ساعدوني..............؟

السلام عليكم
والله حبيبتي ماعندي خبره في هالامور
بس ماحبيت أدخل وما أرد عليج
وبالتوفيق حبيبتي

امم ليش ما تهدينها كتاب يتكلم عن هالامور ويكون الكتاب ممتع وشيق وتحاولين قراءة الكتابه معاها او تناقشينها بعد ما تقراه في الاشياء الي تجهلها

اممممممم حسب صحتها وشكل جسمها يعني اللي يبلغون على 10 أو 11 أو 12 اقصد البدري من عمرهم تلاحظين هالشي من خلال أجسامهم تلقين صحتهم توب متعافين يعني بنيتها متوسطة او كبيره مو ضعاف وجسمهم بدا يتقرب من البلوغ وطولهم شوي اطول من غيرهم فإذا تحسين بنتج مقبله بسرعه عالبلوغ كلميها وبتلاقين بسرعه بتتقبل اما اذا بنتج معصقله وضعيفه وجسمها صغيروني تركيها شوي لين 12 او 11 لأن 10 سنوات صدقيني بتخاف ومابترقد وبتم تشك بنفسها وبظل كل تفكيرها بهالسالفه فحرام تهمين بنتج أنتي جوفي بنتج ويبي كتاب عن هالسن وقارني بنتج فيه

مو عارفة
لساتني ما اتزوجت
بس امي عادي قالتلي انو فس شي اسمو دورة و ووووووووووووووو
كنت بعمرها تقريبا
حاولي باي وقت تكونو جالسين لوحدكم
او شوفي اذا مكتوب عنهم بكتبها اساليها و ابدي بمناقشة الموضوع

عادي رمسيها

ليش تستحين


مثلا راويها الكوتكس وقوليلها اتعرفين شو هذا او حق شو يستخدم

واكيد بتقولج لا

عقب خبريها عادي قوليلها انا كنت في مثل سنج تقريبا

ويتني الدوره واستانست لأني بكون محاسبه على كل شي


وانتي بعد بتييج

يعني مابتكونين ياهل .....


وقوليلها اول ماتييج اتخبرج...

وبس


والله يوفقج و يوفقها يارب

مشكورين .... ماقصرتوا انا خبريتها عن هذا الشي بس الاشياء الي تلحقها من نظافة و .....

شوفي حبيبتي ..

هذي المشكله ان الواحد ينحرج من تعليم ابناءه في بدايه مرحله البلوغ ..

انا قبل لا اتزوج احب اني اشرح وعلم علشان الفايده والحسنات الي باخذها ,يوم دشت اختي وبنات جيرانا بدايه مرحله البلوغ يعطونهم كتيبات وعيانات للفوط الصحيه في المدارس .
كنت انا اسوي لهم دوره تدريبيه عن كيفيه او علامات بدايه انتقال البنت الي امراءه من تغير الصوت وظهور الشعر ...والخ
وكنت اعلمهم كيفه وضع الفوطه الصحيه وكيفه حلق منطقه العانه والاباط ولما فيها من فايده
اتعرفين يوم جاتهم الدوره والله ان ام كل وحده جات تشكرني .فلمفروض انا ما نستحي من تعليم بناتنا عن مرحله البلوغ لان صج مرحله مهمه وتعتمد علي الاساسياات .

انتي اخذي لها كتيبات عن المرحله الانتقاليه ولما لها من فايده وانتي اخذي وعطي معاها وعلميها وشرحي لها عن هذي المرحله لان كل مرحله انمر بتغيرات الله كاتبها علينا .

