%% رجعتلكم ســـــارونة بلوك العيـــد %%

السلام عليكم و رحمة الله و بركاته

قبل ما ابدا بس حبيت اقولكم انكم وحشتوني واااااااااااااايد واااااااااايد!!

هذا اللوك سويتة حق اول يوم عيد و انشالله يعجبكم:shy:

نبدا بسم الله...

اول خطوة كانت بتحضير البشرة (تقشير-غسول-ترطيب) رطبت حوالين عيني بمرطب شانيل من مجموعة (precesion)...الحلو فيه انه بنهايته كرة معدنية فلما احطه بالثلاجه و استعمله يشد الجفون و اقدر اتحكم بالكميه...على فكرة الثلاجه الصغيرونة بالغرفة وايد عملية حق الكريمات و كريمات الاساس و الحمر اطول مدة صلاحيتهم بحكم الجو اللندني اللي على مدار السنة بخليجنا البارد:gum:

نرجع لمحور حديثنا...رطبت ويهي بمرطب ديور energy move

تالي حطيت من السيروم (Belnatur bio-lifting eclat)حوالين عيني و على كبر ويهي و نطرتة ليما نشف و عقبة رشيت السبري العجيب...بتقولونلي ليش عجيب بقولكم انه هاي سلمكم الله و حفظكم لعيالكم و حبايبكم يسوي طبقة عازلة على الويه فاذا شريتي كريم اساس ما طاح على ويهج و طلعلج حرار الدنية و ماتبين تغلينة برة ترشين شوي منه على ويهج و تسوين مساج خفيف ليما تتشربه بشرتج...و كان الله غفورا رحيما!

السبري اسمه vivrecel aqua lift تلقونه بمحلات كريولان اهوة و السيروم




عقب مارطبت بشرتي و هيأتها للمكياج وزعت شوية بيس من شسيدو بفرشاة الاساس سامحوني بس نسيت اصور الفرش و يوم كملت تعديل الصور تذكرت...طبعن مالي خلق ارد اصور!:qaq:

و تالي خلطت شوي من اساس كنيبو cream finish مع شوية من اساس ماك face & body foundation مع شوية من الاساس البرونزي من ماك face & body bronze fx foundation ...خلطتهم مع بعض عدل مدل و وزعته على ويهي بفرشة الاساس و تالي عدلت التوزيع بصبعي و تالي بالاسفنجه



وزعت الكونسيلر تحت عيوني بصبعي و ثبته بالبودرة البيظة اللي من فور افر لازم بسرعه نحطها قبل ماينشف الكونسيلر...الحكمه من هالشي هو عشان الكونسيلر ما يبرز الخطوط اللي تحت العين

تالي ثبت الفونديشن باللوس باودر الغامج بس استعملت اسفنجه مو بروش و اللوس باودر الفاتح حطيت منه وايد تحت عيوني عشان الشدو مايلعوز الدنية

بفرشاة البودرة العودة حطيت من البرونزينق باودر من ماك golden تحت عظمة الخد و شوية على طرف خشمي و شوية على جبهتي و بفرشاة البلشر حطيت عند خدودي شوية من بلشر rochas لونه برتقالي و فيه لمعه



حطيت من بيس الشدو من ماك على كامل جفني و عدلت حواجبي بتاتو الحواجب من فور افر..يم التاتو الكونسيلر



الحين انيي للشدو...اول شي وزعت من الشدو البيج اللي رقمه 3 kid على كامل الجفن عقب حطيت النايلون اللي رقمه 1 تحت عظمة الحاجب و عند الزاوية الداخليه للعين (المدمع) و خذيت شوية من amber lights اللي رقمه 2 و مديته من داخل العين لي النص و تالي حطيت حذاه bronzeاللي رقمه 4 عند النهاية و دمجته مع الذهبي و اخر شي خذيت البني المحروق embark رقم 5 و حطين منه بكثافه عند الزاوية الخارجيه للعين دمجته مع البرونز و مديته لبرة...كحلت عيني بكحل geurlain العربي و بكحل ماك الاسود smolder من داخل و خطيته منه فوق جفوني بالظبط عند منبت الرموش خط ظعيييف تالي بفرشة مايله مديت الكحل على فوق و دمجته مع الشدو و حطيت شوية من البني بنفس الفرشة فوق الكحل...تالي كحلت عيوني بالكحل السائل و عند الزاوية الخارجيه دمجته مع البني



نكمل مع الجفن السفلي...كحلت مدمع العين بكحل ماك الكحلي الازرق و حطيت فوقه بالفرشة المايله من ماك مزيج ما بين 1 و 2 اللي هو fresh water و pompous blue و عند النهاية حطيت من الكحلي رقم 3 flashtrack و دمجته بالنهاية البنيه



و الحين الشفايف...اول شي رطبت شفايفي قبل بمده نسيت اقولكم من ال lip booster من natura bliss يازعم بكير الشفايف بس خرطي خخخخخخ الشي الوحيد الزين فيه انه ينعم الشفايف وتالي حددت براطمي العنونات بمحدد بني و حطيت من حمرة شانيل و فوقه حمرة كريولان رقم 4 و فوقه بس بالنص حمرة كريولان رقم 5 عشان تبينهم اكبر و اخر شي حطيت قلوس ماك prrr و c thru





الخطوة القبل الاخيرة كانت الbelightful من ماك و هاذي لمعه حطيت منها على عظمة الخد و بنص خشمي و قلتر فور افر ابيض على ذهبي حطيت منه بفرشة مبلوله تحت حواجبي و عند مدمع العين شويونة



و الخطوة الاخيرة كانت المسكرة...volume effet من YSL و Lash Queen من HR



هني نجوف كحل ماك الاسود و الكحلي و قيرلان و المسكرتين

رسمة العين كانت جذي بس الفرق اني حطيت ازرق بدال البني من تحت...





ووووو سلامتكم :clap: