اتوقف عن المتاجره في المنتدى

مــــرْوَد 11-11-2006 18 رد 311 مشاهدة
م
السلام عليكم

بعد تفكير عميق....

وبعد ما لاقيته من بعض بنات عروس..من عدم الجديه..

وبعد التعب و الاجهاد...والخساير بسبب استهتار بعض البنات..

قررت ان اتوقف عن المتاجره في المنتدى..

لكنني باقيه كعضوه عاديه...ولاء وحبا لهذا المنتدى الرائع و حبي لمشرفاته المجتهدات..

اطلب من المشرفات العزيزات مسح اسمي من قائمة التاجرات

وشكرا
د
افـــــــــــــــــــــــــــــــا...يا اختي...لا تستلمين والتجاره لازم يكون يها هالشي ..والتجاره مثل ما يقولون شطاره...واصبري وان شاء الله الله بيفتحها عليج يا رب...
ع
فديتج
لاتزعلين منهم ترا تحدث في عند جميع التاجرات

واايد يردوون المندوبين البضاعه وواييد ترمى البنيه رمسه مثل غالي ؟؟

شو انتي تركضين وتطلعين شراتنا اففففف ما تحسون بهالتعب

ولا اللي تحشرج ابي وابي وما طرشتو الطلبيه طيب في ظروف تستوي الشحن يطلع غالي او

جمارك وغير الاتصالات

لكن دووم في بنات كلهم ادب وذووق

وصج يخلونج تحبين التجاره منهم



اختي خذي فترة راحه

وغيري نشاطج التجااري


والله يوفقج





الدفعــه الثانيه مـنـ ξكســسوار القـــدم لغواني الإماراتξ ξ

د
لا تتضايقين اختي ...

التجارة جذي الوحدة فينا تبي بضاعه وتحب تشوف سعرها اذا عجبها السعر بتشتري ...واذا ما عجبها بتحاول انج تنزلين في السعر واذا ما نزلتي ...بتروح عنج ...

هاذي هي التجارة والتجارة يبي لها صبر ..وطووووووولة بااااااااال

الله يعينج ويوفقج وان شاء الله تربحين اختي
!
لا تتضايقين اختي ...

والله يوفقج ويرزقج من واسع فضله
ا
السلام عليكم
اختي وااااايد بنات عندهم حب الفضول و يسؤلون عن اشياء ماقرروا انهم يشترونها و لكن بس يبون يشوفونها و هذا متعب للتاجرة وااااايد

و ارجوا منك اختي انك تتحملين شسوي يمكن التجارة الي بادية فيها مجرد تمضية وقت لك علشان كذي يوم شفتي المضايقات خليتيها عنك و لكن لو انها مصدر رزق لك اقول اصبري و لازم في الاخير تنالين الي تبين

يابنات المنتدى و هذا النداء للكل :

اللي تبي تشتري تتواصل مع التاجرة و الي تبي تشتري 5% و مو متاكدة 50 % ارجوكم لا تبدين اي اتصال مع اي تاجرة لي تكون الرغبة 100% للشراء

ها الكلام للي بس يتسلون اما البنات الي فعلا يبون يشترون و لكن طلع السعر غالي عليهم و لا البضاعة مو مثل ما تخيلوها هذا بعذرهم و مو مشكله لان التجارة كذي

السموحة يا بنات و لكن اعذر اختنا على قرارها لان التعب الي تتعبه التاجرة محد يتصوره

السلام عليكم
ب
لا تضايقين نفسج يالغلا
D
لا تطلعين يالغاليه و اثبتي لهم انج قدها ...

و ما عليج منهم .. محد منا ما واجه هالاشياء
ل
أختي أصبري
والله يفتحها في وجهك من أوسع أبوابه
موفقه دنيا وآخره
غ
اختي العزيزه انا اول وحده والله من الجادات في الشراء من اخواتي في الله بس اكو بضاعه غاليه
جدا واكو رخيصه واكيد اي مشتري يحب يتعامل مع التاجر واكو بعض البنات ما يعجبنهن شي. وانا حجزت بضاعه عند بنت من المنتدى بس تعرفين على حد لان ما ردت عليه ولا عبرتني حته في رساله خاصه حته اقدر اتفاهم معها وهذا حز في نفسي

اختي المحترمه مو بس انتي حته في المحلات اكو ناس تطلع الروح تتعامل معاج هههههههههههه
وبعدين ما يعجبها شي

اختي والله الله سبحان وتعاله راح يبارك في بضاعتج بس انتي اشوي تحملي وبارك الله بيج

بس اني ما شفت شي من بضاعتج يالغاليه ياريت نشوف :shy:

تحياتي لكي
h
اختي الغاليه
انا لا اعرفك ولم اتعامل معكي كزبونه ولكني لمست فيكي الإخلاص ونعومه الإحساس
ومن يكون بهذه لمواصفات يتعب لانه لا يتوقع ما يحصل من البعض
اختي استمري وانا معكي ان شاء الله ويشرفني التعامل معكي
ص
دهن_الــــورد:
افـــــــــــــــــــــــــــــــا...يا اختي...لا تستلمين والتجاره لازم يكون يها هالشي ..والتجاره مثل ما يقولون شطاره...واصبري وان شاء الله الله بيفتحها عليج يا رب...

