هــــل تقبـليـــــن؟؟؟؟؟

مبدئيا ما عندي مشكلة ...بس لازم تفاصيل عن زوجته و أهلها ..

و طبيعة علاقتهم و سبب الطلاق .. و متى الاولاد يكونون عندها ..

و كيف يتعامل معاها من ناحية القرارات المشتركة الي تخص الاولاد ..

و وضعه المادي لازم يكون مقتدر عشان أترك الشغل ..


طبعا هذا رأي شخصي

مب مشكله عياله

بس ليش يباج اتخلين شغلج؟؟؟؟


استخيري قبل كل شي

والله يوفقج يارب

مراااااااحب

الغالية القرار في يد من يختار

بس لازم هناك بعض الامور عليها تكوت تحت الشمس

مثلاً ليه طلق ؟ و ليه الاعيال عنده مو عند الام؟
و ليه يخليك تسيبين الشغل ؟ و هل اذا سبتي الشغل يقدر يوفر كل شي لك ؟

الطلاق في نظري دمار لشي ما قدر يصمد و في بعض الحالات بداية لشي ما قدر ينمو في مكان مغلق

والله ياحبيبتي على حسب اذا انتي بالك طويل وتقدرين تتركين الشغل عادي وتجلسين بالبيت

وتربين الاطفال + الاطفال اللي بتجيبينهم

بكل صراحه بالنسبه لي..عياله مب مشكله

لاكن اترك شغلي>>>>>>>>>>>>>>>>>>>>>>يمش بووووووووووووووزه

حبيبتي هذا يعتمد ليش طلق؟ و كيف تقبل اولاده الى زوااجه ؟؟؟ وليش يبيج تهدين شغلج ؟؟ و ليش تتنازلين و تاخذين واحدمطلق اذا في فرصه تاخذين غير ؟؟؟
مو عيب انه مطلق مو قصدي بس برضو هذي مسؤوليه هذولا اولاد تقدرين تتحملين , لازم تراعيهم و لازم تضغطين على روحج عشان لاتحسسيهم بشي و تقدري تتحملي مسؤوليتهم و مسؤليه غيرهم من الاطفال الي انتين بتجيبينهم !!!!!!!
ولازم تكون الج علاقه بطليقته شئتي ام ابيتي لانج لو وافقتي يعني انتي مو وافقتي عليه كزوج فقط بتوافقين تصيرين ام لاولاده و طبعا الله مايرضى ماتحثي اولاده على طاعه وبر امهم لازم تكون بينكم مكالمات تتناقشون في مشاكل الاطفال لاتقولين مو لازم هذا لازم !!!
ماادري انتي صبوره او لا !!! تقدري تضحي او لا!!
اذا انتي جدي الله يهنيش يارب و يبارك الج و صدقيني الله بيعطيج ثواب مرره كبير
بس اذا ماتقدري و بتقصري لاتخاطري !
هذي يمش حياه واحد بس 3 اشخاص حياتهم بترتبط فيج

انا عن نفسي برفض مب عشان شغلي وبس
الوحدة يوم تتزوج ،، تتزوج ترتاح وتكون اسرة يديدة ،، ما بقدر اعيش حياتي ولا بآخذ راحتي ولا اقدر اكون اسرة دام العيال موجودين ،،
وشكرا

سن الوحدة ليه دور لأن مومعقوله وحدة في العشرين فجأة تتحمل مسؤلية بيت وعيال بتكون فوق طاقتها وادا قدرت لازم تنتبه لاتظلم اطفال,,
وترك الشغل ماايده ابدا اترك الشغل عشان اربي اولاد غيري حتى لو كانوا اولاد زوجي
بالعكس يمكن تحط الوحدة عصبيتها في الاطفال بسبب الفراغ وكذا تظلمهم
غير يمكن تسمعي من الاولاد ذكر امهم في كل صغيرة وكبيرة وقدام ابوهم واكيد هذا الشي بيسبب عند البعض غيظ وغيرة

يعني الزواج من رجل لديه اولاد خطوة صعبه يجب حسبها والتفكير فيها كثيرا
وفكري في سلبيات هده الحياة بشكل كبير فإذا كنت قد هالمسؤلية فستمري فيها
وان كانت فوق طاقتك فالعدول افضل من ظلم نفسك ومن حولك


موفقة يارب

الاستخاره الغاليه اهم شئ

وخللي اهلك يسئلون عنه في شغله وفي المسيد

وانتِ من حقك تسئلينه اللي تبينه عشان تكونين على نور

والله يوفقك للخير

الأستخارة ثم الأستخارة ثم الأستخارة

والله يوفقج واذا اتشوفين عمرج قادرة على

طلباته وحاولي تعرفين سبب طلاقه

واذا اقتنعتي فيه اتوكلي والله يسهل عليج يارب

بصراحه اللحين يالله يالله الوحده تحصل شغل وبعد تتركه ...

ويعتمد على عمرج ...هل عادي عندج ...تربين اعيال غيرج ومب اصغار موليه 5-6 سنين ..

حسب تفكيرج اذا عادي عندج وتقدرين تحملين ...بكيفج ...

بس انا ما افضل ..لان الشغل استقلاليه وهو بيخذج وانتى تشتغلين ...يعنى يقبل بهذا الوضع هذا اولا ..

ثانيا : انا اشوف الافضل للعيال يتربون عند امهم لان حق الحضانه لها بهذا السن ....والا شو رايكم؟؟


المهم انا لا ايؤيد ...:)

لو انا ما اوافق اكيد <<< مع اني متزوجة خخ

اولا لازم اعرف سبب الطلاق وبالتفصيل لان الانفصال مع وجود الاطفال تكون اسبابه قوية

ثانيا ان عنده اطفال ولازم العناية بهم وهالشي يمكن صعب عليج لانج في بداية حياتج
وترك الشغل بعد صعب صح؟؟؟

انا عن نفسي لو كنت في سن يسمحلي اوافق عليه اكيد بوافق اما لو كنت في بداية حياتي بنتظر نصيبي الافضل

السلام عليكم ورحمة الله وبركاته

هو شويه وضع محيّر...و محتاج له تفكير...

أول شيء اولاد مش صغار...يعني شويه بيقيدوكي في البيت...و كلها شويه و يكبروا...ليش الأولاد مش مع والدتهم ؟

و شو علاقة والدتهم بهم...يعني هل بيكون في تدخل مباشر في حياتك من قب الوالدة...إذا مرض لها ولد لا سمح الله...بتيجي هي تراعيه واللا الموضوع مش في بالها ؟


بالنسبة لشغلك...مش شايفة سبب يخليكي تتركي شغلك ؟ الأولاد ممكن يروحوا المدرسة..ليش لازم تتركي الشغل ؟

اذا انتي متردده وغير مقتنعه بهالزواج

فالافضل الرفض