صارلي شهرين ونص...ماحملت...وزهقت من الاسئة :(

حبيبتي شهرين ونص ويسألونج!! صج ما عندهم سالفة

وبما ان دورتج مو منتظمة انصحج تروحين الدكتورة يمكن تعطيج علاج بسيط جدا ويخليج تحملين على طول...
بس اهم شي ما تفكرين وايد لأن النفسية تلعب دور
الله يرزقج الذرية

اذا انتي تبين تروحين للدكتورة روحيلها بس عشان اتنظم دورتج

موب عشان ماحملتي انتي توج معرسه شهرين ونص وهذا شي طبيعي ,نادر الوحدة تحمل من اول الايام

شكرا خواتي.......بروح وامري لله !

الله يهديج حبيبتي...لاحقه عالمسؤوليه والتعب...بعدج عروس..استانسي بحياتج وما عليج من كلام الناس..تراهم بيتمون يسألون..حتى يوم بتييبين اول بيبي بيحنون عليج لين ما تيبين الثاني !!
خليج طبيعيه ولا تفكرين في الموضوع..وخليه يستوي يوم الله يكتب لكم...
استمتعي ترا بعد ما يصير عندج عيال خلاص ما بترومين تسوين شي...لا طلعه ولا سفر ولا غيره
وبالنسبه لعدم انتظام الدوره اعتقد احسن تسيرين للدكتوره عشان تنظملج الدوره..بس مب عشان الحمل..ولا تفكرين في الموضوع وايد ترا اهم شي النفسيه

انجل ايز...ادري والله ومب مستعجله انا بس كلام الناس اللي حوالي مضايقني...انا اصلا مابي احمل الحين كلش بس كثرة الحنه تخوفج وتحسسج انج مب طبيعيه وبديت اخاف وافكر بهالموضوع

فهمتيني؟

عموما لازم اروح للدكتورة عشان تنظملي الدورة واللي الله كاتبه بيكون

مشكورة فديتج

هلا يا الغاليه
دام الدوره مب منتظمه روحي الطبيبه و شوفيها شو تقول
لانه يمكن تعطيج منشط بسيط للمبايض مثل الكلوميد
على الرغم انج عروس و هذي احلى ايام العمر ربي يهنيج و يسعدج:)

واو شهرين ونص ويسألون صدق ماعندهم سالفه
طيب اللي تجلس سنين اكيد بيذبحونها
حبيبتي استمتعي بحياتك وخلي كل شي.. بيد ربك
روحي الطبيبه وخليها تنظم الدوره لك
والله يسهل عليك وتحملين ..... وتسكتين حلوق الناس الفاضيه
وتفرحين زوجك
طمنينا عنك يالغاليه

الله يرزقج بالذريه الصالحه

[frame="8 80"]هلا ..

والله مثل ماقالو البنات ... استانسي انتي توج عروس لازم تستانسين ..
والله يوم بتيبين عيال راسج بعورج ... استانسي الحين اطلعي وياريلج سافري ترا عقب ماشي طلعات يوم بتيبين الياهل..

بس الله يعطيج ويوفقج يارب....[/frame]

حبيبتي انا دورتي مب منتظمة ومشالله حملت بعد العرس بشهر ونص

يعني ماله علاقة بالانتظام

ولين سنة هذا شي طبيعي على العرسان اليداد

بس من بعد السنة هني لازم تعالجين :)

ولاتحاتين بعدج عروس

اساليني انا هذا اول حمل لي ونا بالاشهر الاولى ولايعة جبدي عالاخر

ماستانست فالعرس :( الحمدلله على كل حال

استانسي ولاحقة عالحمال

كلشي بيد الله

مشكله هالناس ...!!


الله يعينج والله ...

انتي تقولين شهرين ونص ..!؟

تخيلي انا يوم رديت من شهر العسل يعني بعد اسبوعين من العرس

يدتي تقولي ها ماا في شي في الطريق !


قولي لي مره كبيره شاقولها ... !!


وسبحان الله تميت سنتين ونص ما حملت وانا على هالحال ... كل ما شافوا ويهي يسألوني

سوي فحص اول شي حتى قبل لا تاخذين حبوب تنظيم الدوره
...
والله يكتب لج اللي فيه الخير ...

مشكورة على ردودكم كلكم

مجنونة قطر..سويت الفحص مرتين ...سلبي

انا مثلج اول مارجعت من شهر العسل سئلوني !

بس كثرة حنتهم تحبطني...ويقولون لي...فلانه عرست عقبج باسبوع وهذا هي حامل ؟؟...وانتي؟؟؟

طريقتهم تخوفج تحسسج انج مب طبيعيه

الله كريم

بروح للدكتورة وبشوف

لا فديتج ما اقصد فحص حمل ...



قصدي فحص هرمونات ...

قوليلهم ابي فحص شامل ( تحاليل حق هرمون الحليب - هرمون الـ LH - كشف عالمبايض......) وهم يعرفون الباقي ...


والله يوفقج يارب ...

الله يعينج

هالناس مايخلون حد في حاله..

حبيبتي خلك من سؤالهم

بس انصحك عالجي من البدايه خصوصا وان الدوره مو منتظمه عندك

والله يرزقك بالذريه الصالحه ويرزقني ويرزق جميع المحرومات
اللهـــــــــــــــم آميـــــــــــــــــــن

ياعمري ياعروسة

الله يعينك انت توك عروس والعمر قدامك

انا لي 4 سنين متزوجة وسمعت كثييييييييييييييييييييييييير

بس شسوي ما اعترض على قضاءالله ومحد يقدر يغير قضاءه

والناس رضائهم غاية لاتدرك

عيشي حياتك وانبسطي ولا تسمعين لهم بتتعبين

والله يرزقنا بالذريةالصالحة يارب
اللي تفرح قلوبنا

angel eyes قالت كل اللي كنت بقوله لك ولو بتتابعين كلام الناس بتتعبين
شهرين ونص والحنة على راسك
شقول انا اللي صار لي 3 سنين
بس الحمدلله احس مجتمعنا غير اللي عندكم حتى لو يسالون بس مو كثير وبينهم وبين نفسهم مايندرى شفيها
اكيد تمنع
اكيد تتدلع وماتبي الحين
بس انا عندي قناعة وانا وزوجي متفقين .. ايش دخلهم
بالعكس ما اتضايق الا من القليل
لاني مرتاحة في حياتي ومتى ما ربي كتب وانا قررت اني ابي اطفال .. يفرجها ربي
بعدك عروس انبسطي

هلا حبيبتي


والله وانتقلتي من تجهيز العرايس الى ركن الحمل انشالله ربي يرزقج

بس وضعج عاااااااااااادي انا دورتي منتظمة الحمدلله وماحملت الا بعد ثلاث شهور من الزواج

بقولج سالفة اعز صديقاتي هي دورتها مو منتظمة كلش وانخطبت وقبل العرس بست شهور ماجاتها تصوري وجاتها ليلة عرسها المهم وهي واحنا واهلها مستعبدين تحمل الا بعلاج وحتى هي ناوية تروح تعالج عقب ست شهور من زواجها

المهم انها عرست ومر شهر علىى زواجها قمت انا قلت لها سوي تحليل منزلي ماتدرين يمكن سوت وطلع سلبي

ومر الشهر الثاني وسوت والا طلع ايجابي واستغربنا بس حكمة ربي فوق كل شي ..

يعني لاتستعجلين ربي بيعطيج وبيهنيج

مشكورين يا جماعه ماقصرتوا رفعتوا من معنوياتي بشكل ماتتخيلونه :)