نوم طفلي..؟

منوله:
السلام عليكم ورحمة الله وبركاته

حبيت أسأل الامهات أصحاب الخبره عن كيفية تنظيم نوم طفلي ..

عمره الحين الله يسلمه 3 شهور واسبوع ونومه دايم متقطع متعبني معاه ما اعرف انام زين ولا اطلع

مكان ...احس ان حياتي مرة تغيرت :sad: ..الله المعين

ماادري كل الاطفال كذه وإلا لا..

ياليت تساعدوني إذا في اساليب او طرق معينة عشان ينام متواصل

ربنا يحفظه لك .. ويبارك لك فيه ...


حبيبتي هذه الأشياء مو بأيده .. هي بسبب تغير المحيط حوالينه ...


ومعلش بتتعبي شوية وبعدين إن شاء الله نومه بينتظم وكم شهر بعد وبيبدأ ينام الليل ويستيقظ في النهار فترات ..

وهذه هي ضريبة الأمومة حبيبتي ...

لكن أنت اهتمي إن ابنك يكون دفيان ... وخصيصا الأقدام لأنها أكثر مكان بيبرد الطفل منه ...

مشكوره حبيبتي على مرورك اللطيف ... الله يعين الجميع ..تحملنا الحمل والولادة نتحمل السهر والتعب ...

الحمدلله على كل حال كل شي يهون عشان عيونه الله يخليه ويرزق كل محروم

هلا منوله

ولدج كبر ولدي بالضبط..وهالشي عادي...كلهم جذيه و ما تقدرين تغيرينهم لانه صغار وايد..بس اللي لاحظته انه اذا طلعته مكان..طبعا ما ينام بسهوله في الحشره فيتعب و ينام احسن في الليل

لا تلفينه ( تقمطينه ) الا وقت النوم بالليل... طول النهار خليه مفتوح .. لكن تأكدي انه عليه ملابس تدفيه...

على الساعة 12 حمميه .. وبعديها رضعة وان شاء الله ينام لك متواصل...
احفظي حمام ما قبل النوم يومياً .. خصوصاً ان الشتاء قررب.. الحمام يخليهم يدوخون ويدفون.. وينامون بعده ان شاء الله...

من توصل الساعة 9 او 9 ونصف.. ممنوع اي غفوة لحد الساعة 12 عشان بعدين ينام وراها...

من يستقظ بعدين في الليل.. سارعي بارضاعه .. عشان ما يصيح وايد وتهرب النومة ...

الله يكون بعونك.. ان شاء الله ينتظم نومه سريع عشان تتهنين انتي برقدة تشبعج وتعطيج القوة..

أختي الاطفال كلهم كذاء
بس في الشهر الخامس أو السادس يبدون ينامون
يصحون عشان الرضعه وبعد كذاء ينامون

أختي في الله..
معروف إن الأربعة شهور الأولى في حياة الطفل متعبة للأم نوم متقطع ومغص وبكاء يصل لساعات
وبحكم خبرتي لأني عانيت مثلك...والشي إلي حسيت إنه كان يمثابة مسكن هي الكراوية تعطيه رضعة لوحدها أومع الحليب (إغلي مقدار ملعقة الحلى كراوية مطحونة لمدة دقيقتين فقط )
وقبل النوم حمميه بمنقوع البابونج وبعدها أشطفيه بالماء
طبعا كل هذي المعلومات قرأتها في الكتب الخاصة بالطفل
وربنا يعينك ويساعدك

هلا الغاليه
بغيت افيدج بخبره وحده من الاخوات بالمنتدى الله يذكرها بالخير ما اذكر اسمها
بس تقول انها تتبع الطريقه الي بخبرج عنها مع عيالها من اتييبهم ما شاءالله وهي مرتاحه على هالحال

تقول مثلا على الساعه 11 او 12 ترضع النونو وتشبعه ويرقد
وبالليل طبيعي انه ينش بس هي ما ترضعه تعطيه ماي بس يعني للصبح ماشي حليب
والياهل كم يوم يتعود على هالشي فما ينش بالليل لانه يعرف انه ما بيحصل حليب
ونسيت بعد اخبرج انها تدهن جسمهم بالكامل يعني تدليك عسب يرتاحون
ان شاءالله ناويه على الياهل الثاني اتبع هالطريقة وربي يقدرني عليها ان شاءالله

اتمنى اني فدتج
اختج في الله
ام خليفة