مرتاحه هنا بس احس بالوحده :(

السلام عليكم ...
كيفكم بنات ؟؟ انشالله بخير ...
هذي ثاني مره اكتب بهالقسم وانشالله تساعدوني بمشكلتي ** مب مشكله بس شعور غريب ونوع من الفضفضه ......
طبعا انا مؤخرا صرت ادرس ببريطانيا (( من 5 شهور )) والحمدلله مره مره مرتاحه مع الدراسه .. ومع العايله اللي ساكنه معاهم وكل شي اوكي .......... بس ........ احس بالوحده :sad: مافيه احد معاي .. اطلع بلحالي .. اتسوق بلحالي .. اروح واجي بلحالي ...
اشوف شباب خليجيين معاي بالكليه وكلهم متماسكين ومع بعض يروحون ويجون واتحسر (( انا البنت العربيه الوحيده )) ومافيه عربيات بالمدينه الا قلييييييييييل مره .. حاولت اتعرف على بنات يابانيات وكوريات معاي بالكلاسات بس ما ادري كيف ما اندمج معاهم :sad: بعكس حالي بالسعوديه كيف كنت كل يوم اطلع مع صديقاتي وبنات عمي.. حتى اني صرت افكر ارجع بسبب هالشي مع اني ما اتمنى ابد ابد ابد ادرس بالسعوديه (( مب عشان شي بس لأني ما ابي اكون مع اهلي ... بيني وبينهم مشاكل لا تعد ولا تحصى وانا هنا مرتاحه من عوار الراس *_* ))
فـ سويت لسته من الجامعات (( غير المكان اللي انا فيه )) .. تتكون من 5 جامعات امريكيه بأنحاء العالم وفيه جامعه بقطر (( يو سي في كيو U C V Q ))
ابوي وامي يبوني اكمل هنا على قولة امي (( لا تجحدين النعمه ياما بنات حاولوا يدرسون برى بس ظروفهم ما تسمح لهم :( ))
والله والله يا بنات اني مرتاحه هنا ولا ندمانه على قراري ابد ابد ... بس احس بالوحده ..

هذا كل اللي عندي وانا اسفه اني طولت بس اسألكم الدعاء لي بالصبر :sad: وياليت البنات اللي يعرفون اي معلومه عن الجامعه اللي يقطر تقول لي الله يجزيها خير