ساعدوني نخلي المطعم ينجح

~شـــــــــوق~ 09-11-2006 10 رد 285 مشاهدة
~

السلام عليكم

شخباركم بنات؟؟

انا ابي مساعدتكم في طرق تخلي مشروع المطعم مشروع ناجح!!

اذا فتحت مطعم بمنطقة فيها مطاعم...شلون اخلي الزباين تقبل على مطعمي؟؟

شنو الاشياء اللي تخلي المطعم يتميز عن غيره؟؟؟

ناطرة افكاركم ومساعدتكم
س
السلام عليكم ورحمة اللةوبركاتة
هلا اختى شوق بيتهيلى انك لازم تجيبى شيفات على اعلى مستوى لان الزبون بيدور على الطعم الحلو وكمان حاولى تعملى عروض عند الافتتاح
مثلا اللى يطلب طلبية بمبلغ كذا اللى انتى تحديدية يعنى ياخد هدية كذا لمدة معينة صحيح ممكن الموضوع دة يكلفك شوية بس انتى بتعملى كدة علشان بدورى على المكسب البعيد
وكمان لو تقدرى تعملى خدمة التوصيل للمنازل تبقى ممتازة لان اللة هيجرب اكلك ويعرف انة طعمة جنان هيطلب منك حتى وهو فى البيت
اتمنىلكى النجاح والتوفيق
ك
واعتقد الناس يلفتها ديكور المحل وتكون فيه اكلات مميزه عن المطاعم اللي حوله يعني شوفي اكلات ماتتسوا بالمطاعم المجاوره والله يوفقك:salam:
~
بصراحة المطعم صار له مفتوح مدة

وصار اللي قلتوا عليه

عرض الافتتاح

واكله مميز (بشهادة الناس)

بس بعد ما قاعد يمشي!! وانا مو عارفة شنو المشكلة

وما اعرف شنو اللي المفروض اسويه

المطعم كلف وايد

والحين اذا ما نجح راح تكون الخسارة كبيرة

اتمنى مساعدتكم
L
المطعم في اقسام للترفيه؟
مثلا مكان للعب الاطفال؟مثل اللي في السناتر
ويكون في حارسه تراقب العيال،،

الاسعار تلعب دور،،

ممكن تخصصين ركن لمشاهدة التلفاز،،،
مباريات، رسوم للأطفال،،،اي شي

في ركن للعائلات؟

في عروض؟هدايا مع وجبات الاطفال

اشيا كثيره ممكن تجذب الزباين

اذا يتني افكار برد اقولج،،،

بالتوفيق اختي،،
خ
حاولى تخفيض بعض الاسعار علشان تجذبى الزباين
زيدى من اعلانات تعرفسواء فى الجرايد اوتعرفى الاعلانات المطبوعة الى تتوزع فى السيارات

سوى اعلانات للمدراس علشان بعملو حفلات اعياد ميلاد عندك فى المطعم

صالة العائلات فكرة حلوة ومكان للعب الاطفال
u
قدمي اكلات بحرية لان الناس وايد تقبل عليها وبعد سوي عرض مثلا الشخص الي بيطلب شي يطلعلة شي فري مجاني يعني واكثر شي الناس تحب الخدمة السريعة والسندويشات وايد تنطلب وحاولي توفرين اكلات مايفرونها المطاعم الي جنبك ووزعي دعايات للمارة من الناس وان شاء الله الله يوفقج
غ
الغاليه انا اعرف مطعم في راس الخيمه قالو لي عنه خصصي يوم يكون فيه بوفيه والشخص الواحد 25 درهم

وان شاء الله بيكون عندج زحمه وااااااااااايد


هذ ا راي :)

والسموحه منج
~
مشكورين خواتي على ردودكم واقتراحاتكم

راح اجرب وانشاءالله اطلع بنتيجة

ادعو لي
ل
حبوبة أهم شيء يكون الاكل لذيــــــــــــــــذ ونظييييف

وركزي على ديكور المحل سوي اشياء غريبة

وسوي قسم عائلات .... وخدمة توصيل جدا مهمة


وسوي اسعار خاصة للمدارس والكليات اذا ياخذون من عندج للحفلات....

وانتي بس محتاجة وقت لا تتوقعين بيوم وليلة راح تكونين احسن مطعم بالسيد المطاعم اللي انتي فية... شوي شوي وبتلاحظين الفرق بعد ما تنفذين هالخطوااات واللي قالوا عنه البنات .


وطمنينا ان شاء الله بالنتايج
أ
السلام عليكم
ان شاء الله ربي يوفقش في المطعم ...

لا تغفلين الاعلانات تراها مهمة حيل حتى لو المطعم قديم وزعي فلايرات حطي اعلان بجرايد الاعلانات ... الخ
ميزي مطعمش ببعض الاكلات والسندويشات زوالعصائر
ميزي مطعمك بعلب الحفظ والاكياس ...
ميزي بطعمك بالاضاءة المميزة المختلفة عن باقي المطاعم ...

سوي عروض للديوانيات والطلبات الكبيرة ...
X