الغيرة الغيرة الغيرة

السلام عليكم


خواتي انا سهرانة والساعة عندي 3 الفجر لاني مو قادرة انام :confused:

رح تسألوني ليش ؟؟!!

مبارح في الليل وانا اتحدث مع زوجي ( خطيبي ) في الليل كان بحدثني عن طلابه في الجامعة ومشاكلهم وما بعرف كيف الحديث جر بعضه وسألته انت بتشوفني احلى البنات؟؟؟
قالي في الاول ايوه بعدين قال ما رح اكذب عليك في الاحلى منك ولكن ما في جمال يغريني غير جمالك !!
انا اخذت الموضوع عادي وقولتله شو هو الجمال عندك ؟؟؟ شو هو الشيء ايلي بخليك تشوف انه بنت معينة اجمل مني ؟؟؟؟
قالي يمكن فيها ميزة في شكلها تلفت النظر ( مع اني يا بنات والحمد لله اعتبر من الجميلات والنعومات)
وانا سألته في بنت من طالباتك لفتت نظرك؟؟؟ ( على اساس استنتج من وصفها مواصفات الجمال عنده)

قالي في وحدة فايعة وتلفت نظري غير كل الطالبات
سألته شو لون شعرها ؟؟؟
قالي شقرا !!!!!
قولتله يعني انت تعجبك الشقرا ؟؟؟
قالي لا ...يعجبني لبسها واناقتها وكل لبسة تعملها تسريحة !!!!
( والله والله اني اعمل تسريحات والبس لبس ما حد عمله وهو نفسه كان ينبهر في شكلي كل مرة ويقولي انه كل لوك لي احلى من الثاني !!!!!!!!!!!!!!!!!!!!!!)
وقولتله طيب مين غيرها ؟؟؟؟
قالي في وحدة هي سمينة بس بيضة وعيونها ماشاء الله زرق ولونهم حلو على بياضها وما اقدر الا اطلع فيهم ونفسي اعرف اذا هم عدسات او حقيقية من كثر صفاءها ؟!!!!!!!!!!!!!!!!!!!
( مع العلم انه اكره شيء عليه النصاحة وانا ذابحة حالي لاجله في الروجيم والرياضة ووزني 49 كيلو:()!!!

انا قولتله غريب يعني عجبتك الشقرا وايلي عيونها زرق !!!!

وهو يا بنات من اول ما خطبنا خلاني اصبغ شعري اسود فحم على حساب انه بحب الشعر اسود ولما جبت عدسات زرق ما خلاني احطهم !! وقالي هو بحب عيوني العسلي والضعاف !!!

رح تقولوا هو بغيظ فيكي بس

الشيء ايلي خلاني ازعل ويصير بيننا تاتش هو انه عمتي ( امه ) كانت تدورله على وحدة شقرا وعيونها زرق وكانت تقول قبل لخطبني انها ما بتزوجه الا وحده عيونها زرق :(

ولكن هو كان استاذي ويعطيني دورة حاسوب واعجب فيي ولما قال لامه تعالي اخطبيها (عني) سألته شو لون عيوني وشعري قالها ما بعرف ما كنت اركز فيها !!!!

لما راجعته بهالشيء قالي من كثر ما كنت احبك ما كنت ادقق في شكلك
وانا حسيت النار ولعت فيي وقولتله عمتي اكثر وحدة تعرفك لانها امك علشان هيك صممت تخطبلك وحدة في هالمواصفات على مزاجك .......

وقولتله اذا ما كنت مثل المواصفات المطلوبة ليش خطبتني ؟؟؟

هنا صار الزعل وقالي يعني بتشكي في حبي يعني انا كذاب ؟؟؟!!!!

ولما صار النقاش حامي بيننا قال بغضب انا كذاب وخطبتك لانك سهلة وبنت عز وانا آسف على كل كلمة بحبك قولتها لك :(

انصعقت وكل ماحاولت اكلمه يرد ويقول ما بتكلم لاني كذاب وقالي بنام وسكر الخط في وجهي :(:(:(

والمشكلة هو حساس اكثر مني اليوم كل ما اتكلم معاه يرد بجفاف رهيب وكأنه مش طايق يرد وما مصدق يقفل الخط :sad:

قولولي شو اعمل :(

والله ما بقدر اتحمل وهو ما بطيق غيرتي ...... يعني انا غلطانة ؟!!!!!!!!!!!!!!!!!!!!!!!



:confused: :confused: :confused: :confused: :confused: