بنات وش الأفضل حمام زيت ولا الكريم .؟

.

..M!ss-P!nk..

مشرفة سابقة

11-11-2006 | 10:27 PM

[glow=FF3366]السسسسسسسسسسسسلام عليكم ..(f)

بنات

انا شعري جاف وصبغته هاي لايت قبل العيد وجف اكثر وحسيت ان مافيه لمعه

مدحوا لي حمام الزيت والكريم اللي بالصالونات بس ابي اعرف وش الأفضل الكريم ولا الزيت

وكل كم اسويهااااا .؟؟(f)

وتسلمون مقدما ..(f) [/glow]

ن

نارنج

عروس مبدعة

12-11-2006 | 09:11 AM

فراشة فوشية

الأفضل هو جمع الاثنين مع بعض و أنا مجربتها

يعني تاخذي كمية من الكريم و تحطي عليه شوية زيت

تخلطينهم لحد ما يمتزجون و تفردينه على شعرك

و تغطينه بكاب وان قدرتي قبل الكاب تغطينه بفوطة صغيرة

على قد الشعر تكونين مغطستها بماء دافي ...

تلفينه على الشعر و تغطينها بالكاب عشان البخار يفتح

مسام الشعرة و الجلد و تستفيدي بشكل أفضل...

يلين الشعر و يطوله بسرعة بعد..

و يكفي مرة بالأسبوع تسوينها بس مافي مانع تهتمي أكثر

و تسوينها مرتين...ان كنتي تستخدمي الأستشوار كثير

أو ان شعرك يبيله عناية زيادة ...

انشاء الله أكون أفدتك...

ملاحظة هذه هي نفسها الخلطة اللي يستخدمونها بالصالونات

يجيبون لك كريم شعر من باناويل أو كريم كاب أو فاشكول

و يحطون عليه زيت ..أي زيت متوفر و يجيبونه لك مخلوط

جاهز و يقولون خلطة خاصة بالصالون احنا مسوينها ...

و راح تشوفي الفرق .........و هو صحيح في فرق لما تخلطين الكريم بالزيت

فأرخص لك تشترينه من السوق.. الكريم و الزيت ، و يظل عندك تستعملينه

مرات الله العالم متى يخلص على انك تدفعي بالجلسة الوحدة بالصالون3 أضعاف

سعر علبة الكريم اللي بتشتريها من السوق ...........

و السسسسسسسسسسسسسسسسسسلام ختام

ه

هدوية

عروس متألقة

12-11-2006 | 09:51 AM

مرحبــــــــــــــــا جميعـــــــــــــا

عزيزتي فراشة فوشية ، انا بعد مثل مشكلتج الصبغه العبت لعب بشعري وصار شعري جاف

صارلي فترة مداومة على شامبو وكوندشنر ( بلسم ) واااايد ناسبوا شعري حسيت بالنتيجه مع الاستمرارية بالاستعمال يعنى مو على طول من اول ما استعملتة شعري تغير اهو مو سحر ؟

بس انصحج فية وانشاللة يناسبج واستمري علية اتلاقينة بالصيدليات وبعض الجمعيات تييبة مو كلها انا اتكلم عن جمعيات الكويت طبعا ً
اسم الشامبو والموندشنر : ( V . O . 5 ) للشعر الجاف والمصبوغ علية رسمة كرات صغيرة صفراء اللون

بالاضافة لهم انا مرتين بالاسبوع استخدم زيت جدايل من القرشي ( مطول ، ومكثف ) النوعين واااايد زين هذا الدهن حتى بنتى احط لها منه ، لان تدرين الصبغة قضت على لمعت الشعر وصار لونة باهت ، بس مثل ما قتلج عشان تشوفين نتيجه حلوة لازم تستمرين على نوع واحد ولا تغيرين كل اشوي لان التغيير يتعب الشعر

وان شالله يتحسن شعرج

وتحياتي لج

هدووووويـــــــــة

q

qmr

عروس مبدعة

12-11-2006 | 10:06 AM

بسم الله الرحمن الرحيم
الاخت الفاضله
حمام الزيت : لتغذية الشعر وكل زيت له فائده معينة اختاري مجموعه زيت وامزجيها
زيت الحلبه : لتطويل الشعر
زيت السمسم : لترطيب الشعر
زيت القرنفل : لنعومه الشعر
زيت النخاع :لغزارة الشعر

اما حمامات الكريم : ففائدتها المرجوه تنعيم الشعر فقط والكريمات الطبيه بعضها يغذي الشعر لكن يفضل الزيوت الطبيعيه لتغذية الشعر

لذا كما نصحوك الاخوات امزجي بعض من الزيوت المفيده مع حمام كريم جيد وادهني بهم شعرك
تحصلي الفائده المرجوه بعون الله

ب

بنت المهري

عروس مشاركة

12-11-2006 | 10:10 AM

مرحبا الغاليه
عليج باستخدام حمام زيت فاشكول بالثوم رووووووعه للشعر..
طبعا اسبوعيا ادهني شعرج بالزيت اللي تردينه بس اهم شي العنايه عسب مايجف شعرج ولو اني ماانصح بصبغ الشعر لانها الدمر الشعر..

.

..M!ss-P!nk..

مشرفة سابقة

13-11-2006 | 05:59 AM

[glow=FF6699]

نارنج ..(f)

ياقلبي انتي تسلمين ماقصرتي والله

هدويه ..(f)

انا استخدم دوف للشعر المصبوغ مدحته لي اللي
صبغتني قالت انه يثبت اللون وانشالله ادور
على اللي قلتي لي والله ينفع به
تسلمين ياقمر الله يجزاك الجنه

qmr ..(f)

ماقصرتي الله يعافيك على معلوماتك
حيل فادتني

بنت المهري ..(f)

تسسسسسسسسسلمين يارب
[/glow]