انتي صريحة؟؟؟؟؟ من تحبين اكثر من عيالج وليش؟؟

يااااحياتي الله يخليهم لك

انا عندي بنتين واحبهم نفس الشي بس عندي ميوووول للكبيره وفي الاخير

مثل مايقولوووون عينين براس

تحياتي لك

الله يحفظهم لج يالمى وتشوفينهم عرايس انشالله

مرحبا حبيبتي
مشكوره على طرح الموضوع
بس انا مااقدر افيدك بشي
لان ماعندي الا بنت وحده عمرها الان 29 يوم
واموووووووووت فيها
عسى الله يخليها لي ولابوها

يا قلبي

الله يخلي عيالكم لكم

ما عندي عيال>>>>>>شدخلك اجل؟؟

بس احب سوالف الامهات عن عيالهم

الموضوع حلو مرررره

ساره ان شاءالله يجيييك عيال وتحبينهم كلهم ويحبونك موووووووووت

انا دخلت بس كذا اسلم عليكم واشوف ردوودكم

على اني انسه خخخخ

:)

انا حالي من حال sara و just me ... ما عندي عيال بس الانا الاحظه في الامهات انهم يميلون للطفل الاكبر دايماً ... بس مادري ليش ؟؟؟

شكرا على المرور ويعطيكم العافية وتشوفون عيالكم كبار انشالله
والله يعطي اللي يتمنون انشالله

عندي 3 بنات
3 تذاكر للجنة
سكر نبات
أحب الصغيرة حتى تكبر
والبعيدة حتى تقرب
والنايمة حتى تستيقظ
والمريضة حتى تشفى
هم ثمرة قلبي
وقطعة من فؤادي
اللهم احفظهم من كل شر
وذراريكم
قولوا آمين

مرحبا
تحية احترام وتقدير للغالية ام نونية عبرت فأحسنت التعبير ربي يحفظ لج الثلاث وتضمنين بحسن تربيتهم الجنة
انا مثل ام نونية احب الكل واميل للي عندها حالة خاصة لين تعديها
الله يخلي كل الامهات وعيالهم
ودمتم سالمين

انا للحين عندي طفل واحد .. بس بعد اسبوعين _ او اكثر او اقل _ راح يشرف الثاني ..

حاليا احس اني حبيت ولدي اكثر من هو في بطني وفرحت فيه اكثر من فرحتي بالبيبي الثاني وانتظرته على ناااااااااااار على عكس الحين اللي اتمنى اتأخر في الولادة ..

بس بعد الولادة والتربية اتوقع اني راح احبهم اثنينهم :shy:


وشكرا ع الموضوع :clap:

ما اتوقع في ام تفضل طفل على طفل او تحب احد على الثاني
مثل ما قالت لمى
" عينين براس "
بس الملاحظ ان كل طفل في الاسرة له غلاوة معينة وعلاقة مميزة مع امه
الكبير ( خاصة لو بنت ) هو حافظ سر الام ومستودع همومها ومشاغلها وسندها
الصغير ... دلوعة الماما ودلوعة الكل
كل طفل يشتهر بشي
مثلا المحبوب لانه مرح
والمحبوب لشقاوته البريئة

وغيره وغيره

الله يخلي لكم عيالكم يارب

ماعندي غير ولدي حبيبي ربي يحفظه لي،، آموت فيه هو حياتي وكل دنيتي..

دوم أفكر لو حملت بالثاني راح آحبه نفس عبودي حبيبي،، او حبه بيكون أقل،، هل راح يخف إهتمامي بعبودي وأنشغل بالثاني.. مادري؟؟؟؟ لكل حادث حديث بس أكيد كلهم عندي سوا وماراح أقصر على واحد منهم....وصار خاطري بولد ثاني يكون دوم أشتري لهم نفس الثياب وأطقم لهم...

السلام عليكم جميعا
قرأت كل الردود ،،وما شاء الله عنهم الصبايا
انا عندي اربع اولاد
لما انجبت الاول كانت فرحتي فيه كبيره (بس لسى كنت صغيره ما حسيت كثير فيه مثل ما حسيت تجاه ابني الثاني )ولما كبروا الاثنين نفس الشعور بس ابني الثاني كنت مش اني بحبه اكثر لا بس لانه كان اكثر هدوء والتزام من اخوه الاكبر
وبعدين لما انجبت البنوته اللي انا مشتهيتها من زمان كثير تعلقت فيها وحبيتها (والصراحه صاروا اخوانها يغاروا منها )هههههههههه كل اشي لها حتى لما اتسوق معظم المشتريات لها
ولما اجى اخر العنقود (هذا فعلا هو الدلوع لانني تعلقت فيه بحكم لني صرت اوعى واكبر سنا حسيت بالامومه اكثر معه)


وهلا بعد مرور الوقت بعد ما كبروا

صدقيني احبهم انا وابوهم مثل بعض وما نميز احد ودائما نقول للكبير لازم تعطف على الصغير وللصغير يجب احترام الكبير
والبنوته له مكانه خاصه لانها بين ثلاثه صبيان
اللهم احفظ ابناء المسلمين من الخمول والكسل والمرض والخشع وحب المال
اللهم آمين

مشكورين على الردود الحلوة اللي تطيب الخاطر والله يحفظ عيالنا ويخليهم ويكبرهم ويطلعون احسن الناس اللهم آمين

الصراحة انا عندي ولد وبنت والاتنين احبهم حب ماله عد ولا له حد
وكل واحد اله غلا خاص وحب مو عادي بس مايفرق عن بعض ابدا
مشكوووووووووووورة
بس اعتقد زوجي يحب الولد اكثر يمكن لانه بكره وعلى اسم ابوه ويشبه ابوه ياخذ عمره او يمكن انا هيك بحس الله اعلم

انا رايي مثل راي زوجج دوم اقول حق اميمب كل الامهات يحبون عيالهم نفس الشي
لازم ايفرقوون وهي تقووول لالا

بس انا رايي هذا جاء من اشياء شفتها عند عوايل ثانية

بس احيانا الاهل يميلون لاحد ابنائهم اكثر اذا كان يمر بظرووف وهالشي طبيعي ولا يؤاخذون به

حلو جدا الموضوع والاحلى ردود الامهات المعبرة، الله يخلي لنا عيالنا ويعطي المحرومين آمين يا رب. :clap:

أنا ما عندي غير نونو حياتي ، الله يخليها أحبها موت ومو قادرة اتخيل او اصدق اني ادا جبت غيرها بحبهم مثلها ، ودايم أسأل الناس نفس السؤال والكل يقول لي هدي فطرة وبتحبينهم نفس الشي.

يا سبحان الله شنو قلب الام كبير يتسع لحب أكثر من ابن بنفس المستوى رغم حجم حب كل واحد ، اكيد فهمتوا شنو اقصد لاني مو عارفة اشلون اعبر ، بصراحة حب لا يوصف.

انا ام لولدين حمدان وحمد الله يخليهم ويحفظهم لي انشاءالله انا ما افرق بين الاثنين اموت عليهم اثنينهم وادلعهم اثنبنهم واشتري لهم ملابس اطقم حتى البيجايم نفس الشي واحب اشوفهم كله كاشخين حمدان عمره 2 و6 شهور يعني شهر 4 بيكمل ال3 سنوات وحمد 11 وباقي شهرين بيكمل السنة