مشكلتــــــــــــي كــــــــــــــبيره

فديت قلبج والله عورتي قلبي

انتي شلون اصلا رضيتي ترقصين وفي تصوير

ليش

احنا نقوم نسلم على العروس ونتغطى

عيل شلون رقص وفاصخه العباااايه

بصراحه انا اقول انج تكلمينهااا وتقولين لهاا انج تبغين تاخذين الشريط وتقطعين منه المقطع باي طريقه تودينه المحل

قبل لاتحس وتسوي في الشريط شيء

واتمنى من البنات يلقون لج حل احسن من حلي

بس هذا هو الحل ، بسياسة اخذي الشريط منها ودية محل وقطعي المقطع الي فية انتي ترقصين .
الله يوفقج

الله يعينك والله ماادري ايش اقولك ماينفع نقولك ليش الي صار صار

بس انا اقولك كلمي احد من اهلك يكلم اهلها وخصوصا امك خليها تكلم امها وتشرح لها الوضع ولازم اذا اهلك مايعرفون لازم تقولين لهم عشان لو صار شي لا سمح الله الاحتياط واجب وهذا الي صار يمكن يكون درس لك ولنا

الله يوفقك ويستر عليك
اتمنى اكون افدتك

ما اقدر لان هي اصلا ماتدري اني ادري انها راعية شباب ...


ولين الحين تعتبرني مثل صديقتها


والمشهد الي انا طالعه فيه صغير يعني مجرد يمكن تحريك الكيمره وانا طالعه مو موقفين الكيمره علي

وكان زحمة تقريبا بنات عايلتهم كلهم وربعي بعد ارقصوا معاي يعني المكان كان شوي زحمة فمن جي رقصت ان ماببين لا بين الناس و لا بالكيمرا

لان هي اصلا قايله انه مابتخلي المصوره تصور الي يرقصون ..

اي بعد في شي

يوم قلت حق ربعي ان احاتي

قالوا لي لاتحاتين

لانها ماتقدر تضرج انتي وحده ملتزمه وكل ماهوا وتتلتزمين زياده

وانتي شخصيتج قوية وهي تخاف منج لانها تدري لو سوت شي انتي مابتسكتين

وحده ثانيه من ربعي تقول لي انتي لانج توسوسين فمن جي خايفه

هي ماسوت لج شي طول هالسنه الحين بتسوي ..

هي لو كانت بتسوي كانت سوت من اول ماتعرفتي عليها ..

مب من هاذي اللقطه بتروح بتضرج

لا تخافين اختي ولاتوسوسين

يمكن البنت في الماضي كانت مو زينة واللحين تزوجت يمكن تابت عن هالاشياء

ومااظن انها تسوي فيج هالشي

ومثل قالوا ربعج لو بسوي شي كانت من زمان من اول ماتعرفت عليج

لاتخافين ولاشي
مدام المقطع قصيريعني مارح تكونين واضحه
وان شاءالله مايصيرشي

لا تخافين يا قلبي مافيه الا الخير ....
ما بتوري احد الفيديو عشانج وفيه بنات عيلتها يرقصون ... مب باب اولى انها تخاف على قريباتها صح ؟

خذي منها الشريط وقولي لها ان اهلج يبون يشوفون الشريط
وبعدين احذفي اللقطه وخلاص ولا تقولين لها أبدا

مستحيل انها تييبه هي بالغصب يابت البوم العرس عسب تراوينا ..

وهي يوم اقلت لي اني طالعه قالت لي انا تخرعت قالت لي ليش تخرعتي ..

شفيج محد شافه غير امي وخالاتي وخواتي مب مراويه حد لاتخافين ..

بس طلعوا لي حل غير ما اقدر اني اخذ الشريط ..

لانها مابتييبه صعبه ..

ريلها مايرضى انها تطلع شي

اخبر يوم يابت الالبوم كانت متهاوشه معاه ..


اخت نووسه المشكله احنا ماكتشفنا الا الحين عقب زواجها

فمب عارفه شاسوي

عرفتوا لو اني اعرف انها بس قبل كنت باحس انه عادي

بس هي مستمره ..

عشان جي انا احاتي ..

واهلها ناس زيين مايعرفون الخرابيط ولا هاذي الحركات يعني هي الشاذه الوحيده في عايلتهم

وامها معروفه عند الناس بتربية بناتها ..

حتى اخبر يوم العرس وحده من ربعي كانوا حريم العايله كلهم هناك وقالوا لها ارقصوا انتي وربعج ..

عشان الام ..

اوكي ممكن تعطوني حل غير ما اقدر اقولها تييبه لاني حتى لو قلت لها ما راح تييبه ..

اوكي بس ردود بعض الخوات ماريحني

خرعني زياده وانا من النوع الوسواسي

ان شاء الله ماتضرني يارب

أختي لا تخافين إنشالله ما يصير شي وهذا درس عشان ما يتكرر

وهذي الاغاني وماتسوي من دمار اطلب منها الشريط انج تشوفينه وديه اي مكان واقطعي اللقطه اللي تطلعين فيها وهذا من حقج حتى لو كان شريطها واذا قالت شئ قوليلها اهلي مايرضون والدنيا حيا وموت وانتي خايفه على نفسج وخلاص

عفا الله عن ما سلف

لاتجيبين طاري للبنات انها كانت تعرف شباب خلاص البنت يمكن تابت وماعتقد بتأذيك

وبعدين المقطع صغير يعني على اي اساس تنشره !!

وانتي لاتخلين الوسواس يلعب براسك

ولاتوضحين للبنات انك خايفه لأنهم بيعرفون نقطة ضعفك

لا حول ولا قوه الا بالله

معليش اختي لاتخافين انشالله مارح يصير شي بس هاذي غلطه مارح تتكر مرا 2

حتى لو البنت قريبه منج

انا نفس الشي في بنات عندهم صوري من زمان والحين انا متحسفه اني عطيتهم ولا اقدر اطلبهم منهم مرا 2 لني ماشوفهم اصلن !!

بس مافي انسان مايغلط ...

اسأل الله الذي لا اله الا هو الحي القيوم بأن يستر على جميع المسلمين والمسلمات

الله يحفظج حبوبه دام انتي ملتزمه وجذي الله رح يستر عليج انشالله

امين

^_____^

ومثل ماقالت اختي

عفا الله عن ما سلف