%@لوك كويتي جديد+طريقة عمل مكياج سهله وعجيبه@%

بسم الله الرحمن الرحيم


حبيباتي وخواتي بالله..حبيت اشارككم هاللوك الجديد اللي هبو فيه بنات الكويت بفترة عيد الفطر الماضي.. واتمنى يعجبكم..

احلى مافي هاللوك انه فـــــعلا [grade="8B0000 FF0000 FF7F50"]يغير بملامح البنت[/grade] (غالبا للاحلى) وانه [grade="8B0000 FF0000 FF7F50"]ســــهل التطبيق[/grade]..حتى اللي ماتعرف للميك اب وايد تقدر لو تركز تضبط هاللوك...

وطبعا قبل لا ابدأ لازم كل بنت تشوف تشكيلة وييها [grade="8B0000 FF0000 FF7F50"]وشنو يناسبها[/grade] لان مهما كان.. ممكن هاللوك مايناسب بعض البنات...

اما اللوك فهو كالتالي:

حركه بالحواجب , واتوقع اغلبكم لاحظها بالفنانات.. وهي حركة رفع الحاجب.. بعض السيدات يشيلون حواجبهم بالليزر ويرسمون الحاجب المرفوع بالتاتو (الوشم)..لكن ما انصح فيها لاني سمعت ان الوشم حرام هذا غير ان البنت [grade="8B0000 FF0000 FF7F50"]ماراح تقدر تشيل الوشم[/grade] اذا ملت وزهقت منه.. الا بعمليات وعوار راس..

يعني ماتسوى عليكم :shy:

اللي انا سويته...طريقه حلوه وبسيطه وتاخذ [grade="8B0000 FF0000 FF7F50"]اسبوع الى اسبوعين[/grade] الى ان يعود شكل الحاجب كالسابق.. والطريقه كالتالي:

هذا شكل الحاجب قبل اجراء اي شي


طبعا اغلب البنات حواجبهم تكون باديه من اعلى الانف وتمر فوق العين للاعلى بعدين تميل للاسفل..
انا ابيكم تلاحظون المكان اللي يبدأ فيه الحاجب بالنزول...نفس زاوية رقم ثمانيه بالعربي...

نستعمل مشقر للشعر (اكسجين) عشان نخفي كل الشعر اللي نازل.. يعني نص الحاجب تقريبا راح يختفي...
وهالطريقه تنفع للي شعر حواجبهم خفيف..اما اللي شعرهم موخفيف بعد مايشقرونه يقدرون يقصرون من طوله بالمقص عشان مايكون واضح.. [grade="8B0000 FF0000 FF7F50"](ما انصح بالحف لاسباب دينيه)[/grade]

وهذي الصوره بعد التشقير


لازم تكونون دقيقين بالحركه عشان ماتخربون حواجبكم..عالعموم العمليه بسيطه سمو بالرحمن وسووها..
وراح تخترعون من اشكالكم تصيرون كأنكم يابانيات ههههههههه

انا اول ماسويتها ندمت...بعدين مع رسمة الحواجب والميك اب..طلعت قمر... ورزه ..الكل منبهر بلوكي اليديد..
المهم ما اطول عليكم:

بعد ما تسوون الخطوه السابقه تاخذون قلم الحواجب.. اللي يناسب لون حواجبكم.. وترسمون باقي الحاجب للاعلى.. وهذي الخطوه تعتمد على ملامح الوجه.. [grade="8B0000 FF0000 FF7F50"]يعني كل وحده تشوف الزاويه اللي تناسبها... [/grade]بس بدون مبالغه.. احلى شي البساطه.. وهذا الشكل النهائي



والحين نروح حق خطة الكحل ..طبعا مو شرط تلتزمون فيها بس حطيتها جذي..يمكن تعجب احد خصوصا انها سهله وتغير بشكل العين...

اما الخطوات...

هذي العين في البدايه


طبعا بعد ماتحطون كريم الاساس وكل امور الميك اب تبدون برسمة العين ..

ناخذ شادو ابيض او سلفر (اللي يناسبج) بس شرط يكون قوي وثابت.. وتغطين فيه الجفن العلوي للعين.. وتنثرينه وتوزعينه عدل...انا بالنسبه لي استخدم [grade="8B0000 FF0000 FF7F50"]آي لاينر ابيض [/grade]واضلل جفني فيه لانه اثبت واوضح..الشادو مالي باهت..وهذي الصوره




ناخذ كحل قلم... العادي مو السائل بس المفروض يكون نوع جيد وذايب شوي.. اللي كحلها ناشف تقدر تذوبه بولاعه وتنفخ عليها بعدين ترسم العين عادي... من داخل ومن بره... بس خلي رسمة العين تكون شوي غليظه مو حاده .. وهذي الصوره



بعدين ايضا نكمل رسمة العين..نرسم خط بالكحل مكان الخط الفاصل بين جفن العين وخط الحاجب.. المكان اللي تنجفس عنده العين



وثقلو على الكحل والخط اللي ترسمونه عشان يكون واضح...ولاتخافون ان الخطه تخترب..تقدرون تعدلونها بسهوله...

[grade="8B0000 FF0000 FF7F50"]والحين نروح حق اهم خطوه...سواءا بخطة العين هذي او اي خطة عيــــــــــــن بالدنيا... اهم شي يابنات توزيع ونثر الآي شادو... لانه اهو اللي يعطي العين المظهر الخلاب...والساحر[/grade]خلاص راحت موضة الشادو اللي تكون نهاياته حاده وواضحه..انا حتى قلم الكحل لمن احطه لعيني انثره واوزعه..التوزيع تقدرون تسوونه باستخدام فرشاة الشادو العاديه..ونصيحه مني وانتو توزعون الشادو وزعوه بضمير جنكم قاعدين تمسحونه عشان يروح وشوفو النتيجه الحلوه :shy:

شوفو الفرق يابنات بين الصوره الاخيره قبل التوزيع وهذي بعد التوزيع..شوفو اللوك السموكي الحلو



بعدين بالنهايه.. استخدمو ماسكارا اللي تكثف.. وحطو عدسات تناسبكم وشوفو شلون شكلكم يتغير تمااااااااااما...

اتمنى تعجبكم هالمشاركه بنات... واللي استفادت حتى لو ماتحطلي رد.. ياريت تدعي بقلبها لعمي وجدي بالرحمه والغفران...

ويعطيكم العافيه...