علاج للجسم اللين المترهل!!

ع

عضوة

10-11-2006 | 02:55 AM

السلام عليكم ورحمة الله و بركاته

اشحالكم خواتي ان شالله طيبات

ما أعرف كيف ابدا بالموضوع

أنا في فترة المراهقة كنت مليانة

و لما تعديت هالمرحلة الحمدالله ضعفت

بس المشكلة بعد ما صعفت جسمي صار لييييين جنه جيلي و مترهل

يعني على اللبس يبين حلو بس من غير لبس او اذا بلبس شي عاري يبين

الصراحة تعبت و انا أسوي رياضة ماشي فايدة و وزني مش ثابت امتن و اضعف امتن و اضعف

والله تعقدت بنت في عمري جسمها جسم عيوووز:sad: مع اني في اول العشرينات

الله يخليكم ساعدوني قولوا لي شو اسوي

ما اعرف ربيعتي قالت لي عن خل التفاح و ماي الورد اخلطهم ويا بعض و امسح فيه المناطق المترهلة

ما ادري اذا حد فيكم استخدم الطريقة هاذي و نفعت ولا شو اللي اقدر اسويه بارك الله فيكم

اللي بتساعدني بدعي لها من قلبي ربي يعطيها اللي في بالها

بكون شاكرة لها طول حياتي

ن

نوووسهUAE

عروس ماسية

10-11-2006 | 03:01 AM

استمري على الرياضه في نادي صحي

وارفعي الاثقال

وحافظي على ثبات وزنج

جربي اتسوين جلسات ال بي جي

ب

بقايا جرووح

عروس نشيطة

10-11-2006 | 11:33 PM

السباحة تشد الجسم .... واستمري على الرياضة وخاصة المشي .... واذا تعرفين ترقصين .... لا تحرميين نفسج ... والله بينشد

م

مصدر الحب

عروس مشرقة

10-11-2006 | 11:43 PM

الغاليه جربي جل دوووووف لشد الجسم استمري عليه مرتين في اليوم لمدة شهر ان شاء الله تشوفين نتيجه وايد يمدحونه وبعد الغاليه مثل ماقالو لج الاخوات حافظي على ثبات وزنج دايما اشربي زنجبيل طازج لانه يساعد على حرق الدهون واستمري بالرياضه والمشي بعد خليه شي اساسي في حياتج ... تحياتي لج

ب

بئر الصمت

عروس فضية

11-11-2006 | 04:49 AM

الله يعينك اختي

والله انا نفس حالتك بالضبط

وصار لي اسبوع واني على الخل والماء الورد

ان شاء الله في نتيجة

ع

عضوة

11-11-2006 | 03:05 PM

مشكورين خواتي ما قصرتوا

بارك الله فيكم ان شالله راح اجرب اسوي كل اللي قلتو لي عليه

خيتي روح الفانيلا هذا اللي قلتي عنه هل هو جل و لا صابون سائل

لاني اشتريت شي من منتجات دوووف و جربته بس اذا هالجل شي ثاني اكيد باخذه

بالنسبة للسباحة..للاسف رحت بسجل في نادي دبي للسيدات توقيتهم موول ما يناسبني

لاني يالله اخلص دوام الساعة 6 و ما الحق

و ان شالله المشي برد امشي مرة ثانية و وزني ما اعرف بحاول احافظ عليه مع انه مووول ما يثبت

و بالنسبة للخل و ماي الورد ما اعرف هل له اثار جانبية؟؟؟ و هل هو مفيد ولا شو

لاني امس قبل ما انام دهنت فخوذي و الصراحة ريحته قوية!!

و ان شالله بحاول اطبق كل اللي قلتو لي عليه

لانه صدق جسمي مأساااة

s

serenity

عروس رائعة

11-11-2006 | 09:14 PM

اختي اللي اعرفه ان المشي يساعد وااايد في هالحاله و عن تجربه.. إن شاء الله يفيدونج البنات اكثر "(

ز

زهرة الموت

عروس نشيطة

11-11-2006 | 09:29 PM

رياضة الأثقال 100%
بس لو وقفتي بيرجع كل شي وأخس من اول
الرياضة = استمرار
هاي معروووفة
يلا شدي حيلك
زهرة الموت

م

مصدر الحب

عروس مشرقة

11-11-2006 | 09:57 PM

هلا الغاليه مكتوب عليه دوف جل _ كريم لشد بشرة الجسم
اتمنى اكون افدتج تحياتي لج(f)

ع

عضوة

13-11-2006 | 03:13 PM

مشكوورين خواتي ما قصرتوا

و المشكلة مثل ما قلتوا رياضة الاثقال او الايروبك اذا وقفتها بيرجع اخس عن قبل

و تعرفون الانسان ساعات تييه ظروف ما يقدر يستمر يسوي رياضة طووول عمره

يعني متى ما نقدر نسوي..و بجرب جل دوف ان شالله

و المشي اما متعودة امشي

و بحاول ارجع اسوي ايروبك لما تتحسن صحتي

بس ياريت لو في علاج دايم و فعال

ف

فيء

عروس فضية

13-11-2006 | 03:20 PM

حبيبتي انا أخوي كان مثلك بفترة المراهقة وايد متين بس سافر يدرس برا وضعف حيل

وبشرته صارت مثل الشيوبة .. حتى وجهه كان مجعد وشكله مو طبيعي

بس استمر بالرياضة واللي يشوفه الحين ما يصدق انه كان بيوم من الأيام متين

بشرته رجعت أحسن من قبل

وبقولك نصيحة مجربة وانتي ذكرتيها اللي هي خل التفاح ويا زيت الزيون وممكن تضيفي ماي ورد