اتمني اني فدتج يا الغاليه

انا اشووف انه انسب حل انج تشتريين لها كتاب يتحدث عن ها الاشياء

وتهديينها اياه بس يكوون كتاب مبسط ومايخوف

وان شاء الله خير

البنات كفوا ووفوا

بس يوم بتتناقشين معاها عن الموضوع ابد لا تبيني لها انج مستحيه وخجلانه من هالموضوع

لانها لو شافتج مستحية شي اكيد هي بستحي ازيادة ومابتعطي وبتاخذ معاج
وبالتوفيق

ولا تنسين بعد توضحين لها الاشياء الدينية بالنسبة للبلوغ والتحجب والملابس والصلاة
والصوم والقضاء والتطهر من الدورة

طبعا بصورة مبسطه

انتي لا تكبرين الموضوع و تضخمينه عشان ما تخاف و قوليلها ان هذا الشي طبيعي و ان الله بعد خلق للريايل تغيرات مب بس حريم بس انتي لازم تتعلمين من الحينه عشان ما تصير مواقف و تضايقج و تكونين تعرفين كل شي و اي شي تبين تعرفينه اسألينيلاني امج وبساعدج بهذه الطريقه ما راح تخلينها تستغرب من التغيرات و بتعطينها المجال انها تتواصل معاج بدون خوف

و اسمحيلي ما حبيت ادخل بدون ما افيدج مع اني ما انحطيت في هذا الموقف

هلا اختي...

لا اختي كلش مب غلطانة انج تبين تعلمين الطفلة وهي بهالعمر...

عن نفسي ما بلغت الا بعمر ال 12
وامي كل ما شافتني عصفورة للحين ما بين علامات البلوغ علي تأجل الموضوع..

وما كان عندي خوات اكبر مني عشان اشوي ممكن اعرف عن الموضوع.. يعني سالفة انه ما يصلون.. او سالفة الفوط الصحية مييييييح ما عندي خبر عنها..

فاللي صار انه بعممر ال 10 سنوات وحدة من الصف تمت تتكلم عن هالموضوع قدامنا واحنا فاجين عيونا وحلوقنا.. ماندري شصاير .. هالبنت عفريته وعندها خوات اكبر منه علموها.. فياية تتفرعن علينا هههههههه

رديت البيت وبدل ما انتظر امي تفاتحني بالموضوع رحت وانا وفاتحتها :D

ابتدي وياها بالتدريج

يعني رمسيها في البداية عن كيفية العناية بشعر الرأس....ممكن تكلمينها عن أنواع البشرة وحب
الشباب، وبعدين رمسيها عن شعر الجسم وكيف البنت من البدايه تهتم بجسمها

أكيد وانتي تفهمينها هالسوالف بتسألج، كيف وليش، وبتكون فرصة بالنسبه لج عشان تشرحين لها عن هالشي، وممكن تستعينين بالكتب أو الانترنت في توضيح هالامور

وتخبرينها عن التغييرات اللي تستوي في جسم البنت يوم تبلغ،

وهالشي بيكون فرصة بالنسبه لج عشان تشرحين لها عن أهمية الحجاب


بصراحه انا ما شرحت حق خواتي عشان كنت أستحي:shy: بس ان شاء الله يوم بعرس وبييب بنت
بفهمها عدل

مشكورين على المشاركات ..... أخجلتم تواضعي

البنات ما قصروا

بارك الله فيها اخت انفينيتي


انا بلغت في عمر 10 سنوات ولقيت حالي فاهمة كل شيء !!! :) وامي ما تدخلت بشيء وتفاجأت اني بلغت وكنت استخدم الفوطة الصحية لوحدي وبدون اي ارشاد ولا عطيتها علم حتى :)

ما تقلقي الله خلق الانسان وحط فيه الغريزة واذا كنت بتنصحيها انصحيها بطريقة التنظيف الصحيح وتغيير الملابس وأكل المأكولات الصحية وغيرها من امور

بخصوص النظافة وغيره.......

قعديها معاج مرة وانتي تسوين حلاوة........... يعني ايدج مثلا.. وخليها تساعدك.. وضحكوا و استانسوا.. عشان تحس الامر عادي........ وافتحي المووضوع.. واكيد راح تتقبله بصدر رحب