لـيـلـة الحـنا في قطر والدول المجاوره "أفكار و خبرات متجددة" مع عنود الغيد

نبذه..
عن ليلة الحناااا في قطر ..


تسبق ليلة الحنا ليلة الزفاف بيومين، وتقيمها أم العروس على شرف بنتهااا :shy:
على أيامهم قبل .. كانت العروس اتحنى بنفس هالليله قداام المعازيم..

أما على أيااامنا ..
أغلب العراايس يتحنون صباحية ليلة الحناااا :)
بحيث ان العروس تعرض حناها على المعازيم..
ويسوون لها الجلوه ..

حيث يتجمع المدعوون بعد صلاة العشا في بيت العروس
التي تجلس على كرسي مرتفع مرتدية ثوب
نشل أخضر اللون مطرزا ومزخرفا بخيوط الذهب
وتحت الثوب سروال محجل ومزين بخيوط الزري
وتضع العروس غطاءا كبيرا على رأسها
ثم شالا مزخرفا بخيوط الذهب أيضا
كما تنتعل العروس صندلا محلى بالزري
وتضع الصوغ في معصميها وحجليها وعلى رأسها وصدرها
ثم تقوم الداية بمسح يدين العروس ورجليها بمزيج من الزعفران
المنقوع في ماء الورد ويوزع نفس المزيج على الحاضرات ليمسحن به وجوههن!!

بعد ذلك تقف أربع من النساء ويمسكن بأطراف مشمر أخضر كبير مرفوع على رأس العروس
بينما تجلس امرأة أحرى بجانب العروس تتلو عليها دعاء "اللي هو المولد"
ليوفقها الله في حياتها الجديدة ويسعدها مع زوجها
ثم تجلس بعض الفتيات بجانب العروس يرتدين أحلى ملابسهن ويرقصن في صفين متقابلين ويبدأن بالرقص وهز رؤوسهن مع تمايل أجسامهن يسارا ويمينا مع الإيقاع..

و .. امييينه في أماااانيهااااا... :shy:

هاذي نبذه بسيطه عن ليلة الحنااا في قطر...
واللي لين هالحين يسويها كثير من النااااس..
بس بستااايل ثاني.. وحركااات جديده... :shy:

وبانتظااار باقي الردوود :)


^^^
Miss Photo
تسلمين عالصوره ياعسل .. (f)
،،



يأهـل البحريـن..يانور العيـن.. نبي فزعتكم..!!
لـنكن جمـيعنا في استقبالها ..
شعلة الــ أهل ـــدووحــ الكرم ــه 2006

عنود الغيد:

فديته والله

بالإضااافه للي قالوا لج عنه البنات..
من تجهيزات لـ ليلة الحنااا..

هاذي أفكار زياده...

أتوقع انها بتكون في شهر 2
يعني الجو ان شالله .. wow

تنسيق المكااان
كوشه صغيرونه..
طاولات على مساحة حوشكم & عدد المعازيم..
"أرشح لج رويال فلاورز .. شغله رهيب .. شفته بكذا حنااا"

"إذا حوشكم يسمح"
تنصبين صيوان بجانب من الحوش
بحيث إن الطاولات يجي بعضها تحته وبعضها برااا

أو بس اتخلينه للبوفيه..
وفيه وحده اتخبز .. أو عندها هريس.. "يعني سوالف قبل"..

اتجيبيين لج فرقه للجلوه "إذا هالشي متداول عندكم "
أو DJ و أغاني المولد الجلوه .. متوفره .. واذا مالقيتيها "أبشرري" :shy:

ستايل الملابس والمعازيم لازم يكوون traditional :)

التوزيعات ..
سويتااات قديمه
"لقيمات .. خنفروش .. خبر امحلى .. سمبوسة البحرين"
القهوه والشاهي
خليهم يضيفونهم بدلال رسلان و اطلبي غووري للشاهي لا تنسييين الكرك :gum:

تقدرين اتوزعين حنااا..
قلايد مشموم أو فـل << " او اتخلين بس الأهل يلبسون يعني للتميز"
اذا اتحبيين ..
جيبيلج ثلاث من أي حنايه عشان يحنون البناتيت الصغااار :)
وبالمره عشااان يقروون بمكان واااحد
>>> ماتحب حوسة اليهالووه :bigsmile:

عندي بعد فكره
إذا انتي من نوعيتي اللي يدققووون في الـ details
<<< تهتم بأدق التفاصيل
عندج شغالات البيت..
مب حلوه يقعدون باليونيفورم.. بهالليله الحلوه :sad:
وبعد مب حلوه كل وحده منهم تكشخ على كيفها!!!! :D

فصلوا لهم جلابياااات نفس جلابية أم خماااس امنقطه ولبسوهم ملافع...
ستايل موحد "يونيفورم مب رسمي" .. وبالمره يكشخوون :shy:

نجي عاااد للعرووس "اللي هي انتي :shy: "

تلبسين أي جلابيه فخمه
باللون اللي تحبيييين..

