زاويتي .. لحل جميع مشاكل الديكور والمنزل ( جديد )

مشكووورة يا مشرفتنا وخبيرتنا RoOoOmyعلى هالموضوع

RoOoOmy عندي ممر طويل في الطابق الثاني
بدايه الممر غرفتين متقابلتين ونهايته نافذة كبيرة عرضها بعرض الممر

بغيت اسوي فيها مطبخ صغير للخدمة السريعة فيها ميكرويف وثلاجة وشواية ومحضر طعام
وبنفس الوقت يكون فيها طاوله طعام

بغيت نصيحتك

كيف بيكون تفصيل هالمطبخ
واكون ممنونة لج



ام محمد

مشكورة يعطيج العافيه

اختي انا عندي مشكلة متحيرة في وين اضع التلفاز في زواية قريبة من الحمام ام الزاوية الي مقابلة دريشة الصالة ارجو الرد عليي بأسرع وقت ممكن على الخاص ان وجد.

يعطيك الف عافيه غاليتنا..
فكره جدا رائعه واكيد الكل بيستفيد منها..
فالله يعينك علينا طلباتنا ما رح تخلص..

أسعدني مروركم جميعا اخواتي ... كلكم ذوق
ان شاء الله لي عودة مع اجابات مفصلة مع افكار بالصور لتوضيح افكاري

انتظروني

اختي شكرا على تجديد الموضوع اما بالنسبة لي اولا حابة غرفة اطفال لبنت وولد وحابها عملية يعني مو اغير كل سنتين لو في مجال تعطيني من افكارك الرائعة

نورتي الموضوع اختي ام محمد ونورتي المنتدى كله

من زماااااان عنك .. شخبارك وشخبار معرسنا حمودي ان شاء الله بخير

اختي انا سويت كروكي تقريبي للممر



بس مافهمت عليك وين ناوية تحطين المطبخ .. في الممر او في وحدة من الغرف؟
بانتظارك

اختي om hussian هم ما فهمت بالضبط وين المشكلة لاني مو قادرة ارسم تصور للصالة .. ياريت لو ترفقي رسم كروكي للمكان او تعطيني شرح اكثر وانا ارسم لك كروكي

في الانتظار

نورتي موضوعي malaak أسعدني مرورك ياحلوة
لا تخافي عندي كم موضوع ان شاء الله بيعجبونك

وجود المكتب او ال home office في البيت عملي ومفيد خاصة لو كان الزوجين يحتاجونه

الالوان عندك متناسقة وحلوة وتحتاج الى اثاث بلون قوي لاظهار التناسق >> وانا افضل اللون البني بدرجة غامقة حسب رغبتك



طبعا هذا لو مو حابة تغيري الارضية والستارة والصبغ ... الالوان عندك حلوة وتناسب اجواء مكتب
الا اذا انتي راغبة في الوان ثانية عطيني خبر وانا اسوي لك تركيبات لونية متناسبة

وانتي تدوري الاثاث المناسب للمكتب انصحك تدوري كل قطعة لوحدها بدون ما تشتري .. مثلا مكتب متوسط الحجم .. وحدة رفوف للكتب .. اضاءة
كلها مع بعض .. مو تشوفي قطعة وتشتريها يمكن بعدين ما تلاقي شي يناسبها ويناسب الغرفة و تحتاري كيف تكملي
اذا شفتي كل اللي تحتاجيه متوفر ويناسب بعضه .. تقدري تشتري بعدين

نصيحة ثانية
اذا كانت مساحة الغرفة عندك صغيرة او متوسطة يفضل شراء اثاث متوسط الحجم
مثل وحدات الرفوف .. مو لازم تكون مكتبةكبيرة وفيها ابواب وغيره .. وحدة بسيطة تكفي

مثل هذي مكتبة بسيطة جدا وانيقة في نفس الوقت



وفيه تصاميم عملية للمكتب المنزلي ... تجمع المكتب ( طاولة ) مع وحدات تخزين ورفوف

اختصار للمساحة







ولا تنسي اختيار الترتيب الصحيح لأماكن الأثاث وطريقة ترتيبها .. وايضا لا تنسي توفير كل الاحتياجات في المكتب

مثل لوح لتعليق المواعيد والأعمال المهمة

رفوف للملفات ان وجدت

الاضاءة المناسبة

التهوية المناسبة

لو حابة تغيري الوان الصبغ قولي لي وأنتظري ردي

بالتوفيق يا أحلى malaak

اختي ليش مطنشتيني هادي تاني مرة بطلب منك ولا حتى عبرتيني وانا كل شوي ادخل اشوف لتكونين رديت على العموم الله يعطيك العافية واسفين لو ازعجناكي

