انا خاااايفة مووووت دخيلكن قوللي شسوي؟؟

أ

أم الغلاااا

عروس مشاركة

22-11-2006 | 02:57 PM

السلام عليكم ورحمة الله وبركاته

الغاليات انا حامل في الشهر الثامن من اربعة ايام داخله الثامن

وامس رحت عند الدكتوره وصورت البيبي .. قالت لي حجمة كبير شوي ووزنة 2 كيلو ..

وقلت لها كم متوقع يكون وزنه يوم اربي؟ قالت تقريبا 3 كيلو ونص .. الحين هالوزن عااادي؟

المهم قلت لها يعني الولاده بتكون طبيعية والا ما بيطلع ؟ قالت لاء ان شاءالله بيطلع وبيكون بطل

بس انتي خففي اكل النشويات وامشي واااااااااااااااااااااااااااااايد

انزين الحين بنات طمنوني .. هل هالوزن كبير للجنين في هالشهر؟

وخبروني شوه الاكل السليم اللي لازم اكله؟

لاني اخاف ما اكل عيش وخبز يأثر على صحته .. واخاف اكل يكبر زياده وما يرضى يطلع في الولاده:(

والله خايفه ومن امس وانا من اشوف الاكل كأني اشوف الولاده القيصرية .. وكل اكلي خضروات وفواكهه وعصاير بس .. ورجعت اكل فيتامينات عشان البيبي ما يتأثر وامشي وايد من امس

نصحوووووووووووني بليز اللي اسويه صح؟ واذا لاء شوه اسوي؟

والسموووووحه

س

سندس84

عروس رائعة

22-11-2006 | 03:05 PM

لا تخافين اني بعد قالوا اليي جدي ومباشرة راح فكري الى القيصريه بس الحمدلله الله سهل وولدت طبيعي بس ما عليش الا انش تتوكلين على الله ومن تدشين التاسع تكثرين مشي لان الجنين الحين ينمو

a

al 3zezh

عروس برونزية

22-11-2006 | 03:07 PM

الله يسهل عليج يارب يارحيم

والله عزيزتي انا ما عندي خبرة

ولا تخافي ان شاء الله ما عليج شر

انتي والبيبي بتكون في صحة وعافيه

اتربين بالسلامه يارب يا لطيف

وان شاء الله الخوات يفيدونج

الله يساعدج يارب

أ

أم الغلاااا

عروس مشاركة

22-11-2006 | 09:31 PM

مشكورات خواتي سندس والعزيزة على الردود الحلووه

بس محد قال لي استمر في تخفيف الاكل وما راح يأثر على صحة الجنين؟

ز

زوجة راشد

عروس مشرقة

23-11-2006 | 08:57 AM

انا صح هذا اول حمل لي ... بس اظن عادي ... 3 ونص وزن عادي ... شو اتقولين فيه حريم ماشالله تبارك الرحمن اطفالهم وقت الولاده على 4 و4 ونص ويولدوون طبيعي .....

حبيبتي اكلي عادي وخففي النشويات شرات ما قالت الدكتورة وتوكلي على ربج ... والتساهيل من رب العالمين ...

ش

شيخة البيت

عروس مبدعة

23-11-2006 | 01:27 PM

عادي اختي حرمة اخوي في كل عيالها ماشاءالله طبيعي رغم انهم كانوا 3 كيلوا او اكثر بشوي ...اتوكلي على الله ولا اتخافين ..

ن

نواره..

عروس نشيطة

23-11-2006 | 03:09 PM

الله يسهل عليك يارب ويقومك بالسلامه

ع

عروس كتكوته

عروس مشرقة

23-11-2006 | 03:25 PM

انا قالت لي الدكتوره اليوم لا تاكلين اشيا فيها دهون وركزي عالمشاوي وامشي او اشتغلي في البيت لان اليلسه مب زينه لج :( خلاص الحين كل يوم بمشي فليل

وبالنسبه للوزن عادي 3 كيلو احسه طبيعي لاني بدخل السابع ووزن البيبي كيلو تقريبا

غ

غريبة الوطن

عروس مشاركة

23-11-2006 | 04:01 PM

حبيبتي انتي ليش خايفه والله ضحكتيني ههههههههههههههههههه

حبيبتي اني بنتي طلعت 3850
غرام وكانت ولاادتها طبيعيه

وكل ما يكبر الطفل كل تسهل الولاده صدكيني وماعليج لا تخافي

واكلي بعد بس انصحج تتمشين حته تسهل عليج الولاده :shy:

تحياتي لج

a

angel eyes

مشرفة سابقة

23-11-2006 | 06:33 PM

مرحبا الغاليه

لا تخاتين ولا شي..انا ولدي ماشاء الله كان 3,9 وولدت طبيعي...
عادي جدا...لين 4 كيلو عادي
كلي بس لا تكثرين نشويات ...شبعي عمرج باكل صحي مثل الخضار و الفواكه ....
وامشي ااااااااايد لان المشي بيسهل ولادتج
والله يقوج بالسلامه

&

"ام ابراهيم"

عروس مشاركة

23-11-2006 | 07:18 PM

مثل ما قالو الخوات لا تزيغين وحاولي تاكلين اشيا مفيده وصحيه ....

انا اعرف وحده يابت ولد وزنه 6 كيلو ما شا الله تبارك الرحمن .. بس وحليلها تعبت واايد.. واايد تعجبو منها .. وهاي السالفه صايره من اكثر عن 20 سنه :)