خلي مكياااجج نعووم..
يعني شي بسيط...
شعرج اذا بتلبسين طاااسه سويله سشوار وبس فليه
ولو طويل بعد أحلى وأحلى "بلششي اهتمام فيه من الحين"
تحني من الصبح .. عشان بس تقعدين بكشختج..
بلااا حنااا .. و حووسه

وبس .. قعدي ..
صوري .. وشوفي اللي بيرررقص..
واستانسي ويا ربعععج كثر ماتقدرين...
واذا راحوا العرب .. خذيلج فرره وارقصي!!
"عادي ترررى" :bigsmile:

لأن من وجهة نظري .. ليلة الحنا..
اعتبرها حفلة توديع العزوبيه...

وأي استفسار..
ولا حاااجه..
آنا موجووده .... :flower: [/SIZE]

:shy: :shy: :shy:

تسلمين عنوده حبيبتي على هالموضوع اللي كنا ننتظره من زمان

والله يعطيج العافيه ونحظر حناج كلنا قولي آآآآميين

طبعا لاافكار تطلع شوي شوي بس مقدما مبرووك على الموضوع الناحج ولااكثر من رائع

عنووود

الحمدالله اول وحده رديت على موضوعج خخخخخخ

فديتج عنود الغيد مشكورة على هالموضوع الروعه ..

الصراحه انا لا عروس ولا قد مريت بها الشي ، بس كان في خاطري اشارك في موضوعج فدورت في النت عن صور حق ليلة الحنا ان شاء الله يعجبونج ..

اول شي احب ابدء بتقرير حناي اللي مبدئين حطه افكار في بالي وانشالله نستفيد من بعض

1. طبعا ستايل الحنه تراثي قديم بحت + هندي ( وحبيت يكون فيه روح الجماعه بيكونون بنات عماتي وخالاتي عندي قبل ليلة الحنه بيومين )

المكان : الحوش وطبعا الجو يهبلللل هالايام ومساحه الحوش الحمدالله تكفي وحجزت من محلات تجهيز الافراح سجاد بينفرش في الحوش وكنب من عندهم وبينحط في الحوش

الكوشة : الجلسة القديم المطرح الاخضر اللي يتعلق بالطوفه والجلسه القديمه بالمساند والدوشق مثل مايقولون وطبعا لاني بقعد في الحوش فبغيت اكون شوي ارفع من الارض فحجزت من نفس المحل استيج مربع بحط الجلسه عليه وبدخل عليه شيفون أحمر والجلسه لونها اخضر

ملابسي : فصلت دراعه قديمة لون أخضر اللي فيها زري قديم ذهبي خذتها من سوق واقف وسويتها مثل الدراريع القديم اللي تكون فيها قصة على الخصر وبلبس ذهب طاسة السعد والمرتعشة والحزام الذهب وبدخل على زفة قديمة لفطومة لقيتها بالنت وااايد حلووه

وفي دخلتي بتكون التوزيعات حنة بشتريها من الصالون ملفوفه بتور أخضر

بعدين بلبس هندي وبرجع بدخل مره ثانيه على موسيقى هندية كلاسيك وبلبس احمر تنوره هنديه وفيها شك ومع البدي مالها والطرحه وياها وجميع الاكسسوارات معاها وفي دخلتي الثانيه بنوزع قلايد فل على الناس

البنات كلهم بيلبسون دراريع قديم خذنا لهم قطع من سوق واقف والموديل واحد للكل الدراع القديمه الموديل يابنات اذا تبونه شوفوا مسلسل الفريه

وطبعا ماشلله بنات عمي بيسوون حركات في الحنه بيسوون فقرة وبيرقصوون على أغنيه قديمه وبرقصات كلللش قديمة

توزيعات الاكل : بتكون في وحده موجوده من الحريم بتسوي خبز رقاق واللقيمات + امي الله يعطيها العافيه بتسوي باجلة ونخي وبعد بتتوزع في صحون بلاستك صغيرة

