هل من حقي طلب هالشي ؟ ولا لا ( خاص)

هلا حبيبتي ... انا اقول اتجهي الى رب العالمين وادعي ان الله يطرح فيه البركه ويسخره

لكي .. وانا اعرف كثير بنات تزوجو رجال اقل منهم تعليم والله حياتهم ماشيه من احسن مايكون .

وبنسبه لطلب محادثته اخاف ها الشي يهز صورتك في عينه بحكم العادات والتقاليد وامك ما رفضت

ها الشي الا انها عارفه انه بيضرك اكثر من نفعه لك .. وانتي تقولين اهلك اسئلو وما سمعو الا كل

خير .. وبعدين والله صادقه امك عيب وفشيله يجي هالطلب منك بيقول هاذي اولها ينعاف تاليها .

بس نصيحه عليكي باالدعاء لرب العالمين .. ويابنتي التعليم منو مشكله جعلها اعظم مصايبك


اهم شي الأخلاق والاحترام .... واسفه على الاطاله بس والله نسيت نفسي وانا اكتب .

تمنياتي لك بحيات طيبه وسعيده ..


[blink]اختك حبيبة حمو .[/blink]

بصراحه انا اعتقد ان المكالمه قبل الزواج مهمه
وهذا من حقك يالغاليه

[blink]

انا بعد اعتقد ان هالشي مهم بس مدري اذا بتجيني الجراه اطلب هالشي او لا

http://www.3roos.com/forums/showthread.php?t=209181

انشاءالله يردون عليك البنات بالرد الشافي الكافي

ودمتي بود

اختي دام هله متمسكين بالعادات والتقاليد فأتوقع صعبه انج تسوين هالشي

بعد الملجه ان شاء الله تعرفين عنه كل خير وانتي الحين استخيري ربج

وترا حتى لو ماصار نصيب لا سمح الله بعد الملجه عادي
احسن من ان الانفصال يصير بعد العرس

عالعموم اتمنى ان الله يوفقج ويسعدج في حياتج ويرزقج الذرية الصالحه

اكيد من حقك هالشي لكن صعبه تطلبين تكلمينه وهو ماطلب خصوصا الاهل مايرضون

على العموم دامكم سألتوا عنه وكل شي زين ان شاء الله ربي يسهل عليك

لا تعطينه فرصه يقول جريئه يمديك تنغثين

السلام عليكم..

حبيبتي آنسة دبي, طلبج هذا من حقج , وهذا زواج وعشرة عمر مو لعبه يعني, وانت ماطلبتي شي غلط او عيب, حتى لو تقعدين معاه قعده وحده على الاقل قبل الملجه , بس تشوفين شلون طريقه كلامه ومعاملته وهو يشوفج, اكيد ماراح تدرسون طباع بعض من هالقعده الوحده ,بس هالشي الرسول وصى فيه, عشان ترتاحون نفسيا والله يطرح في قلوبكم الهدوء والسكينه, ولو فيه اي شي ماعجبج فيه على الاقل يكون عندج وقت مب لين ملجتي خلاص وطاح الفاس في الراس..

انا ما قول كل يوم قعدي معاه وكلميه , بعد ما يجوز هو مب محرم لج ولكن بما ان نيته الزواج فلو مرة وحده تتكلمون قبل الملجه وانتي عقب هالمره بترتاحين وبتقررين ان شاء الله..

انا خطيب اختي اللي متقدم لها متدين واحنا عايله محافظه , لكن قال حق امي ماراح املج قبل لا اقعد معاها (مب عشان يشوفها لان هو شايفها من زمان وعارف شكلها لانه من الاهل) اشوفها وتشوفني واذا في اي شي في خاطرها قبل الملجه تقول .. يعني هالشي راحه للطرفين ..

اذا انتي في خاطرج هالشي لاتتنازلين لان مافيها شي ابدا , وفي النهايه توكلي على الله(f)

عزيزتي من حقج تكلمينه بس بعد الملجه وإنت بتعرفينه زين ،كيف يفكر !؟
وبالنسبه لفارق المستوى التعليمي أحيانا كثيرة يكون عائق وهذه عن تجربه صعب جدا تتفاهمون مع بعض ، وإذا لا حظت هالشي بعد الملجة ، لازم تفكرين عدل في القرار الأخير ، وتختاري تكملي المشوار وألا لا .
واستخيري ربك أكثر من مره . والله يوفقج .