ما يضر

ادهني جسمك يوميا قبل ما تنامي والصباح تسبحي

بتحسي بالفرق من أول أسبوع

أتمنالك التوفيق

وطمنينا

:shy:

ل

ليلي الم

عروس جديدة

13-11-2006 | 10:11 PM

هلا اغلا فيك
بصراحه انا ماجربت خل التفاح بس وحده تقرب لي جربتها
وتقول انه شد بشرتها لانها تغسله بماء بارد
وان شاالله تحققين الي تبينه

n

nsync lover

عروس مشرقة

14-11-2006 | 12:44 PM

انا بعد مشكلتي اني كنت متينة تقريباً وزني كان فوق المئة ((بس انا كنت طويلة 170سم) وبعدين ضعفت واستقر وزني تحت ال75... طبعاً كل من يشوفني يقول منيكان.. بس انا متضايقة من الترهل وبعد السترتش ماركس...

انا بطبعي احب الرياضة والرقص... فعلى طول امارسها وتقريباً حتى لما البس فستان سهرة عاري الذراعين يقولون لي ما يبين كثير.... بس المشكلة انا هذا شي نفسي انا اعرفه...

انا بطني مشدود بس عندي كرشة صغيرة... خسااااااااااااااااااااااارة

افكر كثير اني اسوي عمليات شد.... فالللي عندها اي معلومات عن هالعمليات تفيدنة

ع

عذبتوني

عروس مشاركة

14-11-2006 | 05:29 PM

nsync lover:
انا بعد مشكلتي اني كنت متينة تقريباً وزني كان فوق المئة ((بس انا كنت طويلة 170سم) وبعدين ضعفت واستقر وزني تحت ال75... طبعاً كل من يشوفني يقول منيكان.. بس انا متضايقة من الترهل وبعد السترتش ماركس...

انا بطبعي احب الرياضة والرقص... فعلى طول امارسها وتقريباً حتى لما البس فستان سهرة عاري الذراعين يقولون لي ما يبين كثير.... بس المشكلة انا هذا شي نفسي انا اعرفه...

انا بطني مشدود بس عندي كرشة صغيرة... خسااااااااااااااااااااااارة

افكر كثير اني اسوي عمليات شد.... فالللي عندها اي معلومات عن هالعمليات تفيدنة

أنا ما أنصحج اتسوين عملية عسب اتشدين جسمج.. الطبيعي أحسن .. و بعدين في أنواع مساجات حق الترهلات الناتجه عن الضعف بعد السمنة..

اسئلي .. أحسن عن العمليات و نتايجها غير المضمونة

ا

انانونو

عروس جديدة

15-11-2006 | 07:37 PM

السلام عليكم انا سالت الدكتوره الى اراجع عندها قالت ان زبدة الكاكاو تشد الجسم بنسبة10% وتمارين البطن والرياضة المستمرة تشد بنسبة20 % بس تبين شد مرة مرة غير ممكن وان شاء الله اكون فدتك

s

siimo

عروس رائعة

16-11-2006 | 04:27 AM

المشي وايد زين

ع

عضوة

17-11-2006 | 01:56 AM

بسم الله الرحمن الرحيم

هلا و غلا اختي فيء

يعني اخوج كم خذ منه وقت لين انشد جسمه

و المشكلة يقولون اذا وقفتي رياضة جسمج يرد اخس عن قبل

و بالنسبة لخل التفاح و ماي الورد لازم اضيف زيت زيتون

و الصراحة ريحة خل التفاح قوية واايد

بس مو مشكلة اذا ماله اثار جانبية و مفيد بتحمل ريحته

و ان شالله بحاول استمر على الرياضة و اذا فعلا نفع

بكون شاكرة لكم طووول عمري

و بدعي لكم ربي يعطيكم اللي في بالكم ان شالله

ما تقصرون خواتي

و بالنسبة لسائل استحمام دووف انا جربته و للحين ما شفت شي الصراحة

بس ما ادري يمكن يباله وقت لين تظهر النتيجة

ع

عضوة

17-11-2006 | 01:58 AM

خيتي انانونو زبدة الكاكاو هاذي من وين احصلها

و شو هذا اكله و لا ادهنه في جسمي ولا كيف؟؟؟

ن

نوووسهUAE

عروس ماسية

17-11-2006 | 09:30 AM

زبدة الكاكاو تحصلينها في السوبرماركت والصيدليات ومحلات العناية بالجسم مثل بودي شوب

وتدهنينها على جسمك

ع

عضوة

18-11-2006 | 12:07 AM

مشكوورة اختي نوسة ما قصرتي

ان شالله باجر اروح بودي شوب اشتري منها

بس كيف طريقة الاستخدام؟؟؟

يعني كم مرة في اليوم