سؤال عن البيجمنت ؟؟؟؟

~ضي القمر~ 07-11-2006 20 رد 4,045 مشاهدة
~
كيفكم بنوتاات

انا عندي مشكله مع البيجمنت

امووت فالوان البيجمنت وعندي الواااان وااااااااااااايد بس كلش ماستخدمهم واذا حطيت منهم >>اتحسفف

لان مشكلتي اني اذا احط من البيجمنت يتنثر على خدودي وتصير رمووشي فوشيه او تركوااز على حسب لون البيجمنت :angry:

احط قبلها بيس بس بعد ممااااينفع



قولولي شلووون اثبت البيجمنت؟؟؟
م
هلا حبيبتي


حبوبة في طريقة وهي :
- استخدام فرشة مبللة بالماي
- استخدام فرشة ورشي عليها مثبت المكياج
- وف مثبات للبيجمنت خاصة وتحصليها بكذا ماركة منها بن ناي او كرولاين او بنفت او ماك او ميكاب فور ايفر

الله يوفقك يا رب

:shy:
ق
وأنا أضم رايي لمسز موضه الفرشاه المبللة تثبت الأيشدو زين بس المثبتات تحسين فيها لزوجه لما تحطينها
ما دري أنا مجربه وأشوف الفرشاه المبلله أحسن
~
تسلميين حبيبتي مسسز غموضه

انا جربت اني احطه مع ماي بس بعد نفس الشي

ان شالله بجرب احطه مع مثبت المكياج
م
حبوبة
احتمال طريقة تبليل الفرشة مو كافي او كثير ؟؟

بس افضل تجربيه مع مثبت خاص للبيجمنت وانا اعطيتك بعض الماركات

او مثبت المكياج جربيه وشوفي الفرق ؟؟

بانتظار رايك وجربيه عده مرات راح تضبط عندك اكييييييد

بالتوفيق :shy:
ا
حبيبتي اولا السر فالحط يعني لازم تحطي بس شوي فالفرشاة بحيث انه ما ينتثر وتمين تزيدينه شوي شوي

ونقطه ثانيه هي لازم تستعملي بيس انا استعمل كريم بيس شادو الي هو كريمي تحطيه قبل البيقمنت وبعدين يمسك البيقمنت بشكل حلو وايد

واخيرا بعد نقطه مهمه ان الفرشاة الي تستعملينها تكون من نوع الي يمسك مب الي يشتت ونتثر البيقمنت

شونوع فرشاتك؟(f)
م
احط قبلها بيس بس بعد ممااااينفع


النايفات حبيبتي اختنا ذكرت ان البيس ما نفع معها ونصايحك صح حلوووة وانا مع انها ممكن تكون الكمية كبيرة

عندي طريقة استخدمها بعد بتبليل الفرشة ومثبت المكياج
في طريقة احطها بيدي او باصبعي
او
بعد ما احط كريم الاساس ما اغسل يدي بتكون في بقايا على يدي احط البيجمنت شوي واجيب الفرشة واضغط بحيث يشيل شوي في الفرشة ومغ الضغطة يتجمع بسبب كريم الاساس وممكن تحطيه مباشرة على العين وتوزيعه عادي بالاصبع او فرشة الشدوو

جربيه انا جربتها فقط مرتين

الله يوفقك
~
ان شاه بكرة بحطه حق الجامعه ((بصبعي)) وبحط شويي مثل ماقالت النايفه

ان شالله يطلع اوكي

تسلمون حباااايبي
ر
هلا اختي ضي القمر ..

اولاَ عشان ما يتنثر البقمنت على اخدودج حطي بودره سايبه ورديه ( من make up forever) بفرشاه كبيره تحت اعيونج وفوق خدج


عشان يوم يتنثر البقمنت يطيح عل بودره السايبه .

وبعد ما تخلصين من مكياج عينج جيبي الفرشاه الخاصه اللي تشيل الزوايد ( انا احب مالت فورفر اللي جنها شعر قطوه امخرعينها )

الفرشاه الوسطيه بالصوره

واذا تبين تشيلين اثر البقمنت من ارموشج هم في فرشاه من ماك خاصه اتنضفين ارموشج فيها قبل ما اتحطين المسكارا .

وانتي اتحطين المسكارا حطيها من فوق الرموش وتحت .

انا احط الشدو العادي او المائي وفوقه البقمنت يطلع احلى ( جربي هل طريقه )

اختج

روح البحرين
~
حبيبتي روح البحرين مشكورة على ردج

بس انا مشكلتي اني اول ماحط البيجمنت يصير عجييب لكن بعد ساعة او اقل يخترب
ر
مثل ما قلتلج حطي اول شي بيس العيون ( مال mac و بنفت زينين )

بعدها حطي شدو عادي او الشدو المائي

وفوقه حطي البقمنت .

ورشي مثبت .

ولو تبين الشدو يثبت وما يروح ((حتى لو رشوج بهوز مال مطافي ))جربي مثبت بنفت المائي اللي يجي بغرشه زرقه صغيره .

اختج

روح البحرين
ر
وهذي صوره المثبت مال بنفت

~
مشكوووووورة ياعمري

انا عندي البيس مال ماك مانفع

ان شالله بجربه
م
جربي هالطرق :

1. حطي على الجفن ظل كريمي من أي ماركة

2. في ماك مستحضرات تساعد على تثبيت الpigments :

*. cream color base ..قوامه كريمي وزعي شوية على الجفن و بعدين حطي pigment بفرشاة الإسفنج بالطبطبة مو مسح و لا تحطين وايد من ال pigment.

*. paints: حطيه و قبل ما ينشف حطي الpigmeent نفس الطريقة اللي فوق.

*. Shadestick: مثل القلم و بنفس الطرق السابقة.
~
تسلميين حبيبتي ان شالله بجرب الـ Shadestick
و
طريقة الفرشاة بالماي أو المثبت Fix + من ماك حلوة وايد

بس اذا ماتبين تستخدمينها فوق الاي شادو اللي انتي حاطته في طريقة حلوة

قريتها في المنتدى للي يستخدمون الاي شادو الاسود وصرت اطبقها تقريبا على كل الألوان ومن يومها مرتاحه من الألوان اللي تتنثر على الجفن السفلي

الطريقة اختي هي انج تجيبين مرايا وتحطينها على الطاولة
يعني سطح المرايا لازق ع الطاوله "المرايا بتصير مقابلة السقف"

وشوفي وجهج فيها وانتي تحطين الآي شادو أو البيغمنت
وماراح يتنثر على عيونج
بينزل ع المرايا

ان شاء الله تكونين فهمتي قصدي :)
~
اي هاذي طريقة واايد حلوة للشادو

بس انا ذكرت انه مايتنثر على خدودي اول ماحطه هو يتنثر بعد فترة

تسلمييين حبووبه
و
مممممممم يتنثر بعد فترة !!!

معناتها انتي مكثرة من اللون وايد ومو ضاغطته على العيون عدل بالفرشاة

حاول انج تدمجين اللون عدل عدل
عشان اي بودرة ملونة زايدة تطلع ما تظل على الجفون وتطيح بعدين :)
ف
مثل ماقالت اختي بللي الفرشاه
وضعي تحت الجفون بودره سائبه وضعي البيجمنت بكل سهوله وإذا انتهيتي إمسحي البودره
*
جربي المثبتات
او حطي ماي في الفرشاه
و حطي كميه بسيطه و اذا تبين اللون اغمق زيدي شوي بس بطريقة التربيت لان المسح ما ينفع وبعد ما تحطين بالفرشاه مرري صبعج عليه بطريقه خفيفه
X