العشا : بيكون على الشكل القديم طباخ وذبايح وعيش ولحم

هاي مبدئين وانشالله الافكار كل يوم تطلع وانشالله على طول بقولكم

عطر الليل

الله يعطيج العافيه الصوور وااايد رووعه وانا اللي بحطه اول صوره هاي اللي كنت اقصدها

تسلمين

يعطيج الف عافيه عنود الغيد عالموضوع المميز

ولي عوده

غالية ياقطر
الموضووع ما انحط إلا منكم .. ولكم .. :)
تسلمين على تواجدج الحلو..
والأفكااار الأحلى..
وإن شالله تطلع ليلتج ولا أرووع..
خطيره فكرتج .. انج اتدخليين ستايلييين بليلة وحده..
والله يخليلج بنات عمج وخالاتج....
أحسسهم بيسوون لج جوو حلوو :)
،،

عطــــ الليل ــــر
يفدااااج عدووج ياغلاااا..

lol
me 2 :bigsmile:
مالي خص بالسالفه!!
بس احب اطلع أفكااار..
وعرايسنااا يستاهلوون :shy:
&
thanx 4 da pic's
i liked them a lot (a)
صراحه كنت أدورهم قبل لا أنزل الموضوع..
بس مالقيتهم..!! :sad:
ماقصرتي حبوبه................ :shy:
،،

عمري قطر
يعاافيج ربي حبيبتي..
و ننطرررج :gum:
،،



يأهـل البحريـن..يانور العيـن.. نبي فزعتكم..!!
لـنكن جمـيعنا في استقبالها ..
شعلة الــ أهل ـــدووحــ الكرم ــه 2006

ماشاء الله .........تسلمين عنوده ........وانشاءالله البنات يتفاعلــــــــون معاج اكثر لانه بيكون مفيد

بنت الغالي

الله يسلمج ..
وشاكرتلج تواااجدج معانااا...

ونبي منج أفكااار..
سواااء من أشيا شفتيهااا..
أو حاجه تطري على بالج ...

حياج الله حبيبتي .. :shy:
،،

[poem font="Simplified Arabic,5,burlywood,bold,normal" bkcolor="transparent" bkimage="" border="none,4,orange" type=0 line=0 align=center use=ex num="0,black"]
حبيبتي عنود الغيد اشكرك على اللفته الجميلة
وروح التعاون المميز[/poem]

طبعا انتي كفيتي وفيتي والي عنده اضافه يضيف

طبعا من سمات ليلة الحنا انها احياء الماضي المحبب للنفوس الماضي التراث الاصالة والعراقة
الماضي الذي يذكرنا باصولنا وعاداتنا
الماضي الذي يعبر عن الفرحة البسيطه التي تنعش القلوب وتربط الابنة بالام والجدة

فتتقدم العروس تتزين بالنشل ببريق الزري والذهب الاصفر يلمع الحناء في اطرافها
وتنتعش قلوب احبتها فرحا اماه افرحي بي قد ازدنت اليوم بالفرحه في الماضي ماكانت العروس يراها احد كانت تتحنى منفرده
ولكن ليلة الحنا هي ربط الماضي بالحاضر
ليلة الحنا من كان لديه متسع في المنزل كان افضل

لو حبيتي تكون اكثر شعبيه
ممكن النجار يسوي لك مثل منصه صغيره وعليها مثل القوس
وتروحين سوق المنتجات العمانيه تلقين السعف والبسط تاخذين منهم وتسوين مثل عريش

وتاخذين قماش من اللون الاخضر مع الذهبي تلقينه في سوق واقف متره 6 ريالات اشتري طاقه والا اثنين

وينحط على اطراف العريش والقعده

اما الاكل فتفرش السفر القديمه وينحط عليها الذباح بعد ان تقدم الحلويات الشعبية




الخبز الرقاق



اللقيمات


]

الخبيص والبلاليط
هذي الصور من افالة العيد

طبعا اختار الالوان يعتمد على ذوق العروس
ممكن البرتقالي المحرق مع الذهبي

او الفوشي مع الاحمر والذهبي

او العشبي مع الازرق والذهبي

او الاصفر الكركمي

وعليك سعيد ومبارك
والفرح بيك تبارك

عنود الغيد:


شظايا الماضي
اممم شرايج بدرجة البنفسجي
اللي كانت لابسته أحلام بجلستها الأخيره مع محمد عبدوه ؟!!!
وخلي الـ style بداااوي..!!
سدوو وبراقع والذي منوو!!


البنفسجي حلو
والستايل البدوي بعد..
بس سؤال شالفرق بين الستايل البدوي والتراثي؟

البدوي غير...!!

