حامل بالشهر الثاني مع ركلات الجنين المبكره ؟؟؟!!

اختي انا كنت انتظر قصة ولادتج الاولى ببنتج.. والحين ما شاء الله حامل مرة ثانية؟

عن الحركة ممكن جداً تكون غازات.. او يكون الحساب مش دقيق.. لأن ساعات يصير التبويض مبكر او متأخر فيجوز تكون الحسبة زايدة اسبوع او اسبوعين...

امبيه جمانه احرجتيني حييل :o
والله فشله الناس تقول توها والد متى احملت مره ثانيه ؟؟؟:eek2:

يختي شسوي الحذر لا يمنع القدر صدقيني انا انصدمت بنتي للحينها بالمهاد اشلون احمل فوقها :cry:
تدرين اصلا ولا احد يدري بحملي غير الله وانتو حتى ريلي ماني قايلته o: الا بعد 5 شهور من الحمل
من الفشيله:pain:


بس صدقوووني حركه جنين انا حملت قبل هالمره اعرف افرق بينها وبين الغازااات بوضوح الشمس

انا مثلك اختي فعلا احس بحركاته فعلا شي غريب
الله يهون علينا ويرزقنا اذريه الصالحه

أول شي مبروك الحمل و الله يسهل عليج و ييسرلج
اختي ليش ماتروحين للدكتورة تسوين صورة.. لانه غالبا غازات..

غريبة صراحه الغالية بس اعتقد غازات مش اكثر خاصه انه بطنج بعده لين فيمكن تزيد نسبه الغازات والأحساس بها

اختي ممكن يكون هدا الاحساس بنبضات قلب الجنيين وليس الحركه

وحليلج يا ليلي ...... مبروك الحمل ...ويله الحمدالله على رزقه وعطاياه ..... ولكل شي حكمه ...

سوي مثل ماقالوا البنات ...سيري عندي الدكتورة وسوي تصوير ... لانى احس صعب اتحسين بحركته من اول شهريين

عادي اختي ليلى مافيها شي
اللي صار صار .. لازم تقولي لزوجك
شلون تنتظري للخامس
مثل ماقالوا البنات هذي يمكن غازات مستحيل ان الجنين يتحرك في هالسن اصلا بعده صغنون مرة

مبروك البنوتة ولو انك ما خبرتينا .. كنت افكر في موضوعك ايام ما كنتي حامل

يالله ان شاء الله هالمرة تشركينا بتجربتك وتجيبين لها اخ صغير والله يعينك على تربيتهم

هذي غازات وحركة أمعاء وأفظل بعد روحي عملي اشعة تلفزيون أفضل لك عشان تطمني

عزيزتي

مرة عمي قالت لي مره انها حست بالحركه من الشهر الثاني ....وطلع ولد

بس انتي تأكدي مثل ما قالن البنات

انا حسيت بحركة الجنين من الشهر الثالث و بعد كنت مستغربه مثلك بس في الشهر الثاني صعب انج اتحسين بالحركه !!

اختي ليلى انا اسفة .. ما كان قصدي احرجك ولا شيء.. :o

بس انا كنت اترقب قصة ولادتج .. لأن في اخر ايامج قبل الولادة كنت تقولين ينزل عليج ماي.. وانتي ما تروحين عند اي دكتورة حمل... ومن قالت لج فوانيس ضروري تروحين الحين الحين المستشفى اختفيتي وما عدنا نشوفج.. فلما شفتج الحين تذكرت اللي صار وقلت الحين بتخبرنا شصار لها...

آسفة جداً... والف مبروك الحمل لج مررة ثانية..

هلا اختي


مبروك الحمل اول شي
والحمدلله نعمه من رب العالمين
بتشوفينهم مثل التوائم ..

بالنسبه للحركه اتوقع انها غازات
وخاصه ان حركة الامعاء تكون بطيه في هالمرحله..
الدكتور قالي ما تبدى الام تحس بالحركه الا في الشهر الرابع تقريبا ...
مع انه يتحرك بداخلها من الاسبوع العاشر لكن الاحساس ماتحسين به الا في الرابع




والله يهون عليج يارب

الله يعطيكم العافيه جميعا على ردودكم على استفهاماتي
وشكرا لكل من :salam:
ام حبيبه
المزاجيه
الريم العيناويه
kk
ريحانه القلوب
مرام17
شريفه ومجنونه قطر
واقولكم تسلمووون على الردود وفعلا يمكن يمكن تكون غازات وانا اعرف انه بالشهر الرابع تطلع هالحركات لاني جربتها من بدايتها الى نهايه شهري التاسع بس هالمره الحركه متشابهه بالضبط مع الحركه في حملي ببنتي في الشهر الثالث
ولكن يجووز تكون غازات طرق في بقعه محدده في بطني

وبالنسبه حق زوجه راشد الله يبارك فيج وفعلا على قولتكم يبيله اسويلي سونار واشوف شسالفه
وroooomy عدل كلامج والحمدلله على الحمل الثاني بس بيني وبينج هم متردده اقول حق زوجي اني حامل مادري ليش احس راح ينصدم من جذيه قلت انطر اشوي على ما ينسى فتره حملي الاول واوعدكم انشالله اذا الله تمم علي اكتب قصه ولادتي والله يعيني على تربيتهم
عروس كتكوته مشكووره بس كاهي عمتج صارلها نفسي بالضبط بس على قولتج ومثل ماقالو البنات يمكن غازات ولازم اسوي سونار
وكذلك ورود الخير مشكوره وحست نفس اللي حسيت فيه

اخيرا اختي الغاليه جماانه عزيزتي انا اللي اسفه لا تفهمين من كلامي اني زعلت بالعكس انا اصلا منحرجه من نفسي اشلون حملت بعد الولاده بقليل وهذا الشي اللي مو مخليني اقول حق زوجي ولا أحد ابدا
بس الحمدلله على كل حال ناس ياخذون حبوب منع حمل وما يحملون بعدها فأقول هذي خيره وقدر من الله ومافيه اي اعتراض وماشالله عليج والله ذاكره قصه الماي اللي نزل مني ؟؟:yes: لأ الحمدلله طلع شي عادي واختفيت حزتها لاني في فتره الامتحانات النهائيه لجامعه الكويت واول ما خلصت امتحاني الفاينل الاخيره قلت خل أسير على هالمنتدى وبعد ساعه ما لقيت نفسي الا والطلق يحمى من جذيه اختفيت حزتها
اسفه على الطواله بس تمونين جمانه والله يبارك فيج وعاد ادعيلي هالمره ولد (z)