الضرب عند ولدي ببلاش

حبوبة الله يحفظ لج ولدج من كل شر
هذي الحركات يسويها علشان يلفت النظر له يعني لما تكونين معاه في البيت أو خارج البيت دايما حاولي تكلفينه بمهمة وحسسيه انج تعتمدين عليه يعني اي شي لو بسيط
مثلاً حبيبي ابيك انت بس تعطيني هذي المجلة لأنك انت شطور وسريع وقوي
بعد شوي جيبي له الوان وورق خليه يشخبط وكلفيه يرسم اي شي مثل دائرة مربع خط
ودايما شجعيه ولا تذلينه او تهينينه مهما عمل
هذي حركات قالي عنها دكتور الله يسهل له اموره لأن ولدي كان يشاغبني كثير وزاعجني وكان يسوي اشياء تخوف يحرق يكسر يعني مشاكل خطرة والله صدقيني مانفع معاه الضرب وهذي الطريقة صج ريحتني
وإنشالله بتشوفينه معرس يارب وتربين عياله

فعلا اخت بجعة انا مع كلام الاخت البطة السودة
حاوللي تلهيه بالعاب تشغله عنك وعن غيرك وياريت تكون العاب غريبة عليه او جديدة
والله يكون بالعون

امسكيه وانزلي لمستواه وطالعي عيوونه

وخبريه انه لا يضرب حد واذا كررها
خصصي له مكان تخلينه يقعد فيه علشان يتعلم


انا اسوي جيه مع بنت اختي

اوديها الغرفة واسمها غرفة الاشقياء
وكل ماسوت شي تقول لي غرفة الاشقياااء ............خخخخ وبروحها ترووح

هو بعده صغير ما يعرف الصح والخطأ .. احتمال انج تعصبين عليه جدام الناس .. فهو ينحرج .. ويزيد الضرب .. أنا انصحج يوم بتقولين له لا تسوي هذا شي وهذا غلط .. في غرفه بروحكم .. أحس يحليله بعده صغير لاتنازعون حاولو تكلمون بلطف ولا تجرحونه جدام الناس لأن بيزيد ...

حبيبي حمودي بعده صغير بس أنت حاولي تلهينه بشي يكون ينشغل عن ضرب عيال الناس،، يعني شي يخليه يقضى وقته فيه.. التلوين ترى آنه مجربته لولدي وايد نفعت معاه الطريقة..
حاولي تجلسين معاه وتبينيين لع غلطه،، راح تقولين صغير بس ترى ماشاء الله عليهم كل شي يبقى بذاكرتهم....

ما شاء الله البنات ما قصروااااااااااا .. انا بالنسبه لي ولبنتي بعد ما نروح البيت اقعد معاها واحاول افهمه بهدوء انه الناس حرام مو حلو مو زين نضربهم مو مو .... واوا ومن ها الكلام عشان ادخل الفكره براسها ... وبكل مره لازم قبل لا نطلع افهمها لا ما نضرب دادا ومن ها الكلام

فديته حمودي بعده صغير
هذي طريقة للفت انتباهك خاصة انه حس ان مريومة الحلوة اخذتك منه
يعني باختصار بدت الغيرة لانك حملتي عليه وهو صغير

طولي بالك عليه ... وحاولي تفهميه لان الطفل يفهم على امه وان كان صغير
حتى نظرة العين يفهم معناها
خليك رقيقة معاه في احيان .. ولو تمادى عصبي عليه بس بدون ما تأذيه
بيني له ان ماما زعلانة عليك
قولي له ترضى احد يضرب حمودي ؟
اذا تضربهم بيضربونك
كل ما ترتكيه على راحته راح يتمادى .. يمكن تتعبي معاه شوي بس بعدين ان شاء الله بيتغير

المشكله يا خواتي ..

ان مثل ما قلتوا هو صغير وايد ...

وبعدين مب انا الي اعصب عليه حتى يده ويدته ...

اكلمه بس احس ان يا يستوعبلي .. احاول احطله حيوانات فالتلفزيون .. واقله حمود حبيبي شوف اسد .. سوف تايقر .. لكن مب من النوع الي يركز .. ويشوف بس يحب يشيطن ...

وانا عادي عندي يشيطن ويضربني ويسوي الي يباه فالغرفه بس اتضايق يوم حد يعصب عليه

عندي لج نصيييحه مهمه جدااا..حاولي دايما تحضنينه وتحبينه...ودايما امدحيه واذا شاف بنتج وياج لاتخلينه يحس انج مهتمه فيها اكثر عنه...يعني لا تلاعبينها جدامه ولاتكلمينها جدامه وتدلعينهااا....ذكرتيني بحالتي اول ما يبت بنتي...مريت بنفس اللي تمرين فيه..وطبقت هالطريقه...

