بأنتظار كل أم تدخل وتذكر لنا طريقة عقابها لأولادها في حال الخطأ

[frame="1 80"]السلام عليكم هذي اول مشاركه وانا عندي ولدين الله يخليهم لي
طريقه العقاب اذاسوا خطا كبير مو على كل شي ادخله غرفه وشوي اروحله اعلمه غلطه واخليه يتاسف اذاما تاسف مايطلع من الغرفه الين يتاسف لزم تكون غرفه مافعيالي العاب اعمارهم ست سنين وثلاث سنوات وسلامتكم [/frame]

[frame="1 80"]السلام عليكم هذي اول مشاركه وانا عندي ولدين الله يخليهم لي :gum: :gum:
طريقه العقاب اذاسوا خطا كبير مو على كل شي ادخله غرفه وشوي اروحله اعلمه غلطه واخليه يتاسف اذاما تاسف مايطلع من الغرفه :sad: الين يتاسف لزم تكون غرفه مافعيالي العاب اعمارهم ست سنين وثلاث سنوات وسلامتكم :salam: [/frame]

ياهلا والله بك أختى النوري معانه من جديد،، أنت أساس هالركن... و الركن أشتاق لك ولمواضيعك الرائعة..

بخصوص طرق العقاب المتبعة مع إبني ذو السنتين و4 شهور،، أني أتركه ومارد عليه،، قبل فترة جاتني حالة من كثر مايتدلع علي وضربته مرتين بس حسيت بذنب كبير... الحين مثل ماقلت أتركه وأقول له لو كنت مواعدته على شي أني ماراح آخذك هالمكان فبعدها يرد عن عناده.
بخصوص كرسي العقاب حاولت أطبقه بس مانفع، لكن نفع مع أمي، لما يسوي شي غلط وهو معاها في البيت تحطه بالمجلس على كرسي طاولة الأكل،، فيعرف ان هو غلطان ويقوم يعتذر ويقول (ماسوي)...

تصدقين كسر خاطري عبود يوم قلتي ان الوالدة تخليه على الكرسي. لكن العقابشر لا بد منه والله بعدين بنفقد السيطرة عليهمز

أنا تعلمت اني اقول لها ان ه>ا الشي خطأ ولازم ما نسويه والكبار ما يسوون ج>يه.

بس الحين ادا سوت شي ما يعجبني اقول لها ان اللي يسوي جديه ما يبونه في الروضة . تصدق وتتوب.

هدا اللي اقدر عليه لاه سنها صغير ما ينفع وياها الشدة وخصوصا انها بنت يعني ما يحتاج اوصف الحساسية والدلع

منورة منورة اختي النوري معانا... افتقدنا طلتج علينا .. لا تحرمينا وجودج ...


بالنسبة لي.. من صغره وانا اتبع معاه هالاسلوب.. لما كان بحضني.. اشيله واخليه بالارض واقول له خلاص ماما ما تبي حسوني... حسون شيطان لأن يسوي كذا كذا.. واغاور عنه دقيقتين.. ما اعطيه ويه.. ولا اسمعه... اشوفه يجيني يتبكبك.. اسأله بتسوي كذا مرة ثانية؟ يقول لا...

لحد الحين اشوفه ماشية معاه السالفة .. بس الله يستر من بعدين...

الضرب ما ألجاأ اليه الا في الضرورة القصوى.. لأن بعدين اذا نام بالليل اطالعه وييني تأنيب ضمير قوووووووي... وساعات تدمع عيوني :(

انا بصراحة استخدم معاه كل انواع العقاب ..

الزعل ..
احرمه من شي يحبه ..
التهديد والتخويف ..
الضرب ساعات :angry: <<<< هذا غير النظرات والصراخ عليه :shy:

وكل طريقة ممكن تجي على بالكم واغلب الطرق المذكورة من البنات جربتها معاه بس ولدي عنيييييد ونحيييييييس وراسه يابس .. :sad:

لكن بعد ما ينام كالعادة تأنيب الضمير يشتغل فللللللللل عندي وحتى الصياح اصيح واقول ما بعاقبه مرة ثانية لكنه من يقعد من النوم يشتغل .....


