ساعدوني الله يخليكم..

أنا عضوه يديده وطالبتنكم وعشمي فيكم كبير إنكم مابتردوني إنشاء الله أنا عندي بحث

للجامعة ومطلوب مني أسوي مقابلات مع ناس كبار في السن والمشكله إني إمربيه وماقدر

أسوي مقابلات فقلت بحط لكم الأسئله واللي عندها يده ، أو أم كبيره في السن ، تسألها الأسئله

هاذي وتعطيني أجوبتها ، موضوعي هو عن الأكلات الشعبية في إمارة (أبوظبي) فقط والأسئله

هي:

1- شو كانت أكلات الأوليين على الريوق ، والغدا ، والعشا؟
2- هل كان في فرق بين أكلهم في الأيام العادية ، وأيام رمضان ، وأيام العيد والأعراس؟
3- إمنو اللي يطبخ لهم في الأعياد والأعراس؟
4- هل في فرق بين أكل أهل الساحل ، والبدو؟
5- هل هم اخترعوا الأكلات هاذي ، ولا خذوها من دول أخرى ، أو من مناطق أخرى؟
6- من وين كانوا ايبون ابهاراتهم وماجلتهم اللي يطبخون منها أكلهم؟
7- شو مقادير كل أكله؟
8- من وين يت تسميت الأكلات هاذي ؟
9- هل الرياييل كانوا ايساعدونهم؟
10- كيف كانوا يطبخون أكلهم؟
11- هل اتغيرت مسميات أكلاتهم ولا مازالت لين يومنا هذا على اسمها؟
12- هل لأكلاتهم اللي ايسوونها فوايد وشو هي؟

COLOR="SeaGreen"]واسمحولي ادري الأسئله وايده ، وانشاء الله اتساعدوني وبتكون مساعدتكم لي جميل فوق راسي ..