بالمثل
س
اختى ما تزعليش نفسك هى التجارة كدة
د
لا حبيبتي..

ما يصير عند اول مشكله نعلن عن استسلامنا..

اتمنى تغيرين رأيك...
,


تفاجئت صراحه من قرارك وعذرتك في نفس الوقت

لكن زي ما قالو لك الاخوات جزاهم الله خير ماقصروا

لاتستسلمي ابد وكملي مشوارك بكل همه وسعه صدر

وكل هذا لك فيه اجر ان شاء الله

اكيد شيء مايرضي احد 00الاسلوب هذا

فيه ناس وللاسف ماتقدر ان الواحد يتعب ولا تصدر منها حتى كلمة شكر

كملي بارك الله فيك ولا تزعلين نفسك

في رعاية الله
م
تسلمن خاوتي على الرد و التشجيع..

وانا مندوبة فولك...و رجعتها للتجاره عندكم...غصب عنها ..هههههه

لانه جد بضاعتها جدا مميزه...وانا ماخذه منها 6 شنط من منتدى ثاني ومن شفت الجوده و انها ما تفرق عن الاصليه بشي مره....

و تعرفت عليها و لصدقها و امانتها في التعامل...حبيتها

تخيلوا امناتها و صدقها لاي درجة...لدرجة انها شافت شنطه من الشنط السته شوي الخيط طالع من طرف الخياطه تحت قاع الشنطه....قالت لي الفنشنج مب عدل و انها ما راح ترسلها لي و بتطلب لي غيرها او بترجع فلوسها..قلت لها صوريها اشوف...و شفتها مجرد خيط بسيط ...يتقطع عادي و ما يبين مكانه....ضحكت عليها قلت لها هذا شي عادي حتى في الشنط الاصليه يستوي جيه...يحليلها

وايد حبيتها....و طلبت منها اني اكون مندوبتها عشان اساعدها تسوق لبضاعتها عشان ظروفها ما تسمح لها انها تسوقها حاليا...

ربي يزرقها من حلاله و يقوم ابوها بالسلامه
ل
عزيزتي اكيد بضم صوتي للبنات


صحيح فية بنات يلفن ويدورن ويحسسونج انهم جادين الف بالمية وخلاااص احجزي هالشغله لهم وعقب .. لا مشكورة ما نباها .. او ما يردون عليج خبر خير ادقين تلفون وكل شي وما يردون عيل ليش مطرشة البيانات ورقم التلفون يوم انج ما تردين .

وفية بنات واللللللللله العظيم تحطينهن عالجرح يبرااااا .. أقول ما شاء الله عليهن.

وحاولي اثناء طرحج للموضوع تحطين كل التفااااااصيل وانا اسيو جية عشان ولا وحدة تستهبل وتقولي من شوة الخامة او اي سؤال .

وقوليلهن بعد التفاااصيل الا تبا تراسلني ببياناتها واللي بياناتها ناقصة ما برد عليها.

والتجاره لازم فيها خسااره .. وشدي حيلج ومكانج محفوظ وموجود
ر
التجارة , امانه اول شي وصدق في المواعيد بالنسبة للتاجره ,
وصدق في الشراء من قبل المشتريه ,

والعقد شريعة المتعاقدين , وما يصير ابدا أن يخل طرف بشروط العقد ,

لكن للاسف وبدون زعل احنا عرب عشان كذا بعضنا مواعيدهم تتغير حسب تغير المناخ :)

انا كزبونه دفعت لتاجرة هنا 1900 ريال والوعد بيني وبينها كان من قبل اسبوعين تقريبا ,
للاسف لم استلم بضاعتي الى الآن !!

وكنت ابيها للعيد , بس مو مشكله نخزنها للعيد الجاي ( عيد الفطر)!!

لا تيأسي اختي , انتِ فقط غيري اسلوبك بحيث تحفظين حقك وحق زبونتك
وكل ما مريتي بسلبيه , حاولي تستبدلينها بايجابيه افضل منها واستفيدي من خبرة التاجرات القديمات هنا ذوات الخبره

تمنياتي لك بالتوفيق
b
ما عليه اختى العزيزة كلنا صارت فينا هاي الاشيا البنات يطلبون ومع انهم يعرفون انه نحن مندوبات يقلون طلبي وبع ما ياكدون بالتلفون وكل شي وتوصلو البضاعة اتصل فيهم واقولهم ترا وصلت البضاعة بس اتاكد من الا طلبته تقول لا خلاص غيرت راي وما يدرون انه يكلف علينا لذا ارجو فعلا من البنات الا يطلبون ما يغيرون رايهم لانه مثل ما هم يشترون ترا نحن بعد نشتري ونخسر ويا ريت يعرفون كم نحن نعاني خاصة من البيايعن الا ناخذ عنهم كمندبات او غيرة
X