خلطه للجسم للاستحمام السريع

بنت_الدوسري 22-11-2006 19 رد 4,765 مشاهدة
ب
السلام عليكم ورحمة الله وبركاته

حبيباتي عضوات هذا المنتدى الرائع بكل صراحه حبيت اسالكم ,

اتمنى ان احصل عندكم طريقه لخلطه او اي شي تغني عن الصابون للاستحمام السريع او اليومي اي نستخدمها عند الاستحمام بدون الحاجه الى تركها على الجسم لمده ساعه او نص الساعه


اتمنى احصل عندكم خلطه ممتازة للجسم


سلامي للجميع :shy:
ن
زيت زيتون وملح ناعم..قشري جسمك تقشير ناعم..ثلاث مرات بالاسبوع اوعلى الاقل مرتين..

وبعدين غسلي جسمك بالجل شاور ..

بعد الاستحمام استخدمي اللوشن اللي تفضلينه على جسمك ..ويمكنك استخدام زيت الاطفال..

بتلاحظي النعومة من او استخدام..

اتمنى تجربيها وتخبريني..

اتوقع مافيه اسهل من كذا..

اختك:
نـــــــــــــــــارا السعودية..
ف
وانا بعد ويا اختي نارا على الملح والزيت مررة حلو
وجربيه ماراح تخسري
د
حبيبتي جربي ملح الحليب من يوكو اسبا

تلقينه عند العطار مرررررررررررررره حلو

ينعم ومع الاستمرار يصفي البشره ويبيضها

ربي يحفظك
ر
احسسسسسسسسسسسسسسسسسسسسسن شي اخذي كل اربع ملاعق كبيره خلطيها مع ملعقة

حليب بودره وخليها دايمن بالحمام عندج الصبح غسلي وجهج فيها بدون الصابون وجسمج خليه مثل

السكراب دلكي جسمج وادعيلي لا تنسيني وسلامتج مجرب شخصيا ويوميا للوجه
ر
هلا اختي بنت الدوسري ..

خلطه سريعه للبنات اللي كله على اعيـــله:bigsmile:

بالليل بشري صابونه طاووس او اي صابونه اتريحج ( دوف ، الصابونه السوده ، صابونه الصندل او الكركم )

وحطيها في اشويه ماي ورد

واليوم الثانيه ضيفي 5 ملاعق سدر مطحون ( تلقينه عند العطاريين )

ممكن اتضيفين ملعقتين حليب مجفف

استعملي هل وصفه وانتي تاخذين شور وحطيها بقفازات البدي الشوب عشان اتقشرين الجلد الميت من الجسم.

وصفه ثانيه

ملح ( او سكر) + زيت لوز حلو + كم قطره عصير ليمون ( واذا بشرتك حساسه عصير برتقال)

او ممكن تشترين مقشر جاهز من عند كلارنس ، البدي شوب ، كلنك

واذا تبين شي سعره معقول ممكن مقشر المشمش من St Ives وتلقينه بالصيدليات مثل رويان او ناصر او حتى عند جيان.

او ملح الحليب من يوكو ( تلقينه بالسعوديه)

اختج

روح البحرين
ن
للرفع
ب
مشكووووووووووووووووووووووووووره حبيبتي [glint]روح البحرين[/glint]
ب
(n) :yes: مشكووووووووووووووووووووووووووره حبيبتي [glint]روح البحرين[/glint]
ق
يسلموووووووووووووو روح البحرين

وانا بعد كنت ابي شي سرييع وما يقعد بالساعت


لك تحياتي
.
:shy: مشكوره حبيبتي روح البحرين ..

عن جد وصفتج حلوة ..