الله يهديه ان شا الله :shy: :shy:

ربي رزقني بثلاثة أطفال ..

الأول ولد الله يسامحني عليه كنت لو لعب على الكل أضربه .. إذا مسك الملعقة غلط أضربه (لأن دي كانت نصيحة جدة) قالت لي الولد ما راح يفهم الكلام لكن إذا ضربتيه على الغلط ح يمتنع عنه ولن يتذكر الضرب لغاية ما كان عمره 3 سنين وكنا في مطعم (يوم ما عرفت إني حامل بأخته) .. بأعطيه لقمه في فمه فأشاح بوجهه عني وبعد بجسمه ... حسيت ساعتها بافنقباض شديد في صدري ... وقلت أكيد في شيء غلط ... فبدأت أغير أسلوبي ووقتها كانت بدأت برامج توعيه رائعة في قنوات الدش .. فبدأت آخذ خبرة من المرشدين والأطباء المستضافون في البرامج.


بالنسبة لجهاد لم أكن احتاج لها لعقاب لأنها كانت هااااااااااااادئة جدا ...

جمانة يا ربي ييييييييييييي عليها .. ربنا يحفظها ... بدأت أطبق معها طريقة مكان الطفلة الشقية من عام ونصف ...

والطريقة مجدية جدا ..

والكبار في أكثر من طريقة للعقاب ... مثل: أزعل منهم وما أكلمهم ... أدخل الواحد فيهم غرفته يجلس أو يقف في مكان معين فيها بدون حركة المدة التي أحددها ... ألغي خروجة له .. أخصم من المصروف ...

أما اللي يخرب شيء فبآخد من حصالته واشتريه ...

التأخر في آداء الواجبات .. حرمان من كتاب جديد .. حرمان من الكمبيوتر ...

اللي يضيع أدواته المدرسية (محددة أسبوعين للقلم .. ) اللي يضيع قلمه يشتري غيره من مصروفه ...

أو اليوم المحدد لتجديد الدوات أعطيه أدوات الثاني المستعملة وما يآخد جديد ...



المكافآت : فسحة حلوة ... آخده يشتري شيء يكون عنده رغبة فيه. . ألغي عقاب .. يحصل على كتاب جديد قصص أو كتاب تلوين .. ممكن يحصل على علبة ألوان جديدة أو أقلام جديدة (في يوم غير المحدد لتجديد الدوات) ...

المكافآت المالية :

مكافآت التفوق ..
مكافآت حفظ القرآن والمراجعة ..

انا عن نفسي ما اضرب ابداً اصرخ واهاوش نعم لكن الضرب ما استخدمه مع بنتى الله يحفظها ومبعدتها تماما عن ابوها اقصد اذا غلطت ما اقول له لأن هو اذا غضب يضربها وما ارضى انا احد يلمس بنتى مثلاً امس وعدتها اوديها بيت الدونت هى تعشق هناك تجلس وتلعب اخذت جيلي وكلت على سريري والا وسخت السرير انزين سكت عنها وبعدين راحت على الأرض جلست ووسخت السجاد انا اهنى غضبت عليها وقلت لها عقاب لج اليوم ما بوديك بيت الدونت ( وهى يا قلبي خايفة على بالها باروح انا وبخليها لوحدها بالبيت ) قلت لها حتى انا ما باروح بس انتى هاي عقاب لك علشان اذا بتوسخين البيت او ما بتسوين الواجبات او اذا سويتى شطانة انا ما بشترى لك هدايا ولا اوديك مكان بتكونين بالبيت ، مسكينة انزين حاولت معاي حاولت معاي وما في فائدة بالنهاية تقول لي انزين ماما انا ما ابي اروح بس انتى مو زعلانة منى يعنى تحبينى ......ياقلبي ونامت من غير عشاء ....