إحترت مع الغسالة... بلييييييز ساعدوني

شوفو يا خواتي الغسالة أم طابقين .... بصراحة خاطري فيها بس ما دري وين أشوفها بالبحرين:qaq:

اختي اخر العنقود

ماانصحك بابو طابقين

خذي غساله بس ماتكون تعبئه اماميه
واجود شركة

ويرلبووووول


عن تجربه

انا بنصحك بكذا شغله

انا ماعرف غساله تنشف 100%

لكن بقول لك على طريقة واغلب اقاربي مجربينها

الغساله LG طبعا تنشف نسبة 70% اوكي هذي عندي منها

وتشترين نشاف ينشف 100% بس مادري وش ماركته

يعني غساله ونشاف منفصلين وراحه مابعدها راحه(f)

المسالمه:
اختي اخر العنقود

ماانصحك بابو طابقين

خذي غساله بس ماتكون تعبئه اماميه
واجود شركة

ويرلبووووول


عن تجربه

فديتج يلمسالمه على هلرد الشافي ........ و مثل ما قلتي مافي أحسن من ويرلبوووول لأنه إيطالي "على حسب علمي".......... و هلنوعيه يستخدمونها بيت أبوي من سنين ماشاء الله فعلا ممتازوه و ماعليها غبار.......

اشكرج على ردج إللي يدل على إهتمتامج.... يزاج ربي الجنة

اسيرة قلبه:



انا بنصحك بكذا شغله

انا ماعرف غساله تنشف 100%

لكن بقول لك على طريقة واغلب اقاربي مجربينها

الغساله LG طبعا تنشف نسبة 70% اوكي هذي عندي منها

وتشترين نشاف ينشف 100% بس مادري وش ماركته

يعني غساله ونشاف منفصلين وراحه مابعدها راحه(f)

إختي أسيرة قلبه "عساج تئسرينه كله من فوقه لتحته العمر كله ;) "
تصدقين ما يه ببالي اَخذ كل قطعه بروحها !!!

إقتراحج ممتاز و باضمه لإقتراح المسالمة و هذا الحل يعتبر وسط و مثالي لأني فكرت فيها لو كل حاجه بروحها أحسن علشان لو إختربت النشافه بروحها ماراح تعطل شغلي بالغسيل علأقل بتنشف 70% .....

فديتج أشكرج على ردج إللي يدل على إهتمتامج.... يزاج ربي الجنة

ماشاء الله عليها اسيرة قلبه دايما ماتقصر
وبعد كل العضوات مالله احس كنهم اخواتي الله لا يحرمنا منهم
وان مع اختي اسيره فكرتها رائعه جدااااااا

توته أحلى بنوته ... أشكر مرورج و فعلا الخوات بالمنتدى مايقصرون بشي بارك الله بهم ... هذي الأخوة في الله و إلا بلااااش

أختى أنا عندي غسالة وحده ومناسبة للشقة والحمد لله صار لها الحين 3 سنوات ونصف وماتغيرت من المؤيد اللي مقابل بنك البحرين الوكني بشارع الحكومة،، تغسل وتشطف وتنشف يعني الثياب يطلعون شبه ناشفين، بس أخليهم شوي على النشافة الي ينحطون عليها الثياب وأفتح عليهم المروحة او أخليهم قريبين من النافذه إذا في شمس وقتها بالغرفةوتشوفيهم ناشفين..

رانيا البحرينية:
أختى أنا عندي غسالة وحده ومناسبة للشقة والحمد لله صار لها الحين 3 سنوات ونصف وماتغيرت من المؤيد اللي مقابل بنك البحرين الوكني بشارع الحكومة،، تغسل وتشطف وتنشف يعني الثياب يطلعون شبه ناشفين، بس أخليهم شوي على النشافة الي ينحطون عليها الثياب وأفتح عليهم المروحة او أخليهم قريبين من النافذه إذا في شمس وقتها بالغرفةوتشوفيهم ناشفين..

هلا إختي رانية.... مشكورة على مساعدتج لي ... بس قولي لي شنو ماركتها؟؟ ترى المؤيد عندهم ماركات كثيرة....
تصدقين يا رانية ماعندي حتى غرفة أنشر فيها الثياب!!!!!
لأن شقتي غرفتين و صالة وحده من هلغرف خليتها "Walk through Dressing Room" لأن مافي مجال أحط كبت بغرفتي و زوجي الله يهداه منبهني يقول ما يبي يشوف ثياب منشورة فلشقة :angry: و بصراحه بيني وبينج أنا بعد أنقرف من شكل الثياب منشورة فلغرفة!!
فالحل إني باخذ غسالة فل أوتوماتك مثل مالتج و باشتري بعد النشافة إللي تنشف 100% علشان ما أبهدل المكان لأن صغير فبسرعة يتبهدل.....

