بنات بوظبي بغيتكن شوي ..

ب

بنت ليوا

عروس مشرقة

21-11-2006 | 10:10 AM

مرحبا وهلا وغلا بأحلى عرايس ..

أنا ولله الحمدالله حامل وهذا أول بيبي حقي ..

وقاعده أجهز حقي وحق البيبي .. بس أريد أسألكن وين أقدر أفصل جلابيات الدنتيل في بوظبي بس أريد شغل حلو وراقي وطبعا أبا جلابيات حق أستقبال الضيوف فالمستشفى ..

فديتكن ألي تعرف لا تبخل علي ..
وأترياكن ..

و

وفا زايد

عروس متألقة

21-11-2006 | 10:21 AM

هلا الغالية
وربي يتمملج على خير .. وعقبال ماتقومين بالسلامة

في وايد محلات تبيع جلابيات الدانتيل ..أغلب التشكيلات اللي راح تلقينها .. تشكيلات هادية للبيت وللرضاعة
عندج أيوب في وايد أشياء ناعمة وهادية لج انت والبيبي
بعد في محل اسمه أم حامد بجانب جمعية المشرف عندها جلابيات وايد حلوة
وفي نفس المنطقة .. في المشرف وايد خياييط يخيطون دانتيلات
وآخر شي في محل في مركز مدينة زايد تحت ما أذكر اسمه بالضبط يمكن nine month ما أدري المهم اسمه يدل على الحوامل في جلابيات حلوة للحوامل للمناسبات

ان شاء الله أكون فدتج.. والبنات بعد مابيقصرون

w

wala 7alah

عروس مشاركة

21-11-2006 | 11:00 AM

حبيبتى جيكى الخاص :)

م

ماروكووو

عروس فضية

21-11-2006 | 11:07 AM

حبيبتي في محل رااااقي في بوظبي مول تحت قريب من محلات السلام بس اسمه ما يحضرني الحين جلابيات البيبي رووووعه ودانتيلاتهم خيال ومفارشهم رزه عندهم سوالف السراير والبيبي وعندهم جلابيات للنوم تنفع للوالده بالمستشفى بس اسعارهم نااااار وانتي وميزانيتج

ب

بنت ليوا

عروس مشرقة

21-11-2006 | 11:59 AM

تسلمون والله ..

أنا قصدي خياييط يخيطون جلابيات ..

وعساني ما أنحرم منكن ..

ق

قمورة ريلها

عروس نشيطة

21-11-2006 | 12:53 PM

ونا بعد هذا حملي الاول

وادور خياط اوكي وشغله حلو في بوظبي وتكون القطع والدانتيلات من عنده

لأن مافيني على ركضة السوووووووووق