مرحبا خواتي
انا عندي مشكله وايد متعبتني وطول الوقت افكر كيف اتخلص منها
وترددت وايد قبل لا اكتب هنيه
لأنه شي متعلق فشخصيتي وما احب انه الناس ياخذون فكره مب زينه عني
بكلمكم اول شي عن نفسي ..
انا ولله الحمد بنت قلبي ابيض وطيبه لدرجه كبيره ويمكن طيبتي وصلتني لهذي المرحله
بس الكل يشهد بأخلاقي وطيبتي وابتسامتي الدايمه
لكن المشكله إلي متعبتني هي إني استويت احقد على الناس "البعض مب كلهم"
هذيلا الناس بعضهم من اقربائي والبعض الآخر من الناس
إلي جمعتني بهم صداقه في يوم من الأيام
كنت اعاملهم بالطيب وعاملوني بالشين
مع انه تربطني فيهم ايام حلوه لكن محد هاليوم يقدّر العشره
هم ما ضروني لكن اساؤوا لي بأفعالهم الغير مباشره وتكبرهم علي
دايماً يحاولون ينقصون من قدري ويبينون انفسهم انهم هم الأحسن
ويحسدوني اذا شافوني في نعمه او توفقت في شي معيّن
حتى في الكلام ما يسون لي ادنى اعتبار في حضور ناس اهم مني بالنسبه لهم
وخصوصاُ إذا كانوا في لحظة غضب .. تنكشف نواياهم عدل
مع انهم في الظاهر يبينون انهم يحبوني ويهتمون لأمري ويبون لي الخير
بس تصرفاتهم تفضحهم
ومشكلتي اني اعرف كل شي .. لكني كنت اسكت واعاملهم بالطيب
وانا من طبعي اني ما اقدر اواجه الشخص بغلطه
اتم ساكته ومع الايام ابتعد .. وهذا إلي سويته بالضبط
والحمدلله كونت لي صداقات مع ناس احبهم ويحبوني ويغنوني عن الدنيا وما فيها
لكن مواقف الحياه تجبر الواحد انه يلتقي بالناس إلي تعمّد انه يبتعد عنهم ويتقي شرهم
المشكله الحين إنه نفسيتي تغيرت
قمت كل ما اعرف او اسمع اخبار زينه عنهم .. انقهر وابدأ اقارن نفسي فيهم
واسأل نفسي ليش هم احسن وليش اتوفقوا في هالشي وليش وليش..
والله العظيم قمت اصيح على نفسي كل يوم ليش استويت حقوده مع إنه كان قلبي طيب
وكنت اتمنى الخير للكل وادعيلهم من كل قلبي
احب الخير للكل والله يشهد علي
بس ما ادري ليش مع هالناس بالذات احس بغل في قلبي عليهم
واتم استغفر ربي واتعوذ من الشيطان
لكن طول الوقت اتم افكر واسأل نفسي اسئله كلها حقد وكراهيه
وصلت لمرحلة اني ادور على استشارات نفسيه في هالموضوع
لأنه ما ابغي تطور المشكله واستوي عقبها انسانه حقوده عالناس
الكل يكره هالصفه وما يتمناها في نفسه
ساعات احاول اقنع نفسي بأنهم ناس ما يستاهلون ليش انا اكسب سيئات من وراهم
لكن انتوا تعرفون الشيطان يوم يوسوس في القلب
ابغي حل لهالمشكله وربي اني ما ارقد الليل وطول الوقت افكر في الموضوع
إلي عندها الحل تساعدني دخيلكم
انا عندي مشكله وايد متعبتني وطول الوقت افكر كيف اتخلص منها
وترددت وايد قبل لا اكتب هنيه
لأنه شي متعلق فشخصيتي وما احب انه الناس ياخذون فكره مب زينه عني
بكلمكم اول شي عن نفسي ..
انا ولله الحمد بنت قلبي ابيض وطيبه لدرجه كبيره ويمكن طيبتي وصلتني لهذي المرحله
بس الكل يشهد بأخلاقي وطيبتي وابتسامتي الدايمه
لكن المشكله إلي متعبتني هي إني استويت احقد على الناس "البعض مب كلهم"
هذيلا الناس بعضهم من اقربائي والبعض الآخر من الناس
إلي جمعتني بهم صداقه في يوم من الأيام
كنت اعاملهم بالطيب وعاملوني بالشين
مع انه تربطني فيهم ايام حلوه لكن محد هاليوم يقدّر العشره
هم ما ضروني لكن اساؤوا لي بأفعالهم الغير مباشره وتكبرهم علي
دايماً يحاولون ينقصون من قدري ويبينون انفسهم انهم هم الأحسن
ويحسدوني اذا شافوني في نعمه او توفقت في شي معيّن
حتى في الكلام ما يسون لي ادنى اعتبار في حضور ناس اهم مني بالنسبه لهم
وخصوصاُ إذا كانوا في لحظة غضب .. تنكشف نواياهم عدل
مع انهم في الظاهر يبينون انهم يحبوني ويهتمون لأمري ويبون لي الخير
بس تصرفاتهم تفضحهم
ومشكلتي اني اعرف كل شي .. لكني كنت اسكت واعاملهم بالطيب
وانا من طبعي اني ما اقدر اواجه الشخص بغلطه
اتم ساكته ومع الايام ابتعد .. وهذا إلي سويته بالضبط
والحمدلله كونت لي صداقات مع ناس احبهم ويحبوني ويغنوني عن الدنيا وما فيها
لكن مواقف الحياه تجبر الواحد انه يلتقي بالناس إلي تعمّد انه يبتعد عنهم ويتقي شرهم
المشكله الحين إنه نفسيتي تغيرت
قمت كل ما اعرف او اسمع اخبار زينه عنهم .. انقهر وابدأ اقارن نفسي فيهم
واسأل نفسي ليش هم احسن وليش اتوفقوا في هالشي وليش وليش..
والله العظيم قمت اصيح على نفسي كل يوم ليش استويت حقوده مع إنه كان قلبي طيب
وكنت اتمنى الخير للكل وادعيلهم من كل قلبي
احب الخير للكل والله يشهد علي
بس ما ادري ليش مع هالناس بالذات احس بغل في قلبي عليهم
واتم استغفر ربي واتعوذ من الشيطان
لكن طول الوقت اتم افكر واسأل نفسي اسئله كلها حقد وكراهيه
وصلت لمرحلة اني ادور على استشارات نفسيه في هالموضوع
لأنه ما ابغي تطور المشكله واستوي عقبها انسانه حقوده عالناس
الكل يكره هالصفه وما يتمناها في نفسه
ساعات احاول اقنع نفسي بأنهم ناس ما يستاهلون ليش انا اكسب سيئات من وراهم
لكن انتوا تعرفون الشيطان يوم يوسوس في القلب
ابغي حل لهالمشكله وربي اني ما ارقد الليل وطول الوقت افكر في الموضوع
إلي عندها الحل تساعدني دخيلكم