ما قول الا وداع الله مشكوره <<روايه من وحي خيالي..حياااكم

السلام عليكم ورحمة الله وبركاته ..

ممم الصراااحه انا من عشااق الرواايات..
مم وكتبت رواايه وبغيت تكون اول منتدى اطرحها به منتدى عرووس واشوف راي خواتي فيها ..
فالبدااايه اتقبل راااايكن بكل صدر رحب واتمنى انكن ما تبخلن عليّه بتعليقاتكن اللي ممكن تفيدني ..

ما بطول عليكن وبخليكن ويا القصه..

::الجزء الاول::

وسـط الاهل والاحباب والربع وسط الضحكات واليبااب ..
تدخل ملاااك بشكلها وطبايعها وطفولتها ملاك ببرائتها العفويه ..
تدخل وهي تعلن عن رحييل حب عذري دام 14 سنه ..
تدخل وهي تعلن انها صاارت ملك لغيير غنااهاا..
تبتسم ابتسامه مالها معنى ..وقلبها يتقطع فالثانيه الف مره ..
تطالع ويوه امها خواتها بنات عمها وبنات خالتها وربيعاتها ..يزفوونها لقدرها ..
يزفونهااا والفرحه ماليه قلبهم ..
مشت ساره وهي تسحب ريولها بالقوه ..ودهااا تنهي هالحفله مخنووقه وحاسه بالموت ..

اخيرا اخيرا وصلت الكووشه ..يلست عالكرسي اللي بطرفه الثاني بيكون مطرح واحد غير غناها غيير اللي تمنته غيير اللي عاااشت بقربه الحب العذري ..حب الطفووله ..

سااره تتصارع صرخاتها المكتومه مع ضربات قلبها الحزينه:آآآه يا حارب ..شوه حالك الحينه ..سامحني يا حارب سامحني انا ما استاهلك صدقني ما استاهلك ..ودااع الله يا حب حااارب وداع الله ..

نزلت دمعه حاااره على خدها ..
وفجأه عصبت المصوره ..

جاسيكا : مدااام دووونت كراااي يور ميكب ..
يت عليا اخت ساره الكبيره : سااروونه حبيبي لا تصييحين مب وقته بيخترب ميكبج وبعده ريلج ما حدر..

ساره ابتسمت ومسحت دمعتها ماكان لها بارض شي ..
ساره بخاطرها :ريلج ريلج ريلج هه..

وعقب دقاايق قربوا الاهل والربع والحبايب يسلمن عليها ويباركن لها ويتمنن لها حيااه كلها سعد وافرااح ..
فطوم اخت ساره الصغيره: سااره فدييتج وديه احضنج بس اخاف تخترب الكشخه ..والله ملااااك ماشاء الله عليج..
ساره : ههههه تسلمين والله انتي الملاك حبيبي..
راحت فطوم عن ساره..
وعقب ساعتين من الاغاني والرقص وجو الفرح اللي جمع هل بوظبي والعين ..واللي ماعاش هالفرح اثنينه حارب وساره ..

اعلنوا دخوول راشد ..

ساره : راشد بيدخل ااااه ياربي ابااا امووت ياربي دخيلك خذ روحيه قبل ما يدخل راشد القاعه ياربي دخييلك مابا اعيش هالعذااااب يارب يا كرريييم ..

لكن طبعا لا حياه لمن تنادي ..

دخل راشد القاااعه والفرحه شالتنه اخييييرا بيعيش ويا اللي تمناها حليله له ..(مسكين حالك يا راشد ما تدري انها ما تباك)

ودخلوا خوان ساره وخوان راشد وتموا ايولون والفرحه شالتنهم كلهم ..

راشد يهمس بأذن ساره : مبررووك يا احلى عروس ..الصراحه طيحتيني بالجمال فدييتج والله ..

ساره اكتفت بأبتسامه و بخاطرها:بذبحك مااااداانيك وينك يا حااارب وين ..

1:55 الصبح ..

الكل روح وتموا الاهل فالقاعه بس ..

عليا تقربت صوب راشد وساره :مبرووك عليكم بعض ..

راشد وساره ويا بعض : الله يبارك فيج ..

عليا : يالله نشوا الحينه فوق الحجره عشان المصوره تبا تصوركم وخلاف تاخذون راحتكم ..

راشد : ماعليه سرينا ..

ونشوا راشد وساره للحجره ..

ساره بخاطرها : ياربي كيف بعيش وياه فبيت وااحد كييف..

وصلوا الحجره وهي ميته من القهر لانه المصوره كان تخليهم يسون حركات وساره مب طايقه لمست راشد ..
3:00
خلصت المصوره التصويير واخيييرا ..
راشد بخاطره : اخيرا بختلي بحرمتيه..ااه يا ساره عنديه كلام واايد وديه اقوله لج..

