زواج المتعلمه من غير المتعلم = ظاهره طبيعيه ام لا

لا عادي مافيها

والريال اهم شي اخلاقه ودينه واحترامه للمراة

بس الحرمة لو قعدت كل مرة تزيد وتكرر على مسمع ريلها انها جامعيو وعندها شهايد الدنيا

فاكيد\هالزواج مصيره الفشل

بس اغلب اللي اعرفهم جامعيات ورياييلهم مخلصين الثانوية او بس اول ثانوي ويشتغلون
في الجيش او الشرطه والحمدلله رياييلهم يشهد لهم بالسيرة الطيبه والمعامله الزينه

وابد شهادتهم ماكنت عائق لهم من ناحية الزواج



والبعض يكمل دراسته بعد الزواااج

بس ياختي شكلج وايد خايفه ومتردده من موضوع خطوبتج لانه اقل منج من الناحية الدراسية صح؟؟؟

بس اهم شي انج تنسين شهادته وشهادتج وعيشي حياتج بدون تاثير الشهادات
فالحياة الزوجية اساسها التفاهم والمودة والرحمة والاحترام بين الزوجين

انا اوافق نوووسه في الرأي .. بس حبوبه انتي لازم اتعرفين علاقة الريال باخواته و بأمه .. لانه خوفي ما يكون عنده اسلوب في التعامل .. اعرف وايدين مب مخلصين دراستهم احس تعاملهم مب شي ويا الأهل و الناس .. يعني مصر يقول ان الحرمه حرمه ولازم تسمع كلام ريلها .. يبا يعيش دور السي سيد .. هالنوع من الناس الصراحه يبالهم كورسات تثقيف في اساسيات الحياة الزوجيه .. وطبعا هالنوع سهل اتعرفينه من طبيعة علاقة بأمه و أخواته ..

بس هذا ما يمنع ان العلاقة اتكون ناجحه .. انا اخت ربيعتي جامعيه و عندها بكالوريوس .. و اتزوجت واحد عندها ثالث اعدادي .. وبعد الزواج الحرمه بأسلوبها قدرت تقنع الريال يكمل دراسته .. عمرها ما حسسته انها احسن عنه .. بالعكس كانت اتشجعه ع الدراسه لانه في مصلحتهم هم الاثنين .. و تعالي شوفي ريلها الحينه ماشاء الله عليه مخلص جامعه و ناوي يكمل دراسات عليا .. بس يتريا الحرمه اتربي و عقب يسافرون .. الله يهنيهم و يسهل عليهم ..


الخلاصه : خخخخخخخ أهم شي طبيعة الريال و علاقة بالأهل لانه تعكس علاقته بزوجته بعدين .. وانصحج حبوبه اتصلين استخاره و الله يسهل لج دربج و نفرح بج يوم عرسج خخخخخخ ^__________^ يا ويلج اذا نسيتي تعزمينا ..

مافيها شي

والشاطره الي اتخلي ريلها يكمل دراسته ويحب الدراسه^_^

مستحيل اختي

فكري في بعدين

الواحد مايبي شهادته عشان وظيفه او مركز

الواااحد يبي الشهاده عشان التفكير والاسلوب بالحياه
فكري في عيالج
شلون بيتربون

مستحيل
اتزوج واااحد ماعنده على الاقل ثاويه

مستحيل والف لا

مو مسالة مستوى او اعلى او مو اعلى

السالفه
التفكير الاسلوب

تحملي والله بتنددميين

لازم تختاارين وااااحد من نفس كستوى تفكيرج

والله يوفقج اختي

بالنسبة لي عادي

كان يتقدملي شباب معاهم ثانوي بس او معهد ولكنهم من عائلات ومراكز مهمة واعتقد ان الشاب ايلي يقدر يدير مصالح العيلة ويكون عنده مصلحة وموفق فيها ومحترم وعلى خلق بكون احيانا كثيرة افضل من ايلي معاه الشهادة وعلى الفاضي ..

