لا يرد القضاء إلا الدعاء**قصة ولادتي**

نكــــــــــــــــــــمل..
ايه ما قلتلكم .. وحنا في الطريق للمستشفى كنت اقول لزوجي : من هالحين ترا ما ابغى عملية .. واذا قالو عملية برجع البيت...لان الدكتورة معطيتنا موعد العملية ع الاثنين
وهو يظحك ويقول لا انا متفائل انه اليوم بنشوف ولي العهد ، وطبيعي بعد:up: .. وانا اقوله شلوووووووون؟؟؟؟!!:no:
المهم .. وصلنا هناك وجت اخذوا الحرارة والضغط .. وفحصت الدكتورة وقالت انه عندي الرحم مفتوح2سم!!!!!!!
انا هنا ما ادري افرح ولا ابكي ؟؟!!وما عرفت شبيصير فيني ..:eek2: :eek2:
ما دريت الا جت النيرس وقالت يالله انتي ماما اليوم ترقيد ومسكت ايدي بتحط الابره .. انا شفت الابره غمظت وقلتلها ما يحتاج تحليل روحي شوفي الملف مليان تحاليل<<وحده متعقدة من الابر:angry:
قالت لا هذا حق المغذي حق ولادة ماما..
في الوقت اللي كنت انتظر فيه انهم ينقلوني من الطوارئ لغرفة الولادة قعدت ادعي وادعي حتى اني من الخوف نسييت بعض الايات حقت المعوذات
وجاني زوجي ,,وعيونه كلها خوف وامل بنفس الوقت..وقال يالله شدي حيلك هذاهم يجهزون الغرفة فوق (اللي بنام فيها لا ولدت)،طلعوني بعدها غرفة الولادة وحطولي جهاز التخطيط
انا كنت ابغى الدكتورة اللي متابعه حالتي تجي تشوفني واسمها(سناء)بس للاسف كنا 12ونص الظهر ودوامها مخلص..قالولنا رح تجي 3ونص او4..
انا كان الالم يروح ويجي بس مو منتظم وكأ نه خف شوي..وهديت شوي وتوكلت على الله وقلت انتظر الدكتوره تجي..واشوف شيصير:(
تقريبا 1ونص جت طبيبه ثانية فحصت وقالت انه 1 ونص بس..قلتلهم فكوا التخطيط عشان امشي شوي..وقعدت امشي في قسم الولاده وادعي واناظر قسم الولاده واقول لنفسي شكلي ما بولد هنا:(
وانا امشي كان فيه وحده من دخلت القسم وهي تصيح من الالم واحسب انها بتولد خلاص:mad2: قالتلي النيرس انها بكر وعندها الرحم مفتوح 7 سم و موراضي يزيد واسمعها تصيييييييح عليهم "ابي عملييييييييييه ،خلاااااااااص سوولي عمليه"!!قلت سبحان الله احد ما يبي العمليه واحد يصيح يبيها
المهم..بعد ما مشيت صارت الساعة3تقريبا ..زاد الالم علي وصار الصراحة مؤلم ويعور فحطولي جهاز التخطيط..وكان يقيس الطلق والنبض حق الجنين ..والشي اللي كان يتعبني انه كل ما زاد عندي المغص قل نبض الجنين وقعد الجهاز يصفر:rolleyes: طووط طووووط طووط..:rolleyes: انا هنا تذكرت ولادتي الاولى بالضبط نفس الوضع قل نبض بنتي بالتدريج لين خلاص تعبت و حولوني عملية.
لكن الحين كان نزوله معقول لحد ما فجأة نزل وصار له هبوط حاد ورجع مره ثانية أنا شفت النيرس اختبصوا وقالو كلموا الدكتوره سناء كلموها....:cry: :cry: :cry: ،قلتلهم خلوني امشي عشان يتحرك الجنين ..قمت مشيت شوي وقلت فرصه اصلي قبل ما يسوون فيني شي ،توضيت وصليت وانا ع الكرسي جمعت الظهر والعصر..ودعيت ربي التيسيربعد شوي جت وحده تبي تفحص اقالها وتدخل ايدها وتعورني...عرفت انها تبي تسوي شي ,,يا توسيع او تفتح الموية-خبره من قصص المنتدى:) -فصرخت عليها لححححححظه لا تسوين أي شيييييي خليييني.:angry: .قالت بفتح موية الراس عشان الطلق ومدري شو،قلتلها لااااااا لين تجي الدكتوره سناء..وبعدين انا احتمال ولادتي قيصرية فماله داعي تعبيني واتعبين نفسك:pain: ،،حاولت تقنعني بعدين قالت خلاص على راحتك وخلتني ...اوووووف فكه
على الساعه 4 جت الدكتوره سناء اخيرا ما بغت تجي..جت عندي وكأنها معصبه شوي أنا مادري شسالفه...:ss: :ss:

