احلامي

أنا الشوق:
السلام عليكم
بغيت تفسير لحلم حلمته وتكرر معاي
أول شي أنا بنت ومو متزوجه وللحين أدرس في الجامعه
والحلم الاول حلمت فيه من تقريبا سنه واعتقد كان في نفس الشهر يعني نوفمبر السنه الماضيه.
طيب،
حلمت اني كنت حامل وبعدين جبت بنت بس كنت زعلانه وايد لان ابوها كلش ما سأل عني (وابوها في الحلم هو شخص انا اعرفه في الواقع وعلى علاقه حب معاه) وكنت في الحلم أقول انه ولا سأل عني ولا شي ولا اهتم فينا انا وبنته

أنا الشوق:

أما الحلم الثاني فهو كان من شهر (في الحقيقه اختي ولدت وجابت بنت من شهرين) وحلمت اني بعد جايبه بنت واذكر ان شعرها كان اسود وغليظ وامي هي اللي ولدتني وولدت في البيت وكانت ولادتي وايد سريعه حتى اقول حق امي شفتي شلون ولادتي كانت سهله ومريحه وسريعه؟ وامي قالت ليه ايه. بس نفس اللي كان في الحلم الاول تكرر أبوها هو نفس الشخص اللي في الحلم الأول وارسلت له مسج على الجوال وقلت له اني ولدت بس بعد ما سأل عني وكنت متضايقه من هالشي وارسل له رسايل بس مايرد..
وهذه هي احلامي وارجوا ان احصل على تفسير لها جزاكم الله خير