حبيباتي بنات المنتدى العزيز .... اليوم حابه انقل لكم تجربتي مع ادواتي المنزليه محاسنها ومساؤها ومعززه بالصوررررررررررر علشانكم .... طبعا ... والحمد لله اجهزتي غانيتني بفضل الله عن الخدم والشغالات والتعب النفسي منهم ... وخل نفيد ونستفيد ... اتمنى انه اللي عندها تعقيب او حابه تنقل تجربتها عن اجهزتها لا تبخل علينا لانه احنا كلنا خواااااااااااااااااااااااااااا ت ... والله ياجر ويوفق كل اللي تفيدنا وترد علي ولو بدعوه من القلب الله يوفقني ويا زوجي واهلي وعيالي بالدنيا والاخره ..
ونبدا اولااااااااااااااااااااااااااا ااا :
الثلاجه :
" alt="" loading="lazy">انا عندي ثلاجتين متوسطتين من LG وبصراااحه مريحيني وايد واللي ماخذتنهم بالمراوح الجانبه يعني تبرد حتى الرفوف من فوق وتحت ومريحه وايد وما تخرب الاكل بالداخل... والفريزر ما يسوي ثلج بالجوانب يعني يظل محافظ على البروده بدون ما يسوي ثلج مزعج .... ممتازه من ناحيه التخزين يعني تشيل الاكل ..وحده عندي من ثلاث سنين والثانيه من سنه ...
المساوئ : ام ام ام ام .... للحين ما اكتشفت مساوءها ... ان شاء الله ما يكون لها مساوئ ..
وعندي ثلاجه صغيره MINI ... نفس الماركه للعصائر ...
الغساله :
" alt="" loading="lazy">عندي غسالتين فل اوتوماتك ....وحده ماركه BOMBANI والثانيه INDIST
ماشاء الله تبارك الله مريحيني موووووووووووت وبالذات الثانيه لانها تجفيف 100% وفيها عده خصائص مثل التجفيف بالشمس ( تطلع الملابس كانها مجففه بالشمس )
.. والتجفيف الكامل بدون كوي ( تطلع الملابس كانها مكوايه يعني على طول الدولاب )
... والتجفيف المناسب للكوايه ( تطلع الملابس ناشفه بنسبه 99.9% علشان تناسب الكوايه وتسهل عمليه الكوي
السعه : 7.5 كيلو ملابس للغسيل ... و4.5 للنشافه )
فيها نظام للتوقيت يعني احط الملابس بالليل واضبطها تغسلها الساعه 6 الصبح بدون مشاكل ..
فيها نظام ضد الجعلكه تحمي الملابس من التجعيد ..
مناسبه لغسل الشراشف واللحافات والكفرات لحد 7ونص كيلو ...
مناسبه لغسيل احذيه الرياضه
مناسبه لغسل الفوط والمناشف وتجفيفها مع الحفاظ على نعومتها ..
مناسبه لغسل ملابس الاطفال دون تخريبها وضياع الوانها ..
مناسبه لغسل ملابس الرجال ( الكنادير مع الجويت او النيله )
المساوئ : لاتناسب تجفيف الملابس الرقيقه مثل العبايات وكنادير الرجال يعني تغسلهم بس نصيحه لا تنشفهم ..يفضل تنشيفهم بالشمس ..
مولينكس :
" alt="" loading="lazy">هذه عاد حبيبه قلبي ... مريحتني من كل شي ... تقطيع البصل حلقات او شرائح او مفروم
تقطيع جميع انواع الخضار باي شكل ترغب به
عمل العصير بدون بذر او جلد بكل سهوله وباي نكهه
ممتازه في تقطيع اللحم وفرمه \
ممتازه في عمل العجائن المختلفه بكل راحه ولا لت ولا عجن باليد
سهله الحمل وصغيره وسهله التنظيف وسهله التركيب ولكل خدمه فيها شفراتها الغير قابله للصدا
فيها مود للتفريم يدوي واتوماتك ..
مساؤئ : ولا شي الحمد لله ..
شواية :
" alt="" loading="lazy">ممتازه للاستغناء عن القلي في عمل اللحوم او الدجاج والسمك
ممتازه في عمل الخضار المشويه
ممتازه في شوي الكباب والتكه والنقانق
مائله للاسفل للتخلص الكامل من الزيوت الخارجه من الطعام نفسه ( طعام بلا نقطه زيييت ) مناسب للريجيم
سهله الاستخدام وعمليه
يوجد لها مكان لحفظ الطعام ساخنااااا لحين الاستخدام .
سهله التنظيف
المساؤى : لا شي الحمد لله
كوايه :
" alt="" loading="lazy">عندي كوايتيين وحده بالبخار الكامل اللي تطلع بالتلفزيون ويستخدمونها في المحلات روووووووووعه عليها شوي
وكوايه عاديه بالكوي بالبخار وممتازه وما تلزق ..
