حد منكم جرب الفحص ياحوامل؟؟؟؟

b

bent el ba7rain

عروس مبدعة

14-11-2006 | 11:12 AM

بنات شلونكم بغيت رايكم ضروري؟

انا نهاية الشهر موعدي باقي اسبوع وانا الحين امشي بالاسبوع 37 الاسبوع اللي طاف الدكتورة قالت بتفحص علي بيدها تجوف حجم الراس مع سعة الحوض هل يتناسبون؟؟ بس ماخليتها خفت يألم او اولد وانا للحين ماكملت اموري بس هالاسبوع موعدي اتوقعا تبي تفحص وراح اكون بإذن الله 38 اسبوع بالضبط؟
شرايكم اخليها تفحص الكل يقول لي لا ليش تفحص دام مافي الم او طلق واا خايفة ومترددة قلت بستخير بس اذا طلع لا اخاف ان من المهم انها تفحص وعلى قولة زوجي الطب ادرى منج ومن الخوف يايت تخبروني؟؟؟؟؟؟؟؟؟؟؟؟؟؟؟؟؟؟؟؟؟

ص

صباحي

عروس مبدعة

14-11-2006 | 11:27 AM

والله ماعندي علم
انا في حملي الأول ماعملت لي الدكتورة فحص داخلي بيدها نهائيا وحتى حملي الحين بعد ماسوت لي..

انتظري خلي البنتات يفيدونك اكثر

م

مرموم

نائبة المشرفة العامة

14-11-2006 | 11:36 AM

السلام عليكم ورحمة الله وبركاته

أعرف إنه الفحص يعملوه وقت الولادة...ليش قبله ؟

b

bent el ba7rain

عروس مبدعة

14-11-2006 | 01:23 PM

up up

اب اب

ل

ليتك معي

مشرفة سابقة

14-11-2006 | 01:43 PM

اختي بنت البحرين.........

الفحص يسونه عشان يشوفون اذا حجم راس البيبي يناسب حجم الحوض عندج.....

لاقدر الله يمكن حجم الحوض عندج اصغر من راس الجنين........ فينصحونج بالعمليه القيصريه

بدل ما تعذبين في الطلق يحددون لج الولاده

والله يبعدج عن الولاده القيصريه.......

توكلي على الله يالغاليه...... انا ان شاء الله بكره بفحص هذي الفحص..... وانا اللي طالبته

والله يهون عليج ويسر امورج......

ت

تراتيل ملكوتيه

عروس مشرقة

14-11-2006 | 03:08 PM

مراحب بنت البحرين ..ماادري تقصدين اي دكتورة هل هي الدكتورة اللي تتواصلين وياها اقصد فرح اذا هي فاكيد ما بتقول الش الا بمعرفة واهي اعرف بهذا االشيء..واني امس رحت اليها كنت احس بالم في بطني وشافت تخطيط الطوارئ فقالت هذه حالة ولادة فلازم افحصش من تحت ففحصتني والحمد لله الامر طبيعي اختي حتى امي تقول وشافت مدى تناسب حجم راس البيبي مع الحوض وشكيت ان كنت انفتحت او لا وطلع للحين وحددت بعد موضع راس البيبي وقالت الي في حدود 10 ايام يمكن تصير الولادة ...توكلي على الله ولا تخافين

غ

غدران

عروس مشرقة

14-11-2006 | 06:35 PM

أنا في حملي الثاني الدكتورة افحصتني
وثاني يوم الظهر ولدت
عاد انتي خلصي امورج وروحي لهم
والله يسهل عليج وتولدين بالسلامه

s

smsm78

مشرفة سابقة

14-11-2006 | 11:38 PM

[grade="00008B FF6347 008000 4B0082"]حبيبتي: انا في حملي الاثنين ما سوو لي فحص داخلي لأنه اصلا ما له داعي الا اذا الحامل قالت ان فيها الم شديد[/grade]

ن

نـــورة

عروس متألقة

15-11-2006 | 10:00 AM

انا سوتلي الفحص مع العلم انه كان اول حمل لي ...
و انا كنت سايره المستشفى لأن كان عندي موعد و سوولي تخطيط و لما دخلت عالدكتورة
قالتلي إن فينج ألم الولاده
و قالتلي شرايج اسويلج الفحص عسب اشوف اذا الرحم مفتوح او لا قلتلها اوكي ...
لما سوت الفحص قالتلي الرحم مفتوح 1.5 سم ...
و الحمد الله اليوم الثاني فالليل رحت المستشفى و اليوم الثاني ولدت

فـــ أنا اقولج سوي و توكلي على الله

ترى الفحص ما يعور و لا تخافين

م

ماروكووو

عروس فضية

15-11-2006 | 10:18 AM

لا بصراحه ما سويت بحمليني بس اتوقع مو زين لانه يمكن يسبب تحفيز للولاده او حتى نزول ماي ( كلام امي ) بس مو متاكده ..؟؟؟