لو كنتي مكان ربيعتي شو بيكون قرارج

اهم شي الاستخاره ثم الاستخاره
ظروري تعرف ليش طلق
والاولاد ترى مايعيبون الرجال دام انهم عند امه
اذا هو صاحب دين وخلق ليش لا
هذا راي ان شاء الله البنات يفيدونج برايهم

اظن انه طلق لانها غير متعلمه وقال ابى وحده متعلمه

انا من رايي انها تسأل عنه زييين
وأهم شي الاستخاره وتسأل عن دينه لانه اهم شي في الريال

وبالتوفيق ان شاء الله

ليدي جيجي:
اهم شي الاستخاره ثم الاستخاره
ظروري تعرف ليش طلق
والاولاد ترى مايعيبون الرجال دام انهم عند امه
اذا هو صاحب دين وخلق ليش لا
هذا راي ان شاء الله البنات يفيدونج برايهم

خلها تصلي استخارة

ولازم اهلها يسالون عنه

واللي ربي كاتبه لها وفيه الخير للطرفين راح يصير انشالله

ربي يوفقها ويستر عليها

إذا العيال عند امهم فما اظن في مشكلة بس خليها اهم شي تصلي استخارة وتتخبر عن الريال وليش طلق


والله يوفقها

خليها تستخير و اذا لها نصييب وياه ان شاء الله الله بيوفق لها كل خير

همسات......:
اظن انه طلق لانها غير متعلمه وقال ابى وحده متعلمه

لو هذا هو السبب الأساسي للطلاق، احسن ما توافق
لأنه بكل بساطه بيكون ظاااااااااااااااااالم، لأنه أكيد
كان عارف هالسنين كلها ومن البدايه ان حرمته مب
متعلمه،،،،،

خليها تحاول تعرف سبب الطلاق وتنشد ناسد يعرفونه
ويعرفون اهله ويكونون حياديين ..


وعقب خليها تصلي الاستخاره واااااااااااااااااااااااااااااااد

ومب مشكله اذا هو مطلق وعنده عيال وفرق العمر مب كبير
لهالدرجه،،، الله يوفقها للخير ولا تنسين توصينها بالاستخاره

ضياء النور:

اولا هي ما مضطره تتزوج واحد مطلق وعنده عيال يمكن الله سبحانه بيرزقها واحد متعلم ومثقف ونفس الوقت عازب وبعديين المادية ما هي تحدد اذا كان الزوج زين ولى شين انا بصراحه لو مكانها


ما بـــــــــــوافق نهـــائيا


وابتعـــد احسلـــي عن الشبهـــات بمعنى ابتعــــد عن حاجه ماضيه وانا ما كنت فيها وما ادري ليش طلقها واكيـــد اذا شي بيضر شخصيته ورجولته ما بيقول لحقيقة ويمكن بيكون لحقيقه بس بيخبي حاجات هذا راي والسموحه

الله يجزيها خير اختي ضياء النور كفت ووفت ورايي من رايها اكيد

اختي من رايي تحاول تعرف الدافع الحقيقي للطلاق . ولو كان سبب مقنع و منطقي و ليس فيه اي ظلم للاخرى فلا ارى اي مانع من انها تتوكل على الله وتقبل الارتباط ولا ارى انه عيب ولا حرام الارتباط بشخص مطلق "فالطلاق ابغض الحلال صحيح لكن مو حرام " و الا ما كان ربنا ليحلله . اهم شئ انه ما يكون فيه ظلم للاخرى عشان تقدرتعيش حياتها معه وهي مطمئنة بعد ان تقتنع به هو كشخص طبعا " بصرف النظر عن امكانياته المادية" فالفلوس لا يمكن ان تحقق السعادة في غياب التفاهم والود والاحترام. والله يرزقها بما هو خير لها اختي.

بصراحة صديقتك صغيرة ممكن تتزوج ويكون نصيبها افضل


واذا هي عندها استعداد تربي وتراعي ابناءه لازم تفكر في الموضوع

اول شي الاستخاره
ثاني شي .. المفروض ما تشوف الايجابيات بس .. وتشوف السلبيات .. وتختار على اساس الاكثر سلبيات ام ايجابيات

ثالث شي .. همسه في اذنك عشان توصلين لها (( لا تظلم عياله معاها))

وربي يوفق الجميع

همسات......:
اظن انه طلق لانها غير متعلمه وقال ابى وحده متعلمه

بصراحة ..سبب سخيييييييف للطلاق ..أكيد فيه أسباب ثانية !!

رايي من راي ضياء النور

وش فيها المطلق ؟؟

يعني اذا الرجل طلق خـــلاص مايتزوج !!

اختي اول شي لازم الاستخاره وبعدين لازم تعرفين السبب الحقيقي وراء سبب طلاقه وتأكدي زين من اخلاقه وتعامله

وبالتوفيق يمكن يكون هو خير لك وافضل من الف عازب

همسات......:
اظن انه طلق لانها غير متعلمه وقال ابى وحده متعلمه

مــاأعتقد هذا عذر؟؟؟ .. الحين بيطلق حرمته بعد 3 عيال والله عشانها مب متعلمه .. عذر أقبح من ذنب ..

همسات......:
اظن انه طلق لانها غير متعلمه وقال ابى وحده متعلمه

والله يا اختي ما اعتقد انا هذا سبب مقنع انه يطلقها عشانه وخصوصا هو تزوجها وهو عارف انها غير متعلمة ... وغير كذا بينهم عيال يضحي بعياله يشتتهم ويبعدهم عن امهم عشان سبب تافه
والله اختي الي يطلق زوجته و ام عياله على سبب تافه يخليه يطلق على اتفه الأسباب وشكله الطلاق عنده كلمه سهله واناني ما يفكر غير بنفسه وبس

انا لو مكانها ما اوافق عليه خصوصا اذا كان فعلا هذا سبب تطليقه لزوجته

موب شرط انه مطلق يعني العيب منه

اسالوا عن سبب الطلاق ولا تقول انها صغيره على انها تاخذ متزوج من قبل

ليش يمكن يكون احسن لها من اللي بعمرها

والصراحه هيه موب صغيره وايد عمرها ما يعتبر صغير في مقاييسنا الخاطئه ولكن اذا الريال ما عليه قصور شو فيها اذا عنده اولاد وحرام انهم يتمون عند جدتهم وينحرمون من حنان الاب بالعكس اذا راعت رب العالمين فيهم الله بيرزقها بكل خير وبيسهل امورها ويمكن يكونون لها احسن من اولادها والبنات اللي يقولون ان عدم التتكافء في التعليم مو سبب للطلاق اقولهم انه من اكبر الاسباب

لانه يسبب عدم تفاهم بينهم واختلاف في الميول والرغبات وحتى انه يعدم الحوار بينهم لكون الزوجه غير مثقفه مثل الزوج فالاهتمامات تختلف والميول وطريقة التفكير في الامور وتفسيرها وحتى في تربية الاولاد فانا ما الومه اذا كان هذا السبب

اشكـركن كلكن فديتكن والله كلامكن يريح القلب............ العرب باكر بييون يشوفون البنت ام الريال واخته......... وربيعتي قالت بتحكم عليه بعد ما اخوانها يشوفو الريال...... اما بالنسبه للطليقته.. الريال زوجوه اهله وهو عمره 17 سنه وما كان من بينهم تفاهم كل هل سنين ......سبحان الله تصير وااايد هل الأيام والسبب اختيار الأهل ................وعن صلاه الأستخاره هي تقول بتصلي بعد ما يزوروهم الناس شو راايكم