سوري طولت عليج بس صج الشقق الصغيرة معاناة الله يعيني لينما يبت عيال مادري وين بارقدهم ... يمكن أرقدهم تحت السريررررر :qaq:

شوفي ياعسل00عندي ميتاج 10 كيلو والله ممتازة00
بس ما تنشف الملابس 100%00 وتعبئتها من فوق
ويبغالها نشافة من نفس الماركة اللي من الأمام00ويبغالها تهوية علشان البخر يطلع
اما الغسالة00مشكلتها التصريف يبغالك واحد يزبط تصريفها لأنها اذا صرفت عندي نزلت الموية على الأرض000
وفي النهاية الخيار لك

سمسمة:
شوفي ياعسل00عندي ميتاج 10 كيلو والله ممتازة00
بس ما تنشف الملابس 100%00 وتعبئتها من فوق
ويبغالها نشافة من نفس الماركة اللي من الأمام00ويبغالها تهوية علشان البخر يطلع
اما الغسالة00مشكلتها التصريف يبغالك واحد يزبط تصريفها لأنها اذا صرفت عندي نزلت الموية على الأرض000
وفي النهاية الخيار لك

هلا بإختي سمسمه العسولة....
و الله يا سمسومه نبهتيني لشي مهم و هو " التهوية" فعلا النشافات يبي لها مكان تهويته جيده ...

بالنسبة للتصريف كل الغسالات تحتاج لتصريف جيد لأن لو انبوب التصريف وضعيته مو جيده يتجمع الماي داخل الغسالة و بالتالي ثيابج بيبهت لونه و بيصير الأبيض رمادي!!
دوم الغسالة لازم تكون أرفع من مستوى الأرض لتعزيز التصريف الجيد و لحماية الغسالة من تحت من الصدأ و الرطوبة...

دمتي سالمة أختي الغالية و تشكراتي القلبية لك :clap:

العفووووو000 وحبيت افيدك00
ولا تنسين تعلمينا ايش الغسالة اللي اشتريتيها

خلاص يا بنات فرجت....

أخذت غسالة من White Westinghouse

و هلشركة أمريكية عمرها 90 سنه

هي طابقين بس وايد مدحوها .... تصدقون غيرت رايي في المحل و رديت حق إللي كان خاطري فيها من زمان لأن حصلتها بسعر زين يعني أرخص من أشتري الغسالة فل أوتوماتك و النشافة كل وحده بروحهم....

مشكورات يلغاليات على مساعدتي و على اَرائكم إللي أثق بها .... دمتن سالمات

:cry: :cry: :cry: :cry: :cry: :cry: :cry: :cry: :cry: :cry: :cry: :cry:

جات الحزينة تفرح ما لئات لهاش مطرح....

تصدقون يا بنات يابو الغسالة و يوم بندخلها الله يعزكم الحمام ما دشت!!!
طلع باب الحمام عرضه 60 سم بس!!!!!
و المصيبة راعي الشقة مو راضي يحط لنا باب اكبر الزطي ... يقول لي رجعي غسالتج إخذي وحده صغيره... مع إن الفرق بين الباب و غسالتي سنتسمترين بس
حدي منقهرة و حتى المطبخ صغير و ما يشيل غير الفرن و الثلاجة يادوب يشيلها

شيرو علي يا بنات شاسوي؟؟
أرجع الغسالة أو أكسر الباب كسر الله راس إبليس؟؟ :mad2: :mad2: :mad2: :mad2:

حدي منقهرة و حتى المطبخ صغير و ما يشيل غير الفرن و الثلاجة يادوب يشيلها

الله يعينج صدق سالفه ؟؟؟ شوفي لج حل ويا الباب بس ترجعين الغساله حرام احس

amkaled:

اذا في مكان بلشقه عادي اي مكان ..

عاد مشكله شلون تدخل

ااكيد تلقوون حل

مشكورة إختي علرد .... بس شقتي مافيها غير غرفتين..و ماعندي حوش صغير أو بلكونة.... الغرفتين هم غرفة نومي و غرفة ثانية حولتها إلى Dressing Room لأن غرفة نومي ماتشيل خزانة ملابس .... و حتى الحمام إللي بغرفتي بابه صغير مثل حمام الصالة.....:sad: :sad:

بس ماقول غير حسبي الله على هلتجار إللي يبنون شقق مثل القفص و هات يا إجارات غالية ناااااار...

الله يوسعها علينا في الاُخره

ماروكووو:
الله يعينج صدق سالفه ؟؟؟ شوفي لج حل ويا الباب بس ترجعين الغساله حرام احس

هلا إختي ماروكووووو... مشكورة علرد

تصدقين اليوم كلمت وكالة الغسالة قالو لي ما أقدر أبدلها أو أرجعها .... قلت الحمد لله خيره لي لأني إستخرت قبل ما اتصل و زوجي حاول مع صاحب الشقة يوسع الباب ما رضى يقول رجعوها .... بطونهم متروسه ما يحسون باللي توهم فاتحين بيوت....

يله كله خير إن شاء الله و راح أخبركم باَخر الحلول إن شاء الله إنتو بس إدعو لي

الله يوفقج ان شاءالله وتلقين الفرج من الله