نفسي أشتري لخطيبي هديه بس...............!!!!!!!

م

مكتئبه وتعبانه

عروس جديدة

18-11-2006 | 09:50 AM

السلام عليكم ورحمة الله وبركاته

كيفكم يا عرايس يا حلوات؟؟

طلب صغيرون واتمنى ما تردوني وخاصة بنات بوظبي..

أفكر أشتري هدية لخطيبي من اول معاش لي وفكرت في نظاره شمسيه وطبيه في نفس الوقت لانه دائما يقول بيغير نظارته الشمسيه وبيشتري شمسيه وطبيه بس مهمل بعمره..ففكرت أشتري له النظاره بس تكون ماركه وحلو شكلها..فياريت تخبروني من وين أشتريها وكيف اقول للريال في المحل اني ابيها طبيه يعني أكيد بيسألني عن النظر..وأنا سالت خطيبي بطريقه غير مباشرة وقالي 4/6 و5/6 ...ياريت تفيدوني ترا والله ما اعرف بهالسوالف..

الله يجزيكم كل خير

^

^^كايدتهم^^

عروس مشرقة

18-11-2006 | 10:08 AM

مرحبا حبيبتي ...

بس هو قال النظر 4/6 و5/6 تعرفين اي عين 4 واي عين 5 مهم وااايد تعرفين..

النظارات اذا هو راعي صرعات فرساتشي منزلين ستايل حلو الفريم والإيطار غريب..

وينفع طبي شمسي.. وعندك كارتير منزلين ستايل كلاسيك رااقيه والله تناسب كل وقت ..

والله يهنيكم ويجمعكم على خير يارب...:shy:

s

smsm78

مشرفة سابقة

18-11-2006 | 10:59 AM

[CELL="filter:;"][ALIGN=center]حبيبتي:
دامها بس للخطوبة،اشتلاي له النظار اللي على حسب نظره، روحي باريس غاليري بتشوفين نظارات رهيبة وماركات، عندج بعد ترومين تاخذين له عطر رجالي مميز، مع ميداليا بسيطة ورجالية حق السيارة هذا اقتراحي وانتي شوفي المناسب[/CELL]

ش

شيخة الغراشيب

عروس جديدة

18-11-2006 | 11:07 AM

ان شاءالله خواتي بيساعدونج

وربي يوفقج وتعيشين حياتج سعيده ومنه المال ومنج العيال ياالغلااا

ولا تنسين تعزميني ترى اذا ماعزمتيني بزعل لوووووووول

د

دلوعة حبيبي

مشرفة سابقة

18-11-2006 | 12:33 PM

الله يخليكم لبعض يا رب..
بس تبين رأيي احس صعب تشترين لأحد نظاره لأن لازم تناسب لوجه.. وبعد نظر يعني اصعب لأن لازم يسوي كشف على النظر مره ثانيه قبل يسوي النظاره لأن احيانا يتغير القياس..
بس ممكن تاخذينه لمحل النظارات وهو يختار واذا جا وقت الحساب انت ادفعي.. او اتفقي مع صاحب المحل انك انت اللي بتدفعين وما ياخذ منه المبلغ..

ب

بنت الغالي

مشرفة سابقة

18-11-2006 | 03:36 PM

انا عندي فكـــره ........ روحي باريس غاليري ........ او اي محل يبيع هالنظارات .......... اختاري ماركه نظارة ........وشوفي السعر .......... وخليهم يسوونلج كوبون بالسعر ......... وعطيه خطيبج هديه .......... قوليله ماقدرت اختارلك النظاره لاني ابيها تناسبك وانت روح واختااار الي تناسب نظرك

ا

العروس سوسو

عروس فضية

18-11-2006 | 03:53 PM

بارك الله فيها الاخت بنت الغالي اقتراحها حلو

وانا اضيف واقول اعطيه الكوبون مع ساعة او ميدالية فضة لمفتاح السيارة محفور عليها اسمه واسمك مع كرت معايدة ووردة

م

مكتئبه وتعبانه

عروس جديدة

18-11-2006 | 04:18 PM

مشكوووووووووووووووورين يا بنات والله انكم ماقصرتوا وفكرة الكوبون وايد عيبتني بس أخاف يتعايز يسير المحل ويختار :sad:

قالي ان العين اليسار أقوى من العين اليمين يعني العين اليسار 5 واليمين 4...اما بالنسبه للذوق فهو يحب ذوقي في كل شي... يعني أسير المحل وأختار النظاره وبعدين أقولهم قياس بعد النظر؟؟ ولا كيف؟؟؟

غ

غلى زوجي

عروس برونزية

18-11-2006 | 04:49 PM

انا كنت مسويه هديه لوحده لخطيبها
محتاره بالتلفووون وقلتلها خلاص كم قيمه التلفون الي تبينه قالتلي 2000 قلتلها خلاص اخردي الافيين وخليها كلها عشرااات وخمسااات ورتبتها لها في مندوس راقي مع التزين وبطاقات كلها رومنسيه وحب وحطيت غرشه كبيره طويله من عصير من الشمام او نكهة العنب ما اذكر وكانت المفاجئه رهيبه نه استانس وااايد عليها واتصلت فيني تبوسني من الفرح :)
وهذه هي الصوووره

ا

الخرشة

عروس مشرقة

18-11-2006 | 08:57 PM

حلوة فكرتج اختي غلا زوجج

الله يهني كل حبيب بحبيبه ان شاء الله

اختج

الخرشة

د

دولفينه

عروس نشيطة

28-09-2008 | 07:21 AM

بنت الغالي;2910868:
انا عندي فكـــره ........ روحي باريس غاليري ........ او اي محل يبيع هالنظارات .......... اختاري ماركه نظارة ........وشوفي السعر .......... وخليهم يسوونلج كوبون بالسعر ......... وعطيه خطيبج هديه .......... قوليله ماقدرت اختارلك النظاره لاني ابيها تناسبك وانت روح واختااار الي تناسب نظرك

أعجبتني فكرة بنت الغالي .

ا

اا كحل العيون اا

عروس جديدة

28-09-2008 | 03:39 PM

حبيبتي النظاره ترى وااااايد صعبه تعطينها كهديه من غير وجود الشخص معاج..
لأن لازم تناسب الويهه يمكن تطلع كبيره ..صغيره ..
من رايي اخذي له طقم ازرار وقلم..او بوك وغتره..واميداليه حق السياره