الشهادة ما تقرر اذا كان هالشخص فهمان ويله متفتح او لا او طيب ويقدر زوجته او لا لانه هالاشياء تعتمد اكثر على البيئة ايلي جاي منها الشاب

ولكن كان نصيبي احب وارتبط بمهندس والحمدلله رب العالمين

اولاد خالتي الاثنين غير متعلمين ومعاهم واحد ابتدائي او اعدادي وواحد ثانوي وارتبطوا ببنات جامعيات واشتركوا الاخوة وعملوا مدرسة خاصة وزوجاتهم تشتغل في مدرستهم وما شاء الله عايشات آخر دلال

[glow=FF6666]أنا الصراحه عادي عندي لأنه وااااااااااااايد مومكملين بس خبرتهم في الحياه أفضل بووووووايد من الدارسين وطبعا قبل مارتبط فيه لأزم اعرف كل شئ عنه يعني في تعامله عشان مااندم لو كان كل شئ اوكي بتوكل على الله ونعم بالله[/glow]

السلام عليكم
انا الصراحة عادي عندي
بس هناك وحهتين نظر الاولى في بنات تقدر تسيطر على هاي الموقف بعدم تحسيس الزوج انها متعلمة واحسن منه وان الامر عادي
والثانية ان هناك بنات ما تقدر اتسيطر على هاي الشي واقل هواش بينهم تحسسه بهاي الشي
وبعد يعتمد على الريال اذا ما كان بداخله شي من هاي النوع
والعكس هناك ريايل مكملين وزوجاتهم لا ونفس الظروف اي العكس صحيح

السلام عليكم
انا الصراحة عادي عندي
بس هناك وحهتين نظر الاولى في بنات تقدر تسيطر على هاي الموقف بعدم تحسيس الزوج انها متعلمة واحسن منه وان الامر عادي
والثانية ان هناك بنات ما تقدر اتسيطر على هاي الشي واقل هواش بينهم تحسسه بهاي الشي
وبعد يعتمد على الريال اذا ما كان بداخله شي من هاي النوع
والعكس هناك ريايل مكملين وزوجاتهم لا ونفس الظروف تصير:shy:

ينقل لركن الشؤون الاسريه

أعتقد إن الأمر عادي والمهم أن تتعالى الزوجة بشهادتها أمام زوجها لو كان أقل منها في مستوى التعليم....وأن تحاول أن تكون عونا له كي يكمل تعليمه فلعل الظروف كانت حاجزا أمام حصوله على شهادة عليا...
والأمر الثاني ..هناك الكثيرات متزوجات من رجال يحملوا شهادات عالية ولكنهم يفتقرون إلى حسن التعامل في الحياة ومع زوجاتهم

شكرا لك على هذا الطرح

بما انج حاطه فبالج انه بيكون في فرق في التفكير واختلاف في وجهات النظر، مابتقدرين تأقلمين وضعج مع الشخص لي راح يرتبط فيج اذا كانت شهادته اقل عن شهادتج... آبائنا وجدودنا كانو اميين وغير متعلمين واللهم خبرتهم في الحياه كانت سلاحهم وثقافتهم..

ياما ناس متعلمين وعندهم اعلى الشهايد ولكن ماعندهم خبره فها الحياه ولا اسلوب في التعامل


اتوكلي على الله وانشدوا عن الريال واخلاقه تناسبكم او ماتناسبكم واهم شي وقبل شهادته سألوا الريال اذا مواضب على صلاته .. والاشياء الثانيه ما ظن تكون بهمه بقدر اهميه الدين والاخلاق

وهذا اللي عندي

والله يااختي اذا كل وحده بتقول ابغي جامعي نفسي وماارضي الا بهالمستووي بتعنس وبتقعد ببيتها وخصوصا احنا شباب الخليج اكثرهم ثانويه بس

وعلى فكرة ياما ناس خذوا ماجستير والله بالخير موفاهمين شي كلش ولاقد مسؤوليه بيت

وعلى فكرة انا جامعيه وزوجي ثانويه والحمدالله بشهادة الكل يمدحوونه ويقولون النعم فيه حتي بالشغل حاطينه نائب الرئيس ودوم يقووله خسارة ليش ماكملت جامعه ؟انت تصلح تكون رئيس القسم
لانه يشتغل من قلب ويحب الشغل

وابغي اقوول شغله مهمه من قال اللي مخلص دراسه عنده اسلوب وتفكير ؟


هذي نقطه موصحيحه كلش

الاسلوب وتفكير ناابع من شخص نفسه من تربيته من معاملته مع اهله اصدقائه زملائه بالعمل مش من خلال درااسه راح يرتقي باسلوبه وتفكيرره


ياما ناس ساافروا امريكا ولندن وكملوا درااستهم وارجعوا قفل مثل ماهم ولاغيرتهم حتي حياة المنفتحه هنااك ولو بشي بسيط