قصة ولادتي 000واحداثها

هذي قصة ولادتي


طبعا انا ولادتي كانت قبل موعدي بالدوره الشهريه21_10 لكن بالالتراساوند كان الموعد صحيح 8_10
المهم انا شفت علامة الولادها لا فرازات المخاطيه الي فيها دم وسألت مرت اخوي لانه اول مره تصير لي هالعلامه وقالت لي ولاده لو ماتحسين بالم يعني قربت ولادتج المهم انا ماصدقت خبر وعلى طول شربت خرووع ومشيت مشي لين هلكت ورحت المستشفى والا المفاجأه بس 2 سانتي افا كل هالتعب و2 سانتي وعلى فكره وانا من الثامن ونا 2 سم
على فكره ماكان فيني ويع ابد ونومتني الدكتوره لانه مالاحظو حركه للجنين المهم كل نص ساع دكتوره تي وتشيك مافيني طلق مادري ليش يشيكون بس حب استطلاع:angry: وكل مره 2 سانتي المهم بعد مرور يوم كامل من معاناة الفحص وسعوووني الدكتورات شغالات كل شوي اتصدقون وصلت 5 سم والجهاز مايبين اي طلق وانا مافيني ويع بس كان السبب فالتوسيع التشييك الداخلي المهم فالاخير يت الدكتوره المسؤوله عني وقالت هذي مافيها طلق خلوها تروح صرخت فويها وسعتوني 5 سم ووين اروح اليوم ما اطلع لين ماتولدووني قالت اساعدج وافتح الماي قلتلها اتصرفي انا ماطلع وانا 5 سم وين ارووح (((زوجي كان رايح مع عمي يخطبون اختي لأخو زوجي وانا فهالحاله شفتو عاد مووول مب وووقته ))) المهم فتحت لي كيس الماي وانتظرت الطلق وكمان ماشي فايده 5 سم موراضيه تتغير لكنه ماشي علامه طلق فجهاز التخطيط المهم وصل زوجي وقالي مبرووك عليج خطووبةاختج كل شي تم على خير وانا استانست حدي ودخلت الدكتوره وسالتني تتحملين الطلق الصناعي طبعا ومن الفرحه قلتلها بتحمل اتوكلي على الله وعطوني طلق صناعي فالمغذي وبعد ساعتين من الالم الي يذبح والطلق والصريخ مع اني كنت امسك عمري واحاول اسوي التنفس وكان يريحني شوي لكن لا مفر من الالم صراحه انا ولدت قبل ولادتين ماحسيت فالطلق الطبيعي بهذا الالم الي حسيتها بالطلق الصناعي بعد ماكسرت خاطر النيرس او بالاحرى عورت راسها بالصريخ عطوني ابره مسكنه فالفخذ وعلى طول غرفة الولاده والادقايق و اقووولها لحقي يانيرس في شي بيطلع وشيكت 8 وشووي وطبعا مع دووخة الاكسجين الي ريحني ووجود زوجي عندي يقرا علي وانا طبعا كنت اقرا((سورة الزلزله)) واستغفروطبعا مانسيتكم بالدعاء000 بس زوجي كان باين عليه الخوف حتى كسر خاطري يوم شفت الدمعه فعينه كأنه يلوم نفسه هههههه وتسهلت وشرف ولي العهد مستر حمدان بعد هالمعاناه والحمدلله على كل حال وكانت ولادتي الساعه 1 فالليل ومن الفرحه بالبيبي ماياني النوم وانفتحت شهيتي عالاكل وطلب لي زوجي 3 سندويجات ماك شيكن عاساس بيتعشىوياي وكلتهم كلهم بروحي حتى زوجي خاف قال شو فيج شوي شوي ععمرج احرجني صراحه وفشلني ماخلى حد ماخبره عني المهم يوم رحت الغرفه لقيت زوجي مزيننها لي واستانست لاني ماتوقعت هالمفاجأه لاني مو اول مره اربي شوفو الصور وقولولي شرايكم بالترتيب وشرايكم بحمداني

والله يسهل علينا قضاااء الصيام:shy: