بنات اللي عندهم خبرة بالأعمال والإدارة ساعدوني

ان شاءالله خواتي بيساعدنج

مشكوره حبوبه

يسلموا شيخة على المرور

امممم لي عودة مرة اخرى للموضوع يوم الاثنين ... ان شاء الله ..

حاليا هاليومين وايد مشغولة .. راح اناقشج بالتفاصيل

مشكورة أختي ليالي على مرورك الكريم
وانا في انتظارك

آهة زمن ظالم حبيبتي راح اعطيج شوي نصايح ونقاط سويها في بدايتج وان شاء الله من بعدها تلاقين نفسج ماشية بروحج وتعرفين ان شاء الله تكملين بروحج



بالنسبة للمشغل وال 4 عاملات اول شيء

سوي حصر بقيمة كل التكاليف اللي دفعتيها من ايجار المشغل والادوات والمعدات ورواتب العاملات وفواتير التلفون وفاتورة الكهرباء والديكور = التكاليف المدفوعة

ركزي على شوة بكون شغلج فهالمشغل هل فساتين او ملابس عادية او شو بالضبط .

قسمي الاعمال على كل وحدة من هالعاملات يعني كل وحدة ولها شغلها الخاص اللي تركز فية وتخلصة .

تابعي كل وحدة فيهم وشوفيها وين وصلت وما تكمل الخطوة الا من بعد ما تشرحيلها فكرة الطلب للزبونة وتفهمها وتشتغل فيها شوي ولازم توريج قبل ما تكمل ... سوي هالشي مع كل وحدة فيهن

شوفي الطلبات وحاولي تحطين مقدار كم كلفتج هالطلب للزبونة من مواد اخذتيها و شغل العاملات علية زائد نسبة تكون ربحج فيها .. يعني اذا كلفج 100 درهم بيعيها ب 180 درهم واذا كانت 300 درهم خليها 400 درهم

حاولي اهم شي تبتعدين عن الروتين وتبدعين بالشي اللي يخلي شغلج مميز ويجذب الناس لج الافكار جدا مهمة بالشغل

حاولي تحسبين كم زبونة انتي تحتاجين بالشهر تطلب من عندج علشان تطلعين من الخسارة بغضون ثلاثة اشهر ل 6 أشهر

اذا ما رديتي الخسارة التكاليف المدفوعة خلال اقل من سنة .. بكون فية شي بمشروعج يعني خلل



بالنسبة لتوزيع الربح عطي العاملات بما يناسب اسعار العاملات بالمشاغل الثانية يعني اذا العاملة تاخذ بالمشغل الثاني 1000 درهم لا تعطين اللي عندج 700 درهم .. عطيها بالمثل او شوي زيديها خاصة اذا كانت شاااطرة العاملة وعندها افكار بعد يعني احتفظي فيها .

نصيحة سوي دراسة عالمشاغل الثانية الشبية لج بالمنطقة او بالمدينة اللي انتي فيها

وياليت تقوليلي شو اختصاص المشغل اللي بتفتحينة.

وانا حاضرة لاي استفسار

هلا عيوني ليالي مشكورة حبيبتي على المرور والنصائح والله ماقصرتي
أنا تخصص المشغل حيكون تجميل كوافير بعدين ناوية أجيب خياطة برضة بس لما الشغل يمشي

و هذول أربع عاملات أجانب من غير 2 سعوديات

ويعيطك الف عافية

دمتي في حفظ الرحمن

آهة زمن ظالم ... حاولي تهتمين بالأول والأخير برضا الزبونة ...

خلو جو المشغل ريلاكس وهاادي ...

الكاوفيرة لما تسشور الشعر لازم تكون ايدها خفيفة ما تعور راس البنت واهيه تجر فية تشسور .. وتسشور حتى الشعر الصغير عالاطراف .. يعني سشوارها نظيف ومرتب

الصبغات ... خلي العاملات اللي عندج يصبغن شعورهن كل وحدة لون باللي يناسبها وقصة .. لأنه الزبونة بس تشوف الصبغة على الطبيعة تتشجع يعني ممكن تكون يايه تسوي حمام زيت ولما تشوف وحدة منهن صابغة الوان حلوة براسها او لون حلووو .. اللي اهوة مثلا لون الموسم .. تقول اريد اصبغ شعري بعد

وخلي كل فترة العاملات يصبغن شعورهن يعني كل 6 شهور خاصة اذا كان شعرهن صغير يعني ما قرفت معاهن ...