الله يعطيج العافية ...
ا
ممكن مثل ماذكرت لج الأخت روح البحرين تستخدمين مقشر المشمش من St Ives وتلقينه بالصيدليات وااااااااااااااااااااااايد حلو وأنا مجربته للجسمي وحتى الوجه رروووووووووووووووووووعه

وممكن تجربين بعد مثل ماقالت روح البحرين تستخدمين ملح الحليب من يوكو صراحة نعوووووووووووومة ممتازة وطبعاً أنا جربته عشان جذي قلت لج عنه

أو ممكن تستخدمين مقشر الجسم من أوريفليم وااااااااااايد حلو وأنا مجربته وسعره وايد زين

وبحطلج صورته
ق
مشكوووووووره وااايد
ب
بصراحه خيارات متنوعه ورائعه

اشكركم جزيل الشكر على ردكم واهتمامكم وبجرب وبرد عليكم

سلامي للجميع
_
مشكوووووووره حبيبتي على الموضووووع

الغاااااليه روح البحرين الخلطه شكلها رووووووووعه وانا تشجعت لان فيها سدر <<< مدمنة سدر هههههههههه

بس ماقلتيلي.. ممكن نستعملها كل يوم؟ من بدال الشاور جل يعني وله هل هو كمقشر بس مرتين في الاسبوع؟

اي صابونة احسن شي احط معاها شنو جربتي شخصيا؟ وشكثر بالضبط مقدار ماي ورد ؟

هل بتوحد اللون؟

سامحيني على الأسئلة الي لا بد منها والله يعطيج ألف مليووووون عافيه على جهودج يا بنت ديرتي
ر
_بطه_:
مشكوووووووره حبيبتي على الموضووووع

الغاااااليه روح البحرين الخلطه شكلها رووووووووعه وانا تشجعت لان فيها سدر <<< مدمنة سدر هههههههههه

بس ماقلتيلي.. ممكن نستعملها كل يوم؟ من بدال الشاور جل يعني وله هل هو كمقشر بس مرتين في الاسبوع؟

اي صابونة احسن شي احط معاها شنو جربتي شخصيا؟ وشكثر بالضبط مقدار ماي ورد ؟

هل بتوحد اللون؟

سامحيني على الأسئلة الي لا بد منها والله يعطيج ألف مليووووون عافيه على جهودج يا بنت ديرتي


هلا اختي وبنت ديرتي بطبوطه:shy:

انا استخدم هل خلطه 3 مرات بالاسبوع . وممكن تستخدميها بدل الشور جل بس لاني اعشق الشور جل المعطر فمقدر استني عنه .

جربي صابونه الطاووس واذا بشرتك حساسه او جافه وايد جربي صابونه دوف

ماي الورد حطي مقدار نص كوب

وهل وصفه اتوحد لون الجسم واتعالج مشاكله مثل آثار الحبوب .

اختك

روح البحرين
م
[CELL="filter:;"][ALIGN=center]بالليل بشري صابونه طاووس او اي صابونه اتريحج ( دوف ، الصابونه السوده ، صابونه الصندل او الكركم )

وحطيها في اشويه ماي ورد

واليوم الثانيه ضيفي 5 ملاعق سدر مطحون ( تلقينه عند العطاريين )

ممكن اتضيفين ملعقتين حليب مجفف

استعملي هل وصفه وانتي تاخذين شور وحطيها بقفازات البدي الشوب عشان اتقشرين الجلد الميت من الجسم.[/CELL]

[CELL="filter:;"][ALIGN=center]عزيزتي روح البحرين

هل عادي استخدم هذي الوصفه بدل صابون الوجه وعادي اذا استخدمتها كل يوم

وجزاك الله الجنه على ماتقدمينه لاخواتج[/CELL]
س
مشكورة
_
مشكووووووووره الغاليه روح البحرين
ههههههههههه عجبني اسمي منج "بطبوطه" حسيت اني موتر سيكل <<< الأخت متأثره من الفورملا مال يوم السبت ههههههههههههههه

على العموم انشاءالله اجربها لما اخلص الي عندي بسررررعه
ط


X