موضوع حلو لاني كرهت غرفتي

أرجوا أبداء رأيك

غرفتي على شكل مستطيل و كبيره أول ما تدخلي أتلاقي البلكونه مقابله الباب و ماشاء الله الحيطه كامله زجاج البلكونة و على يسار الباب مدخل غرفة الملابس و بكل مربع

و أنا حاليا استغليت البلكونه و سكرتها علشان اسويها غرفة ملابس لان ملابسي وووايد وناوية اسوي غرفه الملابس غرفة جعده و بحط التيلفزيون فيها و غرفة النوم بس للنوم بس اريد حركه حلوه و غريبة اتخلي كل حد يستغرب

و تسلمين

RoOoOmy:
نورتي الموضوع اختي ام محمد ونورتي المنتدى كله

من زماااااان عنك .. شخبارك وشخبار معرسنا حمودي ان شاء الله بخير

اختي انا سويت كروكي تقريبي للممر



بس مافهمت عليك وين ناوية تحطين المطبخ .. في الممر او في وحدة من الغرف؟
بانتظارك

هلا وغلا
روومي

انا بخير وحمودي كبر ويسلم عليك

الكروكي اللى رسمتيه قريب جدا للواقع
بس النافذة ماخذه كمان شوية من الزاويه جهة اليمين
يعنى اهى بعرض الممر وممتدة لجهة اليمين

وابغى اسوي المطبخ في الممر يا الغالية

اختي jana26 أشكرك على مرورك لى موضوعي
عزيزتي لو لاحظتي انا امشي بالدور وارد على الاستفسارات عشان ما تصير لخبطة مثل الموضوع الاول وانسى ارد على احد
ماطنشت احد .. ولا يمكن اطنش احد
وذكرت في بداية الموضوع اني اتمنى منكم تصبروا علي عشان ارد

دمتي بود

RoOoOmy:
اختي jana26 أشكرك على مرورك لى موضوعي
عزيزتي لو لاحظتي انا امشي بالدور وارد على الاستفسارات عشان ما تصير لخبطة مثل الموضوع الاول وانسى ارد على احد
ماطنشت احد .. ولا يمكن اطنش احد
وذكرت في بداية الموضوع اني اتمنى منكم تصبروا علي عشان ارد

دمتي بود

(f)شكرا اختي واسفة لو ازعجتك وبنتظر ردك بادن الله

موضوع حلو تسلمي و ان شاء الله ننتظر جديدك

السلام عليكم

تسلمين رومي على الرد المفصل

بس انا ابغي اغير الغرفة كااااااااااااااامل الارضية والصبغة وكل شي فعلا متناسق بس انا خاطري اغيرها بالمره اخليها حليوه وتفتح النفس

بس فيه مشكلة انا كنت شارية طاولة للشغل وها السوالف عشان تناسب غرفة النوم لاني كنت حاطنها بغرفة النوم

وطاولة الكمبيوتر غير بالمره عن طاولة الدراسة

هذي أنا صورتهم من زمان بهوم سنتروكانوا جنب بعض عشان كنت ابغى أوري زوجي الصور قبل لا اشتريهم

" alt="" loading="lazy">
الغامقة هي للدراسة بس صورتها مو امبينه وايد

والثانية طاولة الكمبيوتر الي امبينه

بس الحين بسبب تضارب الألوان مو عارفة شلون اجمعهم بغرفة وحده وشلون انظمها بالمره

فبليز قوليلي بالتفصيل شسوي وشو الاضافات الي ممكن ازيدها عشان تكون غرفة مكتب حليوه

اختي الله يجزاك خير على هذا الموضوع الرائع بغيت منك خدمة انا عندي غرفة صغيرة شوي فيها طاولة كمبيوتر لونها خشبي هذي في ركن الغرفة بس اذا جو عندي ضيوف ادخلها في مكان ثاني وعندي الجلسة شعبية لون احمر واسود وبيج حابة اعمل ديكور شعبي يناسب الغرفة واذا اقدر يكون الكمبيوتر موجود بس بشكل حلو في الغرفة وعندي شباك حابة اعمل فية ستارة بس ابغاها شكل غريب وحلوة معليش طولت عليك بس ثقتي فيك كبيرة وابغاك تفيديني باللاكسسوارت المناسبة للغرفة