[grade="00008B FF6347 008000 4B0082"][glow=00CCFF]عزيزتي من حقج تكلمينه بس بعد الملجه وإنت بتعرفينه زين ،كيف يفكر !؟
وبالنسبه لفارق المستوى التعليمي أحيانا كثيرة يكون عائق وهذه عن تجربه صعب جدا تتفاهمون مع بعض ، وإذا لا حظت هالشي بعد الملجة ، لازم تفكرين عدل في القرار الأخير ، وتختاري تكملي المشوار وألا لا .
واستخيري ربك أكثر من مره . والله يوفقج [/glow].[/grade]

انا اعتقد ان من حقج انج تعرفينه قبل الأرتباط

بس انتي اتقولين هو واهله مانعين هالشي احسها صعبه

اقناعهم استخيري رب العالمين وان شاء الله خير واذا

عن فارق التعليمي هذا مب سبب وانتي ما سمعتي عنه

إلا كل خير لا تحاتين شي والله يسهل عليج يارب ويوفقج

وبتعرفينه بعد الملجه وان شاء الله يكون عند حسن ظنج

الله يتمم عليج و يسعدج و يرزقنا يارب

اختى مادام انتى هتقعدى معاه في وجود محرم فهذا حقك الشرعى و ليس معناه ان كل ما سمعتيه عنه الا الخير انه خالى من العيوب و انصحك انك تجلسى معاه لان بعد كتب الكتاب او الملجة هيصبح زوجك شرعا و اذا لاقيتى ان شخصيتكم مش ماشية مع بعض ممكن تحصل كارثة. انصحك انك تقوليله انه مفيش ملجة الى بعد متشوفيه و تقعدى معاه و تحسى بالارتياح النفسى (لا تنسى صلاة الاستخارة) جتى لو قعدتى معاه مرة او مرتين او ثلاث

اكيد من حقك حبيبتي ... وانا بصراحة كلمت ريلي قبل الملكة....وطبعا من ثاني يوم وظلينا شهرين نكلم بعض طبعا بعلم اهلي
بس انتي لمحي لاخته طبعا اقرب وحده له مب لازم تجيبيها دايركت ,,,,,,
مثلا اسأليها عن رقمه بس لاتتصلين عليه ....او عطيها رقم تلفونج..... واذا كلش مافاد دزي له مسج فاضية وقولي له بالغلط...هههه
الله يسهل امورج ويتمم عليج بالخير

هالشي حبوبه بعد الملجه مب قبلها لانه ما في شي شرعي بينكم

لو بعد كتب الكتاب بيكون طبيعي و ما فيها شي بس قبل لا ما يصير و اول و اخر تراه حرام


و بعدين الاستخاره وحده يالغاليه بتوضحلج و بترشج للصواب

و مب حلوه تصرين انتي على انج تكلمينه تراها مب حلوه في حقج بيقولون ملقوفه و ما صدقت حد يخطبها و تبا ترمسه و و و تعرفين الناس ما يرحمون

النظره الشرعيه كافيه لانها تبعث الارتياح او النفور في نفسج

موفقه حبوبه

وعليكم السلام والرحمة
عزيزتي دام انة عندكم عادات وتقاليدلا تكلمين احد عن هالشي
اذا كلمتية موزين بحقك بيقول هاذي خفيفة ماصدقت على اللةانصحك
استخيري وبس <الخيرة فيمااختارة اللة>.
اللة يوفقك انشاءاللة........
تقبلي مروري
وتحيتي.

هاي EVERY ONE

عزيزتي انسة دبي ، ليش ما طلبتي هذا الموضوع في الخطبة ؟
ما بقي على الملجه الا شهرين بعدها بتدبسين عدل :ok:

احنا بالكويت عندنا هذا الشي عادي ، خلاص صارت الخطبة رسمية وبين الريال نيتة وان يبي يتزوج مو يلعب ، شنو اللى يمنع ان يكلمج ؟

بس اذا على قولتج الريال رافض ، انتى اشبيدج تسوين ؟ بس ليش اهو يرفض المفروض يستانس واهو اللى يطلب هذا الشي مو انتي ؟ والله الله يعينكم .

حلو ان الواحد يحافظ على عاداتة وتقاليدة ويتمسك فيهم ، بس الريال شاري وياب اهلة وبين حسن نيتة شنو اللى يمنع ؟

اتمنى للجميع ولج خاصتا ً التوفيق

هدوووويـــــــــــة

احسها مب حلوه في حقج انج انتي اللي تطلبين هالشي منه !!