قالتلي "بلهجتها العراقية" ها يا (...تفاحه...)إنتي تريدين تولدين طبيعي لو لأ؟؟قلتلهاإلا طبعا..
قالت عيل ليش ما خليتيهم يفتحون المويه>>>اثاريها موصيتهم يوم كلموها
قلتلها لا..لانه اذا راحت الموية والرحم ما انفتح يتعب الجنين وتسوولي عمليه اليوم(السبت)مو الاثنين زي ما اتفقنا
قالت من قال انه الاثنين..اذا حاسة بولادة اليوم نسويلك العمليه اليوم بس خلينا نفتح الموية ونعطي الرحم فرصه،واذا ما تبين على راحتك بس كا اقدر اخليك تشغلين غرفة ولاده وانتي ما فيك طلق ولا شي مثل هالي يمج تصارخ.
قهررررررتني
قلتلها انا الصبح كان مفتوح عندي 2سم ،قالت مو2سم1ونص..لكن هو يختلف من يد ليد>>>تحطييييم
قلتلها خلاص بروح البيت قالت كيفج بس اي شي يصير يكون على مسؤليتكم..ورح اكتبلج ورقه توقعين عليها.. انتي يا (..تفاحة..)خلاص بعد صار النقاش ماله طعم وياج<<<ارتفع ظغطها مسكينه
هنا دخل زوجي لقسم الولاده وقعد يكلم الدكتورة في مكتبها،وانا في الغرفه اعصابي تلفاااانه ومحتاره بس ودي ارووح البيت
دقت علي امي تبي رقم غرفتي لانها هي وابي عند المستشفى واتفاجأت يوم قلتلها انتظري يمكن ارجع البيت
الكلام هذا كله كان على المغرب
ما اطول عليكم...وافقت الدكتوره بالاخير انها تخليني بالمستشفى هالليلة تحت الملاحظه وما تسويلي شي لين الصبح
اذا كان الطلق زاد والرحم انفتح اقل شي 2سم عطتني طلق صناعي مع المغذي والحمد لله .واذا لا سوتلي عملية

نكمــــــــــــــــل
اتفقت مع زوجي على هالكلام.. ورحنا للغرفة .. ولقيت هناك امي وابوي ينتظرونا.. وامي جايبة القهوة والتمر-كانت صايمة-فجلسنا المغربية نسولف وانبسطت وارتحت شوي يوم شفت نفسي بين امي وابوي وزوجي..وقلت الحمدلله هذي اكبر نعمة اني بهاللحظات القى اغلى الناس حولي:shy:
ما اطول عليكم..
صليت المغرب.. وعلى العشا اهلي راحوا.. وزوجي قعد عندي لين آخر الزيارة..
بعد ما خلاني بشوي جت الدكتورة(سناء)مرت علي..ولقتني نايمة..انا صحيت لقيتها قدامي:eek: ..وقامت تظحك تقول ها حبابة ؟نايمة!لو فيج طلق ما نمتي.. لكن ريحي ونامي .. بكرى وراج قعده من الصبح وشغل.وراحت
أنا طبعا طار مني النوم قمت صليت العشا وقعدت امشي وادعي ربي بولاده سهله،ومرت على هالليله مادؤي شلون مرت:cry: :cry: :cry: :cry:
كنت كل مره اروح دوره المياه اشوف اشياء غريبه ,,وتزيد مع الوقت ،والالم يروح ويجي
جهاز التخطيط كل ساعتين وهم شابكينه
وانا غرفة العملبات ما تفارق عيني:no:
وأكثر شي يشغلني : هل اختار بنج عادي أو بنج نصفي...
سامحوني على الاطاله بس تعبت ..
نكمل في اقرب فرصة