوده شلون تكون بالضبط ....... انتوا من متى مالكين .؟؟؟

بكمل انشالله سنه الشهر الجاي

صدقيني اكثر من مره فكرت انفصل عنه لكني استخير وبعد الاستخاره ارجع في كلامي ومره جا واتهاوش معاي على شي انا مالي اي علاقه فيه ومن وقتها قررت قرار تام اني انفصل عنه وكلمت اهلي واهله وقتلهم اني اسفه وماراح اقدر اكمل معاه لاني تعبت لكن اكثر من شخص تدخل واهو تم يعتذر انه ما كان قصده باي شي قاله ورجعنا لبعض هلموضوع عدى عليه شهر وهالشي زياده على الي قلته لكم خلاني افقد الثقه فيه واخاف ارتبط فيه مع انه والله انا واهو كنا نبي بعض من زمان واهو من عائلتي

شوفي خلي كل شئ بوقته احسن عشان ماتيج رهبه من ليلة الدخله
بس عن الدوره لازم تخبرينه عشان ماتنحرجين

اختي انتي شكلك حساااااسه مررررره ورمانسيه

الحياة ماتبنى على الاشياء اللي تقولينها

اهم شئ اخلاق الرجال وزي ماذكرتي انتوا تبون بعض وشكله بيك لانه على طول راضاك

بس صدقيني لكل رجال طبعه واياك تقارنيه بالرجال الثانين ممكن انه زي ماقلتي مايتكلم عن هالاشياء بس اكيد هو احسن منهم باشياء ثانيه

ممكن عنده وجهة نظر ان الاشياء هذي مالها داعي تذكر قبل الزواج يعني لكل شئ وقته

وصدقيني دايم اللي يتكلمون ويتفقزن على اشياء ايام الملكه يتغير بعد الزواج لانها الحياة الحقيقيه

فلا تبنين حياتكوتوقعاتك وتوقفين اشياء حلوه وايام رائعه باشياء تافه

صح ماالومك لك راي معين وامنيات واحلام ورديه ومن حقك تطلبيها بس صدقيني الواقع شئ ثاني

فاذا كان الرجال دين وخلق خلاص لاتفكرين كثير واستمتعي بايامك هذي لانها احلا الايام

والدليل على كلامي انك كل ماتستخيرين ترتاحين

الله يوفقك ان شا الله

اسفه على الاطاله

طيب انتي فاتحيه بس مو بطريقه مباشره مثلا أسأليه سؤال اكيد هو بيجاوبك
مثلا قولي له وش راح نسوي اول ليله زواج
اكيد بيجاوب مابيتهرب

شكرا حبايبي على الرد

[grade="00008B FF6347 008000 4B0082 FF4500"]تــــــرى مـــــــــا ينخــاف الا مـــــــن الســــــاكـــــــت[/grade]

السلام عليكم ورحمه الله وبركاته

هلا قطره قريت موضوعج بس والله جني انا اللي كاتبه المشكله لان مشكلتي نفس مشكلتج بالضبط بالضبط نفس الشي نفس فتره الملجه ونفس فتره العرس والعرس بعد ٣ شهور ونفس المشكله نففففس الشي يوم تتكلمين عن الانفصال سبحان الله لو انا اللي كاتبه مشكلتي ما اعتقد اني بغير شي من اللي انتي كاتبتنه بس ان زوجي خجول بعض الشي

danh1100:
السلام عليكم ورحمه الله وبركاته

هلا قطره قريت موضوعج بس والله جني انا اللي كاتبه المشكله لان مشكلتي نفس مشكلتج بالضبط بالضبط نفس الشي نفس فتره الملجه ونفس فتره العرس والعرس بعد ٣ شهور ونفس المشكله نففففس الشي يوم تتكلمين عن الانفصال سبحان الله لو انا اللي كاتبه مشكلتي ما اعتقد اني بغير شي من اللي انتي كاتبتنه بس ان زوجي خجول بعض الشي

طيب ياعمري انت شلون نفسيتش هل هالشي عادي وبعدين بيتغيرون او لا انا وايد خايفه منه وبعد لاني بسكن في بيت اهله انا حاسه اني تعبانه والله

انت شلون تتصرفين هل ماخذه الموضوع عادي ولا مثلي

السلام عليكم ورحمه الله وبركاته


هلا قطره كيف الحال... والله عن نفسيتي في البدايه كنت وايد مضايقه وااايد وااايد لدرجه قلت خلاص ما ابا اعرس بس ويا الوقت تاقلمت ما اقدر اقولج تاقلمت لاني بين فتره والثانيه افكر في نفس الموضوع بس احاول اني اخلي الموضوع عادي وقلت ويا الوقت كل شي بيتغير الحين لان كل واحد عايش بعيد عن الثاني انشاءالله يوم بتعيشون في بيت واحد كل شي بيتغير
بس كيف تفتحين وياه الموضوع ما اعرف لاني انا بعد افكر في نفس الموضوع

اختي انا بنصحج نصيحه ... وايد بتعيبج ان شاء الله وبتقربكم من بعض ...

في بعض الالعاب اللي تعتمد على الاسلئة الشخصيه ... وايد منها على النت ...

شيء يكشف الشخصيه وشيء يشرح امور كثيرة ... امور واسئله ومواضيع كثيرة ..

ابدي من اللحين خزنيها ... وكل يومين او ثلاث قولي له شو رايك نلعب لعبه ...

وابتدي اسئليه .. عن الاشياء اللي يحبها مثلاً في الحرمه

شو يحب بعد 5 سنين تكون حياتكم عليه .. يعني بتلقين ولا تكثرين يعني

في الاسبوع لعبه او هنتين بترتاحين انتي لانج راح تفهمين اشياء وايد ..

انا جلابتها مع اني كنت اعتقد اني اعرف كل شيءوانصدمت

انه في اشياء كثيره ماكنت اعرفها ...

انا لي معاه سنين متزوجين في البداية كان يقولي كل شيء بعد فترة نزلت عليه السكينه وسكت استغربت استخفيت ... قلت ايكد حد ثاني في حياته

بس طلع بعد ما فكرت وقريت وماخليت شيء عشان احلل شخصيته اكتشفت انه هو اللحين بدى يعبر عملي ...

وتصدقين مره سالته سوال كان عادي بس رد علي باجابه مب عاديه ...

قلت له تحبني ... <<====99,9999999 امراة في العالم تسال زوجها يومياً هذا السؤال ...

تدرين شو كان رده ... ؟؟؟؟

ليش انا مقصر معاج في الفراش ... (:

شفتي شتان بين السؤال والاجابة ..

توكلي على الله ... ولاتنسين تعزمينا

ولحقه على سوالف العرس

وبلاويه ...


الله يوفقج