واللي انتي تشوفيه التراثي وثياب النشل
وهالذهبااان تراها كلها ستايل احضري...

يعني اتغيرين هالسوالف وتلبسين اكسسوارت فضيه
اذا شايفه ستايل فضة أبها وخميس مشيط من السعوديه
حتى الفضيات العمانيه .. والمغربيه تركب .. لو عندج فكره عنها!!

الكوشه ممكن يحططون لج فيها سدو وتكون على أحمر & مارون "مش خضرا"

اذا عندكم خيول حلو بعد!!
"بس خليهم بعيييد اذا حوشكم كبير ويساعد يعني حركه لا أكثر !!"

وطيوور بما ان الموسم جاي
حلو يحطون لج طير صجي بس شرط يكون امبرررقع!!!
ممكن بعد اتعلقيين سيووف فالخلفيه :)

اممم بعد وشو
الزفه مايحظرني شي حالياااً
ممكن تدخلين على هب السعد!!

بس حاولي ان اللون الطاغي في الــ theme
أحمر ودرجااات الأوراانج والبراون & سدوو

ولو فيه امكانيااات
حلو ان ننصب بيت شعر..
بيسوي جوو فالحديقه .. وبالمره انحط فيه البوفيه
أو جلسه أرضيه "سدو ومراكي" اذا راح اتجيبون حنايات للمعازيم :)

وهاذي صور الــ theme البداوي عشان توضح الفكره أكثر :shy:



[]
هاذي صورة للجو العام.. شلوون بيكوون.. "الألوان والإضاءه"
"التطبيق طبعااا .. بس فالكوشه"



طريقة الجلسه العربيه ..
تطبق بس فالكووشه..
لأني اتوقع المعازيم مارااح يرتاحوون في الجلسه..!!


بهالصوره..
يبين الطير المبرقع..
والمركى .. ولو تفرشون جاااعد على الجلسه بعد بيعطي touch بداوي حلو :)
ولو اتلاحظوون بالخلفيه السيووف المعلقه اللي تكلمت عنها فوق :)

what do U think??

:gum: :gum:


تم تعديل الصـــور بواسطة بنت الغــــالي

ام حمد القطريه

العفوو.. ولوو!!
ماسوينا حاااجه :shy:

وتسلمين فديتج على الأفكااار..
والصور الحلووه واللذيذه..

شهيتيني الصراحه :sad:

لا هنتي يالغلاااا (f)

روعه التراث البدوي

وكانك نقلتي الحضري والبدوي
طبعا كان هل قطر لهم حياتين حياة الصيف في البحر مع الغوص وهالفترة يعيشون حياة الحضر
وحياة الشتاء والمقناص بين اكلهم ام بريد والتمر في الطاسه والشاهين والحر بين اليدين
سمحولي وحده عاطفيه تحب كل شيء في بلادها

مبروك على الموضوع الحلو واللي بنستفيد منه كلنا اكيد

بس حبيت اسال الكراسي البلاستيك البيضة من وين ناجرهم
لاني بسوي البوفيه برا مع طاولاته
وبالصاله بحط من هذول الكراسي لان بنشيل اطقم الصالة لان بقعد داخل

لان صالتنا عبارة عن مرتفة نتوسطة الحجم والنازله كبيرة فالمرتفع بحط فيها كوشه الحنة والرقص والنازله كلها كراسي من البيض هذولا
والعشا براا

:) :) :)

شوفي الكراسي البيض في نجمه واحد ياجرهم الواحد بريال اذا انتي تشيلينهم
وكل محلات تاجير تجهيزات الافراح ياجرونهم الحبه ريالين

احترت في اسمي

انا اخذتهم من محل تجهيز الافارح الحبه مثل ماقالت اختي ام حمد بريالين والسجاد اذا بتفرشين الحوش الوحده ب5ريال طبعا هم يشوفون المساحه ويوقولون لج كم سجاده تحتاجين وبعد خذت من عندهم طقم الكنب ب50 ريال وشوفي كم طقم تحتاجين والله انه يابنات ماكلفني فرش الحوش اكثر من 300 ريال

سووا هالطريقة ترى احلى واوفر وتحسين بستايل قديم

مشكورين
بس فديتج ام حمد شنو اسم المحل او رقمه اللي بنجمه
وهو يجيبهم لما عندي؟

وحبيت اعرف الليتات اللي على البيت المعرس لازم يركبهم ولا بيت العروس يركبون لنفسهم ؟؟؟