ساره كان قلبها يتقطع وودها تبوس ريول المصوره عشان ما تسير ..لانه ماتم حد غيرها هي وراشد بالحجره ..

Stoop..
الحينه بقول لكم شويه اشيا يبالها توضيح ..

ساره :عمرها 19 بنوته مزيونه وحبووبه وجمالها يشهد عليه الكل ..نسخه من اختها المرحومه رييم ..ريم ماتت بحادث ويا الدريول يوم كان عمرها 22 سنه ..كاانت ريم رووح راشد وقلبه صار الحادث وهوه بلندن كانوا يعشقون بعض عشق مب طبيعي ..
راشد اتأثر وايد بوفاة ريم عاف الدراسه والاكل والشرب والنوم كان الكل يقول انها راشد خلاص مينون مينون ..حاولوا وايد وياه لكن بدون فايده ..واللي صار انه ساره راحت تزور سلامه اخت راشد فالبيت اللي هي كلووز ويا ساره يعني وياها الروح بالروح ..وراشد كان ظاهره من حجرته بالصدفه وشاف سااره عقب ما كبرت لانه ماكان يختلط وايد ويا عيال عمه وبنات عمه وتخيلها ريم لانها فعلا كاانت تشبه ريييم بكل شي ..حبها وقرر انه يعوض حب ريم بساره ..

وتقدم لها وطبعا اهلها ما اعترضوا وماعطوها فرصه انها تقول اللي بخاطرها ..
وحتى لو قالت ..ما تقدر تقول انها ما تباه وان حارب هوه حبها الوحيد ..
راشد كاان السبب في فرااق ساره وحاارب..
وو اللي زاد الطين بله انه راشد عمره 29 سنه يعني كبير وساره صغيره ..

الحينه ننتقل لحااااارب اللي كاان بالعرس كله ايوول وهوه ميت حزن جسد بليا رووح ..حارب من عقب ساره ودر السوالف البطاليه وودر ربعه وودر المغازل كانت حياته ساره ..

كااان دوووم يمشي بدربه وهدفه سااره ..وآه لا ضااع حلم سنين بليله ..

رد البيت ..وحس انه بيموت لا تم زود فالبيت ..كل زاويه فالبيت تذكره بساره ..كل زاويه فيها موقف صار وقرب الاثنين لبعض اكثر..

ظهر من البيت ودمووع حااره على خده دموع الم وعذاب دمووع خسااره وهم ..

مشى بسيارته وهوه ما يعرف لوين ساير ..
وعقب نص ساعه ..وصل شاطئ الراحه ..
نزل وهوه بخاطره ينساها لثانيه ..
يلس عالرمل وتم يلعب به بأيده ..وقلبه يذوووب كالشمع من النار اللي فيه..
تذكر يوم كان يطرش مسجات لساره وهي تعصب عليه لانها ماكانت تبا حد يكتشف حبهم ..
طلع تليفونه وهوه يعرف انه ساره غيرت رقمها لانه راشد عطاها رقم يديد..

طرش مسج لرقمها الجديم وكتب فيه ..(ماقول الا وداع الله مشكوره شوفي حياتج وعيشيها على كيفج ..عاشق فاقد غناته: حارب )

غلق تليفونه وهوه يعرف انه المسج ما بيوصل لحد ولا حد بيرد عليه غير طيف ساره ..

رد ركب مووتره وتحرك من الشاطي ..

الحال عند راشد وساره ..

ساره يالسه عالكرسي وموخيه راسها ..

تقرب منها راشد وكان يحس بنفسها من شدة قربه لها ..
رفع راس ساره بصبعين وهوه يتخيلها ريم مب ساره ..
لكن اللي صدمه دمووع ساره ..

راشد بخوف : ريم غناتي شوه فيج؟
ساره : تركت العنان لروحها انها تصيح ..
راشد حضن ساره : ليش تصيحين خبريني حد مضايقنج ..
ماكانت ساره تبا تجرح راشد وتدزه وتقوله انها مب طايقه لمسته ..
سحبت روحها ويلست عالكرسي الثاني وزاد صياحها ..
تم راشد واقف مكانه منصدم شوه اللي يخليها تصيح جيه بليلة دخلتها ..
سار راشد وتقرب من ساره وزخها من كتوفها وبحزم : اقولج شوه فيج ردي عليّه ..

ساره بحزن والم : شوه اللي بغيته مني يا راشد شوه ..والله انا ساره مب ريم ..حراام عليك راشد تهدم حياتي عشان حلمك اللي راح ..ريم الله يرحمها لو كانت عايشه ما كانت بترضى باللي تسوييه في اختها..

راشد بعصبيه : وانتي منوه قالج اني ماخذنج عشان ريم وريم ما يخصها بالسالفه ..