وبالتوفيق....

الاولاد كلهم جي في هذا السن ؟؟

خليلة غرفة فيها العاب يوم بتشوفينة يشيطن خليلة يلعب فيها ..


عاااااااااد كلة ولا يضرب عمج وعمتج .. تراهم ابوة وامه ..

تحملي من هذي النقطة اذا بدا من الحينة يضرب راااح يمد ايده على كل حد بعدين ..

والله يكون في عونج اختي

الاولاد كلهم جي في هذا السن ؟؟

خليلة غرفة فيها العاب يوم بتشوفينة يشيطن خليلة يلعب فيها ..


عاااااااااد كلة ولا يضرب عمج وعمتج .. تراهم ابوة وامه ..

تحملي من هذي النقطة اذا بدا من الحينة يضرب راااح يمد ايده على كل حد بعدين ..

والله يكون في عونج اختي

ما ادري اشفيهم يهال هالايام ، كل الامهات يشكون من شطانتهم . أنا عجبتني طريقة البطة السودة جربيها وقولي لنا عن النتايج .

الله يهديه يا رب

الله يعينج ......الخير باد ...حتى انا اعاني من هاي المشكله..بس انا ولدي عمره اربع سنوات وملعوزني تلعويز ما اقدر اغفل عنه ساعه مره القاه يضرب اخوانه ومره يلعب في المطبخ ....واذا عطيته اللوان القاه يشخبط على الجدار...احترت معاه مايسمع الكلام

اتصدقون امس رحت شريتله تركيب .. قلت يمكن ينشغل فيه .. يوم عطيته قعد يفرفرهم .. يلسته وحاولت اعلمه لكن ما يبا يبا يفر ويقول كا ....كا

رحت شريتله حيوانات قلت بعلمه اساميهم ..

سوا نفس الحركه قعد يفرهم ...

يا حبه للعض والضرب والشطانه .. تخيلوا يركب على الكراسي ويلعب بالكهربه مرة يفتح الليت ومرة يصكرة .. ويوم تقوليله لا تسوي يعاند ..

اليوم قلت بسير اخذله الوان وكراسه بشوف النتيجه ..؟؟

السلام عليكم و رحمة الله و بركاته

عزيزتي بجعه بنت أخويه ماشاء الله عليها شيطانه و شريه و عنيده و كل شئ فيها

إن خذتيها بالطيب ما نفع و بالصراخ و لا شئ يفيد وياها و ترفع الضغط

إتعرفين قمت أشغلها ويايه لما عندي شئ مثلا أقولها تعالي بنشله مع بعض في البدايه عاندت و بعدها إستجابت يعني ما أحاول أخلي الشطانه تغلبها

بس لما تعاند و تصر على رايها أقولها ماشئ طلعه و لا آيس كريم يعني مره باللين و مره بالشده

اتحذري تضربينه على ايديه

بعدين مابيرمس عدل

والله يخليه لج....

حبيت اذكركم بنقطه مهمه...الطفل الاقل من عمر سنتين مايفهم معنى العقاب....يعني لازم يكمل السنتين وبعدين تبدون معاه العقاب..مثل حرمانه من شي يحبه لفتره قصيره...وهكذااا

صلصوحه

كيف يعني ما بيتكلم ... شو دخل اليدين فاللسان ..؟؟

alfajer _alb3ed

بليز قوليلي شو الحل ...؟؟

تعبانه من التفكير .. ابا الولد يكون هاي شوي ..

حبيبتي ولد خالتي كذا

حتى صايرة ما تحب تطلع من البيت بسبب ولدها

لا والمصيبة عايشة مع اهل زوجها يعني الكل مولع على ولدها عماته واعمامه وجده وجدته الكل مو طايقه

شوفي هي سكتت عنه بالبداية وتقول شو اسوي وشو اسوي تعبت وما ادري شو

الحين الولد صاير فعلا لا يطاق يعني ما تعرفي تلحقي عليه او تقوليله كلمه وما ينفع وياه شي

يعني اذا جابوا اسمه باي تجمع لنا نقول ياااااااااااااا ربي الحين بيجي ويعفس الدنيا

يعني كل ما يكبر صعب التحكم فيه

حاولي تعالجي المسألة من الحين لأنه لو شاف منك تقبل بعد كذا صعب تتحكمين فيه وصعب احد يتقبل وجوده وها الشي بيضايقك