وش اسوي؟؟

السلام عليكم ورحمته الله وبركاته

انا اول مره اشارك في هذا القسم بعد ماشفت تفاعلكم مع بعض لحل مشاكل البنات

مشكلتي ممكن تكون شوي طويله بس ياريت تتحملوني

أنا متزوجه لي تقريبا حدود سنتين ونص
بعد ماكملنا سنه من زواجنا جاءت بعثه لزوجي برا ديرتنا
المهم انا رحت معاه وجلسنا سنه وشوي متغربين يعني طول هالفتره انا ماشفت اهلي واهو بعد
(بس انتوا تعرفون الرجال مو مثلنا نشتاااق بسرعه)
المهم
انا في الغربه حملت وولدت وجبت ولد الله يخليه لي ولابوه
بس قبل الولادة كان زوجي يقول لي اذا ولدتي راح اخليك تروحين لاهلك انا بصراحه مره امبسطت لاني راح اشوف اهلي(اول ماحملت زوجي خيرني اما اروح عند اهلي واولد عندهم او جلس عنده لحد ماولد انا الحمدالله اخترت اني اجلس عنده وبعد اولد اروح عند اهلي واتفقنا على كذا)
بس لما ولدت جلست تعبانه مااقدر ارجع لديرتي وخصوصا ان ولدي صغير مايصلح يركب الطياره مرت تقريبا 3 اسابيع ونص وقلت لزوجي ابغى اروح
قال خلاص روحي بس انا ماراح اروح معك لان لسا يدرس ولاراح يرجع لديرتنا الا بعد شهرين ونص
بصراحه لما اجلس وافكر اني راح اجلس شهرين ونص بدون زوجي اتعب لاني مااقدر استغني عنه وفي نفس الوقت اهلي يغوني اجي ومتحمس=ين ع ولدي +يزيد+
وانا نفسي اروح ونفسي اجلس
والله يابنات اخاف اقرر اروح واتعب ولا امبسط

وخلال هاليومين خيرني زوجي بخيارين
اما اروح لاهلي خلال هالايام واهو ماراح يجي الا بعد شهرين ونص
او استنا شهر ونرجع مع بعض وبعدين اهو يرجع لحاله
الخيار الثاني مره اعجبني بس المشكله انه يقول راح اخليك عند اهلك يومين بعدين اجي واخذك عند اهلي
قلت لا راح اجلس عند اهلي لحد مااشبع منهم لاني جالسه سنه عنهم وبعدين اروح عند اهلك
قالي لا ابغى اهلي يشوفون ولدي لان اهل ساكنين في غير المنطقه اللي اهلي ساكنين فيها

بصرااااااااااااااااااااااااااحه تعبت من التفكير وتعبت نفسيتي زياده على اكتئاب النفاس
ماادري يابنات وش اختار برغم ان زوجي معطين مهله افكر ومابقى الا يوم وارد عليه والا الان محتاره ماادري وش اختار
ياريت تساعدوني
والالي جربت فراق زوجها لمده وايش شعورها وش تنصحني به
علما بان زوجي الف وحده تتمنى ان يكون زوجها مثل زوجي طيب ويحبني ويراعي بامووور كثييره

بليز ساعدوني
ماعليش طولت عليكم