ساره : الكل يعرف انك كنت تعشق ريم وما تروم تقول غير جيه ..ما شفت حالتك من عقبها ..
واكبر دليل انك الحينه قلت لي ريم غناتي شوه فيج ..وما شفت فاارق العمر اللي بيننا من قبل لا تخطبني انا تونيه 19 وانته 29
طاحت على ركبها وهي تصيح او بتموت من الصياح ..
وراشد واقف مكانه منصدم ..
راشد بخاطره: آآآآه يااا ريم كل هذا انتي تسوينه فيني..صدق حرام عليّه شوه ذنبها ساااره ..هي صغيره عليّه ..وانااا ما يحق لي اخليها تعيش بعالم ريم ..خليتيني آخذ ياهل عشان اتمين بقربي..

رد يتأمل ساره ..ودخل الحجره وبند الباب..

تمت ساره بالصاااااله وهي تعبااانه بس بنفس الوقت حاسه براحه كل شي بخاطرها طلعته ..

تسبحت وبدلت ملابسها وسارت تصلي ركعتين لله ..يمكن ترتاح بعد وترقد ..

لكن شوه اللي يخليها ترقد وراشد دخل الحجره والجو بارد وماشي لا لحاف ولا شي

ساره بخاطرها : صدق ماشي ذوق حتى ما عطانيه لحاف ..

انسدحت عالسوفه وتلحفت بعباتها ..وتمت تفكر بحياتها ويا راشد ..

ساره : معقوله يا ساره حياتج بتكون شرات الروايات اللي تقرينها ..معقوله بتعيشين بالعذاب اللي يكتبنه الكاتبات اللي يصيح كل من يقرا قصة الراويه..
مستحيييل مستحييل هاي مجرد قصص من وحي الخيال مالها مكان بالواقع

تمت الافكار تتصارع براسها ..ومن التفكير تعبت ورقدت ..

الساعه 5:9

نشت فطوم اخت ساره وشافت مسج بتليفونها ..
فتحت المسج وقرته (ما قول الا وداع الله مشكوره شوفي حياتج وعيشيها على كيفج ..عااااشق فاقد غناته :حارب)

تمت فطوم امبهته بشاشة التليفون حاارب ماغيره حارب بن عميه كان يحب ساره ..وساره كيف تخلت عنه لو يحبون بعض ..شوه اللي صاير بالدنيا ..
يعني انااا توقعاتي كانت كلها صحيحه مواقفهم الاثنينه كاانت عفوية حبهم ..توقعاتي كلها بمحلها ..
وبدون تفكير وبلحظة تسرع طرشت فطوم مسج لحارب وكتبت فيه ..(كـلـن يــاخــذ فــي حـيـاتـه نــصــيــبــه ..فطووم)
كان حارب منسدح عالسوفه بالصاله ويفكر بحياته من عقب ساره كيف بتكون ..
تعب من التفكير وتعب من الهم والعذاب ..
خذ تليفونه وغترته وسار حجرته يرقد ..على امل انه ينش من هالكاابوس الاليم..

تمت فطوم سهرانه تفكر وتفكر كل شي بهاي الدنياا غرييييب ..
مسكين حالكم يا حارب وسااره ..

Stoop..

الحينه بنرمس شويه عن حارب وفطوم اللي ما رمسنا عنهم ..

حارب :عمره 25 يجنن بمعنى الكلمه سبحاان الله تحسه كامل والكمال لله جسم وجمااال وعيوون وساعي وخشم سيوفي ..كانوا البنات يترابعون وراه من زود جماله ..هوااايته الشعر والخييل ..كانت كل اشعاره باسم ساره ..
من عقب ساره صار عاشق للقصيد والشعر ..
حبهم كان من الطفووله..لكن انتهى من عقب هالمده ..

فطوم :عمرها 18 مزيوونه وعليها جسم عارضات ازياء جمييله جمال الهنديات عكس عليا وساره وريم ..فطوم كان جمالها غيير غيير غيير ..كانت انساانه شفاافه رقييقه بمشاعرها وطيبتها كاانت تجذب الكل ..ساعات من جمالها ورقتها والنعوومه يتخيلونها فراااشه ..دلوعة امها ابوها من عقب ساره ..ماكانت وايد ويا ساره ..بس كانت وايد ويا رييم ..ومن عقب ريم عافت كل شي ..
مم اعتقد الجزء الاول يكفي ..
مم شوه تتوقعون ردة فعل حارب من المسج اللي طرشته فطوم ..؟
كيف بتكون حياة ساره وراشد بيكملون ويا بعض ولا كل واحد بيروح بحال سبيله ..؟
فطوم شوه موقفها صوب حارب من بعد ما اكتشفت الحقيقه..؟بتحبه ..؟
واذا حبته هل حارب بينسى حبه لساره ؟
لمتى طيف ريم بيتم يلاحق راشد؟
شوه موقف راشد من كلام ساره الجااارح؟

والسمووووحه ..