خلي العاملات دايمن مبتسمات ولا يهذربن وايد مع بعضهن او بالتلفونات ..

وحاولي تسوين قصات غريبة وحركات جريئة ... ودايمن حاولي تعطين النصيحة للزبونة اذا كانت مترددة بالقصة او بالصبغة ولونها.

حاولي تاخذين وكالة ماركة للشعر مثل لوريال او غيرة تكون ممتازة يعني ....

سوي مثلا عروض لحمام الزيت للشعر يعني الاشتراك اذا كان فية 6 مرات خلية السابعة بلاش.

سوي مع خدماتج المساج بالنهاية سواء كان بعد السشوار للراس ... او لليد بعد عمل البدكير والمناكير ... او بعد الفيشان للوجة .. تحسس الزبونة انها قاعدة تحصل على اشياء فرييي ببلاش وعناية

بالنسبة للمكياج اهم شيء المرتب والنظيف وعلى ذوق الزبونة واللي يناسبها مع الوانها المفضلة .

واسعار حلوة ... مع ابتكارات رسمة عيون حلوة وغريبة بنفس الوقت تكون اوكييي وراقية مب قوية ودفشة ..

والله يوفقج

مشكورة ليالي ماقصرتي

يعطيك الف عافية
بس انا ابي اعرف شلون اقدر اتحكم بالي داخل والي طالع مثلا في المحاسبة أخاف أتوة فيها
يعني هذي الشغلات .شلون احدد ملفات للزباين وملفات للعاملات ورواتبهم ولا كيف

ودمتي في حفظ الرحمن

ممكن هنيه نطلب وحدة من عضوات المنتدى اللي عندها صالون تشاركنا بكيفيه ادارة اموالها اثناء العمل ...



بس احسن شيء تسوين ملف بالكمبيوتر باستخدام الاكسل مثلا اسامي الزبونات وشوي معلومات عنهن مثل المدينة ورقم التلفون وجية.

وكل ما تدخل الزبونة تخلينها تروح تسوي اللي تبيه بس بشرط كل شغله تسويها العاملة اللي عندج تاخذ اسمها وتكتبة بورقة بيضاء صغيرة مع شو سوت .. والعاملة تنزل اسمها لج وانتي تحطين عدالة السعر.

لحد ما تييج تعرفين اهيه شو سوت .

اتمنى من اللي عندهن صالون يشاركنا بمعلوماتهن

اختي اهة زمن ظالم ..... مثل ما تفضلت الاخت ليالي العين بمقترحاتها القيمة ... لكن هذا الكلام مايمشي على صالون ماينعرف مستقبله خاصة صاحبته ما عدها خبرة ولهذا انا اقول اخذي كلامها بنظر الاعتبار بس ماتطبقيه من اول مرة خاصة مسألة الاوراق والاسعار اما من ناحية ان تعملين كل شيء من الالف للياء فهذا جيد وما يخلي الزبونه تروح مكان ثاني خاصة لو لقيت عناية ونظافة واهم شيء الامانه والصدق .... صدقيني من عام 78 لحد الان اشتغل كوافيرة عمري ما غشيت واحدة ولحد الان سمعتي طيبة حتى لما ابيع المنتجات الخاصة بالشعر يعطوني السعر الي انا ااطلبه بدون نقاش لان تعودو على الصدق ان هذا للشركة ولي 30% وخلص ومثل ماتفضلت الاخت حاولي تجيبين احسن الماركات وكلما صرفتي على الزبونه كلما الزبونه ماتبخل معاك وتفاصلك بالسعر واي شيء تطلبيه او تسألين عنه اسأليني وانا حاضرة وانا من سكان الامارات:shy:

مشكورة ويعطيك الف عافية أختي ليالي
ماقصرتي عارفة اني تعبتك معاي بس سامحيني

والله يوفقك ويحفظك

هلا أختي ahlameye مشكورة على مرورك ويعطيك العافية على على النصائح

دمتي في حفظ الخالق