زوجك...وجسمك قبل وبعد!!

[grade="4B0082 FF6347 008000 4B0082"]هلا حبيبتي شهد:
حبيت ارد عليج وموضوعج حلو وشيق/ بالنسبة لي انا عندي ولد عمره سنة و8 شهور وولد الحين عمره 3شهور ونص، في ولادتي السابقة، صار جسمي بامانة مو حلو وطلعت لي كرشة وما رضت تخف وحملت على ولدي وهو عمره 7 شهور فما لحقت اسوي شئ، في ولدي الثاني بعد فيني كرشة بس هالمرة شادة حيلي ، علشان مأجلة سالفة الحمل لمدة سنننننننة ونص ، ابي ارتاح تعبت ابي اشوف حالي شوي وخاصة اني اشتري أثاث لبيتي فمو فاضية لسالفة الحمل وعيالي صغار وايد، بالنسبة للرياضة والحركات الجسم اشتريت جهاز ب2000 للمشي بالكهربا ومفيد جدا وغير تمارين الكرش، بالنسبة لنعومة وبياض جسمي ، والله مو مقصرة فيه، حتى مسوية جدول على طول متى سنحت لي الفرصة اني اسوي تنظيفات ( حمام مغربي بالاعشاب+ تنظيف بشرة= الادوات كلها من نيتروجينا وانشاء الله الحين بروح مول الامارات بروح اشتري ادوات تنظيف ثانية+ منكيور وبدكيور = الاداوت من البودي شوب وماراكات ثانية+ بالنسبة لشعري الحين بدأ يطيح لأن ولدي دخل ال4 شهور فمسوية له خلطة الحلبة والزيت وبستمر عليها= اسوي حمام بخار لشعري واسوي بحمام زيت من لوريال شاريتنه من فندق المريديان وسعر العلية 70 وصغير وايد ما يسوا بس علشان الجودة الفلوس تهون)
جسمي صار احلى الحين من ناحية الوزن الرشاقة افضل من قبل ، صراحة قبل كنت ضعيفة وايد وزني كان 49 الحين وزني 59 اوكي بالنسبة لطولي ، لأني زاد وزني شوي فانشدت بشرتي وصرحت احلى ، بس الكرشة هذي..


والحمد لله مهما شو كان شكلي ريلي فديته يقولي انتي بنظري احلى البنات[/grade]