تعالوا شوفوا استفادتي من منتديات عروس.. (متجدد)!!

السلام عليكم

شلونكم يابنات وعرايس

حبيت اعرض لكم تجربتي والاشياء اللي استفدتها من قسم المكياج في المنتدى

الصراحه اغلب المكياج اللي صرت اشتريه يكون اعتمادا على نصايحكم وتجاربكم

وحبيت اوريكم شنو الاشياء اللي ماخسرت فيها وفادتني وايد



1-بودره جيرلان الذهبيه (ديفينورا)

رأيي: خيــــال.. مخمليه ورائعه وثابته بس اهم شي انج تختارين درجه مناسبه
انا اخذت الورديه وطلعتني غامقه وبعدين خذت البيج الطبيعيه كانت حلوه مع اساس افتح مو نفس الدرجه..

2-شدوهات نوبا

رأيي: ثابته وحلوووه وماتسيح او يخف اللون مع الوقت او الحر ثابته جدا جدا بس المشكله
سكروا مكياجي وصرت مو قادره اخذ درجات اكثر :sad:

اخذت الاحمر وهو اول شدو احمر يثبت على عيوني وما يوصخ الدنيا والبرتقالي فيه لمعه ذهبيه كيوت وان شاء الله ناويه اخذ اكثر من لون لو فتحوا المحل مره ثانيه

3-كحل بنفت

رأيي: سواده فاحم وحلو وثابت وبصراحه حبيته اكثر من ماك ونوبا

4-آيلاينر بنفت

رأيي: روعــــــــــــــــــــه :shy: .. سهل ترسمين فيه العين وسواده فاااااحم :shy:

5-مسكارا بنفت

رأيي: حلوه للاستعمال اليومي لانها تطول الرموش بدون تكتل

6-بلاشر بنفت الوردي

رأيي: كيــــوت :shy: .. حلو اللون الوردي للوك الصباحي ولو حطيتي اكثر من طبقه او خلطتيه
بلون ثاني للوك المسائي وايد كيوت بعد وطبيعي

7-اضاءه ماك

رأيي: حلوه للمناسبات جدا :shy: وتعطي لون فضي على بيج

8- كولكش ماك الاخير (هوليداي)

رأيي: روعه وعملين بصراحه ريحوني من سالفه اني اشتري كل لون لحاله وصرت انتظر الكولكشن
تنزل واخذ الباليتات لانها عمليه وبوايد احلى

9-كونسيلر ماك (كوفر أب)

رأيي: عملي جدا وروعه جدا وثابت جدا ويخفي العيوب تماما والاحلى انج لو تخلطينه مع الاساس
يعطيه لون حلو وقوام احلى وثبات اكثر :shy:

انتظروني ان شاء الله لان الموضوع متجدد عشان اعرض باقي الاغراض اللي فادتني من خلال منتدى عروس :shy:

تحياتي لكم