شحالكم خواتي
هاي هدية ربيعة أختي لعرسها...(عقبال اللي مب امعرسات ان شاء الله)
اول شي غلفت الهدية و هي عبارة عن طقم ذهب بورق تجليد ساده (tissue paper) بلون بنفسجي فاتح
و ربط الهدية من النص بتور وردي خليت الربطة على شكل فيونكة
بعدين يبت طوق من عيدان الشجر (شريته من دايسو ، انا كنت شاريه 2 وحد شكل قلب و الثاني دائري وطبعا سويتهم حركات لهدايا
و اختي بعد كانت ماخذه دائري و عطتني اياه عسب اسويه لربيعتها أدري وايد ارمس )
عالعموم الطوق ساده يبت نفس لون التور الوردي لي لفيته عالهدية و لفيته عالطوق بشكل حلزوني
بعدين يبت عرق ورده كامل و فججته خليت كل شي روحه ويبت الكور الوردية لي في العرق (كأنها ورود مسكره) هم كلهم 5 خليت 3 لروحهم و
وياهم ورقتين و خليتهم بأعلى الطوق (أعلى الطوق شي حلقة للتعليق ربط فيها تور شويه على شكل فيونكه صغيره و شريطه عرضها تقريبا
انش بعد بشكل شريطه صغنونة بدل ما اتكون فاضية و حلوة للمسكه
) على شكل مايل عكس حركة عقارب الساعه(بهالطريقة)
و الـ2 الباقين حطيتهم ويا بعض و وياهم ورقتين و في غصن اخضر خلته نازل و غصن ثاني كان ملتوي حطيته بعد...
طبعا لمن فتحت عرق الورده كله نهايتهم كانت بشعه خخخخخخخخخ كان عندي اللزق بنفس لون الشجر و لفيته عسب ما يتبهذل شكل الهدية و نفتضح....
يبت الهدية جربت كيف بحطها بعد التثبيت الاولي للورد الصغير (اللي هو عبارة عن الكور) و استقريت انه الهدية اتكون مايله
شويه و داخله من فوق عاليمين و تطلع على ورا من صوب اليسار تحت (بطريقة الساعه 7 و 5 دقايق) <<< اونها دقيقة وايده لووووووووول
عالعموم
الحين صوب الساعه 7 وين بتكون الهدية رايحة ورا قلت هنيه احسن احط الورده عسب الهدية
يبان نصها بس الفوقي و السفلي خله ورا الورده اتغطي عليه....
و هاي صورة ثانية
ركبت الورده مكان الساعه 7 و فتحت اوراقها بشكل كامل
فصار شكل الطوق من بعد الساعه 7 لين الساعه 2 كله ورد و انترس تقريبا
يبت الهدية و ثبتها بنفس الشكل اللي قررته في البروفه....
بعدين يبت عصاه في نهايتها فراشة نازل منها شرايط ناااااعمة كلش
و حطيتها على جنب الهدية من جهة اليسار...
هاي شكل الهدية بالنهاية بعد ما خلصت
و هنيه البطاقة بظهر بوكس الهدية
ان شاء الله تعجبكم
بحط لكم صورة هدية ربيعتي القبلية سويتها بالأوركيد الطبيعي خليته حوالين الطوق و غلفت الهدية
بورق التغليف الخفيف و علقت الهدية بحيث تنزل في وسط الدائرة و خليت شرايط اورجنزا تنزل من الهدية عالورد و الطوق
و طلع شكل الهدية وااااايد رقيق و الحمد لله عجب ربيعتي وايد
و طوق ثالث كان على شكل قلب علقت بوسط الطوق الهدية و هي امغلفة و حطيت 3 وردات روز على جهة و الجهة الثانية كاكاو فصار الطوق يحتوي 3 اشياء
ورد طبيعي
كاكاو كم حبة
الهدية نفسها
للأسف ما لحقت اصور الخطوات لأني كنت وايد مستعيلة و انا اسوي الهدايا الأوليه
بس آخر وحده قلت بصورها و بحطها لحبيباتي بنات عروس