هل انا صح ؟؟؟

مرحبا


بدخل بالموضوع على طول


الموضوع زوجي " لمن الحين متملكين "


انا بدوية واهوا بدوي بس احنا حضر بالنسبة لأهل زوجي


بقولكم شنو صار معاي وانتوا احكموا ونوروني


اول شيء : يبيني اتنقب ... انا قبلت بس بشرط اني اتنقب بس عند اهله ولمن ايي عند اهلي او اطلع معاه ما البس النقاب

اهوا وافق على هالشيء بس احس انه موافق غصبا عنه

ثاني شيء : يبيني البس عباية لمن انسافر سواء دولة خليجية او عربيه او اوروبيه

وتناقشنا بالموضوع بس اصر على رايه وانا سكت ماقلت شيء وحاطة في بالي لمن نروح شهر العسل البس بس في المطار ولمن نروح هناك احط تحت الامر الواقع وما البس


ثالث شيء : انا اسوق سيارة وعندي سيارة خاصه فيني ابوي شاريها لي

اهو رافض اني اخذها معاي بعد الزواج ليش ان ابوي اهو اللي شاريها يقول مو حلوة انج تاخذين شيء من ابوج وانا موجود خلاص ابوج ماقصر معاج قوليله مشكوور وانا بوديج وبييبج واذا قصرت معاج بشيء قوليلي

وانا طبعا مو موافقه ابي اخذ سيارتي

رابع شيء : رافض فكرة اني اروح النادي الصحي يقولي ماله داعي تعالي عندي وانا معاج نلعب رياضه

خامس شيء : مايبيني اروح صالون بعييد يقولي كل الصالونات نفس الشيء حاولت افهمه ان كل صالون يتميز عن الثاني بشيء بس متنح على هالسالفه

انا طبعي هاديه وما اعصب كلش فكلامي معاه كله بهدوء حكمة واخذه بالسياسة بس اهو من النوع اللي اذا كان مقتنع في شيء خلااااااص يظل طول العمر على هالراي واذا قال لأ مرة خلاااص مستحيل انتناقش بالموضوع مرة ثانية


فأنا ما ادري شنوو اسوي


اوافق على كل هذا ولا شنو

بليييز ساعدوني