كيف استخدم كحل ماك الكريمي ؟؟

أنا استخدم الاسود والبني مثل الكحل العادي باستخدام الفرشاة المايلة من ماك ( او لو تفضلي ماركة ثانية ) انا احب فرش ماك
مثل الكحل العادي .. تحطي كمية بسيطة في الفرشاة وترسمي فيها العين ( داخل وبرة ) ويصلح اساس للشادو الاسود وهو ثابت ما يروح حتى داخل العين ولونه اسود فاحم .. احيانا استخدمه لوحده واحيانا احط فوقه شوية شادو اسود







اما الالوان الثانية مثل الازرق اللي شفتيه فاقع .. يطلع حلو داخل العين مع كحل اسود من فوق وتحت العين وهو بس داخل العين

هلا والله بــ kitkit

أول شي عليج بالعافيه :)

ثاني شي الكحل
استخدامه وااايد سهل
نفس ماقالت لج الأخت RoOoOmy
بفرشاة ماك اللي حطتلج صورتها

أو عندج من Make up for ever

بس يبيله تمررين وان إيدج تاخذ على الفرشاه في رسم العين :)

والتركواز & البني وااااايد حلويين

>>> حاطه عينها عليهم

وااااااااااااااو انا عندي التركواز طالع روعه

واستخدم فرشه اللي حطتها الأخت عنود الغيد من سماش بوكس

أنا ما استخدمته بس عاجبني التركوازي
عادي تحطين برا العين تركواز أنا دايما احط الوان تحت العين اخضر وازرق
وصديقتي تشتغل بماك سألتها عن اذا ينحط داخل العين قالت لي هو في الاساس لبرا العين بس في ناس يحطونه داخل بس يمكن يسبب حساسيه خصوصا للي يلبسون عدسات لان هو مصنوع اساسا حق برا، وحبيت أفيدكم بالمعلومه :smile:

انا استخدم فرشه الكحل من بودي شوب

وصراحه ابي وحده ثانيه دقيقه اكثر

لانها شوي عريضه

ومثل ماقالو البنات في الفرشه المايله

بس انا احسها حق تحت العين وفرشات

الكحل تصير ادق وايد

واما عن الالوان بالعكس التركواز حلو خاصه

داخل العين لو عندج مناسبه

:shy:

اختي تستخدمين الفرشاة المايلة من ماك الخاصة بهالكحل

نفس اللي حطتها رومي

وتاخذين كمية بسيطة جدااا من الأي لاينر الكريمي
وتخففين الزايد منه على ايدج وتبتدين ترسمين

والألوان الفاتحة انا استخدمها كأساس للآي شادو وايد حلوة وتثبت اللون وتطلعه اوضح
او ممكن كآي لاينر لخط الرموش اسفل العين

بس داخل العين ما قط استخدمته
لان على حد علمي انه للاستخدام الخارجي واخاف اجازف وعيوني تتحسس

ولا تنسين اذا اخذتي شوي منه اقلبي العلبه على الطاوله ولا غطيها على طول
عشان ما تنشف
لاتخلينها مكشوفه طول ما انتي ترسمين
على طول بعد ما تخذين منها غطيها او اقلبيها على وجهها عشان ما يدخل الهوى :)

أشكر خواتي على المرور الجميل والردود الاجمل
والله كفيتوا ووفيتوا :)
تسلم الايادي :clap:

اامممممممممممم يعني الكحل طلعت شرات الايلاينر ...
انا عندي فرشاة ماك المأطوشة استخدمها للشدو تحت العين .. يمكن احتاج اخذ وحدة ثانية للكحل الكريمي .. بصراحة انا محتاااااااااااجة ((ركزوا على كلمة محتاجة))) لكحل اسود فاحم ... ماقط حطيت كحل الا وطلع فاتح يعني يقلب على رمادي داكن ... وانا اشوف البنات في الجامعة والمولات عيونهم ما شاء الله محددة بلون اسود فاحم ... احسدهم لان اللون ما يطلع عندي حلوووووووووو :sad:

ان شاء الله هالكحل يكون الحل الامثل :)

ودمتم سالمين

اختي الكحل الكريمي اللي خذتيه في منه درجات للأسود
في اسود على رمادي
واسود دااااااااااااكن

وأسود بالجليتر الذهبي

واظن اللي خذتيه هو الداكن ان ماخانتني الذاكرة

واستخدمي نفس الفرشاة اللي عندج للآي لاينر
بس غسليها بعد ما تخلصين مكياجج عشان يروح اللون من عليها
لا تتركينها فترة اخاف اللون يظل عليها ومايروح :)

انا استخدمه لرسمة العين فوق وتحت

ويطلع يجنن واستخدم له فرشاة بودي شوب

بس داخل العين ماااجربته

ممكن تستخدمينه بالفرشاة المشطوفة اللي حطت لج صورتها مشكورة الأخت رومي ,

أو تستخدمينه بواسطة فرشاة فور إيفر رقم

s2 ,,

وعلى فكرة أنصحج تسكرين العلبة أول ما تحطين من الكحل عشان ما يجف عليج ,, لأنج لو تركتي

العلبة فترة طويلة ممكن يجف وما تقدرين تحطينه منه بسهولة ,

طبعاً كحل ماك الكريمي ممكن تستخدمينه من برا العين أو من داخل العين ,, وتقدرين ترسمين عينج

بالفرشاة مثل ما ترسمينها بالقلم أو بالآيلاينر :) ,,

ممكن اعرف سعره

البنات ما قصروا

انا جربته لداخل العين وقام يسيح ويحرق عيوني

خليته بس لبرا لرسم العين ومن داخل بالقلم

ووايد اشوف التركواز حلو لبرا العين

ان شاء الله قريب اشتري الازرق او التركوازي من ماك ^_^

انا استخدمه بفرشاة s2من فور ايفر
والملون ممكن استخدمه كشدووو كريمي او تخطين عينج من تحت وتقوينه بشدو او بيجمنت
بيطلع واو

ولما تستعملون الكحل بتتعبون وانتو تسكرونه وتبطلونه عشان ماينشف
نصيحه قلبوه على ويهه لين ماتنتهون من رسم العين

البناات كفو ووفوو :)

والكحل الكريمي الملون استخدميه داخل العين وبره العين يطلع رووعه :)

وانا احطه بره العين من تحت الرمووش شكله حييل حلوو

واستخدمي الفرشه الرفيعه حييل او المائله الي من فور ايفر

أنا أبغا أعرف وش هو الفرق بينه وبين الكحل العادي ,, من كلامكم حسيت انه مافي فرق نفس النتيجة

عندي الفرشاة المشطوفه
بس ما اعرف استعملها عدل ):

احس صعب

حبييبتي كل بنت ما قصرت وياج

بالتوفيق

:shy:

هيه والله جزززززاكم الله كل خير :)