المساؤى : الاولى صعب تخزينها لانها كبيره
والثانيه : كل شوي عبي ماي فيها بس
البويلر :
" alt="" loading="lazy">ممتاز للتسخين السريع للماء
سهل التنظيف
لمساوئ : لا شي
مايكرويف :
" alt="" loading="lazy">حلو انه فيه نظام اذابه الثلج بدون تسخين يعني اطلع الدجاجه مثلجه دقيقتين فككت الثلج ..
والباقي عادي .. تسخن الاكل
المساوئ : لا شي
االخلاط المكسر:
" alt="" loading="lazy">ممتااااااااااااااز وفيه
ميزه خلاطي انه كبير يعني فيه يتحمل كميات كبيره من السوائل او العصائر ..
ميزه ثانيه فيه عده امواد ( تختلف طريقه الخلط من سريع لبطيئ وغيره )
فيه نظام تكسير الثلج وبرشه
نظام تكسير الخبز وفرمه
نظام عجن الطحين
نظام الميلك شيك
نظام تقطيع الخضار
نظام العصائر
نظام الشوربات والسوائل الساخنه .
المكسر الزجاج فيه حركه ينفتح من تحت لسهوله تنظيف الشفره من فوق وتحت ..
المساوئ : صعب تخلطين فيه كميات قليله يعني لازم توصل كميه الاكل للشفرات عشان يخلط ..
المكنسه الكهربائيه :
" alt="" loading="lazy">ممتازه من ناحيه الكنس للسجاد والستائر والنوافذ والمكيفات والاماكن بين الكنب والاماكن الصغيره والصعب الوصول لها
ممتازه في غسيل السجاد والماتريكس والكنب والستائر وغيره مع التجفيف
ممتازه في شطف السيراميك والرخام والادراج والحمام والمطبخ
ممكن استخدام الصابون او المطهرات مع الماء وتزيل الاثر .
المساوئ : ثقيله شوي وتاخذ حيز في البيت .. ولازم تنظف بعد كل استخدام
جهاز البخاااار :
" alt="" loading="lazy">عمل الرز البخاري مع النكهات ( يعني اخط طبقات الرز يكون تحت وفوقه اللحم او الدجاج وفوقهم الخضار ويصير وجبه كامله وبمنتهى السهوله
ممتازه في عمل الخضار السوتيه
ممتازه لعمل انواع اللحوم والاسماك
ممكن استخدام طابق او كل الطوابق
تحفظ الماء المتساقط من الخضار او اللحوم لعمل الشوربات منه
ممتازه لعمل الوجبات الصحيه والخاليه من الدهن وتحافظ على القيمه الغذائيه للطعام
مناسبه لعمل وجبات الاطفال المغذيه ( افضل بمليون مره من السلق )
المساؤئ : ولا شي روووووووووووعه بمعنى الكلمه
الكوفي ميكر ( اله صنع القهوه ) :
" alt="" loading="lazy">ممتازه ومريحه وتخلي القهوه ساخنه للاستخدام
المساؤى : متعبه في التنظيف
جهاز العرض المنزلي السينمائي :
" alt="" loading="lazy">روووعه ويغني عن مشاهده الافلام في السينما او بالتلفزيون
يستخدم مع الكمبيوتر او الرسيفر او الفيديو والدي في دي او البلي ستيشن ,, يعني افلام وعروض والعاب كله على شاشه الحائط .. مع نظام سمعي محيط
المساؤئ : عيون ابو الشباب عليه اربع وعشرين ساعه خخخخخخخخخخخخخخ .. <<<<< امزح و لا شي
الفيديو والديفي دي
" alt="" loading="lazy">الحلو انه جهاز مشترك ومريحني ..
المساوى : ولا شي
جهاز الخبز الجباتي والخبز المكسيكي :
" alt="" loading="lazy">ممتاز في عمل الجباتي والخبز بالنواعه وسهله وعمليه جداااااااااااااااااااااااااااا
المساؤئ : تاخذ وقت عشان تبدا تشتغل ...
جهاز الطابعه :
" alt="" loading="lazy">ليزر وسريعه وعمليه وواضحه
المساوئ : تخلص الحبر بسرعه ..
وهذه اجهزتي باختصااااااااااااار اتمنى تستفيدون من شرحي والحمد لله انا ما عندي شغالي بس اجهزتي مغنيتني الحمد لله والله راد لي ارتاح منهم بهاي الاجهزه ...
واذا نسيت شي بحطه مره ثانيه ان شاء الله .. ولا تنسونا من الدعاء [/frame]
