بنات منو كانت تعاني من حب الشباب و تعالجت منه؟

الحمدلله ما عندي مشاكل حب شباب ولا غيره بس صاحباتي كثير تعالجوا والحمدلله استفادو
العلاج كان بكريمات ريتين A وحبوب الظاهر مضاد لتطهير البشرة
وعلاجهم طول نوعا ما لكن بنتيجة .. عموما كل علاج لازم ياخذ وقته عشان تظهر نتايجه
بالاضافة الى غسولات خاصة للبشرة طبعا

بالتوفيق

اعرف بنات استخدموا حبوب الريكوتان عن طريق دكتور جلديه ويسويلهم فصح دم كل شهر لان هالحبوب مب للكل مناسبه

انا كنت اعاني من الحبوب ..

وبعد حبوب الراكوتان ( بعد استشاره طبيه وفحوصات للدم )
الحمدالله بشرتي صفت

ومنتوجات PROACTIVE اللي تنباع عن طريق قنوات التلفزيون رهيبه للحبوب

بس لازم الوحده دايم تعتني ببشرتها لتحافظ على رونقها .

اختج

روح البحرين

انا اعاني من حب الشباب بس يروح يرجع وانشا الله ناويه استخدم روكوتان ....

مشكووريين حبايبي على ردودكم

انا كنت استخدم proactive اللي قلتي عنه و مثل ما قالتي نتايجه رهييبه

بعدين بس قطعت رجعتلي الحبوب الحين ردييت استخدمه بس ما كو فايده



للعلم انا ما كان فيني حبوب بس تزوجت بشرتي صارت صافيه



الحين بعد 7 سنوات زواج رجعتلي في منطقه الزلوف بس ما ادري من شنو

انا كنت متعقدة من شي اسمه حبوب واثارها.. وبعدين اتعالجت في مركز اوباجي عند دكتور اسمه شريف مطر في بوظبي.. وعطاني حبوب الريكيوتان لمدة شهرين ومع الفحوصات اللازمة.وكريمات تقشير وتبييض... وبدا العلاج واستمر لمدة سنة ونص يمكن .. وعقب يوم انا شفت انه بشرتي صارت حلوة ودرت الادوية ووقفت العلاج من نفسي..
والحمدلله مارجعت الحبوب وماختربت بشرتي ووالله لو تشوفين ويهي الحين ماتصدقين انه كان فيني بقع او حبوب من قبل.. بس انا الحين قلت لو استمريت على العلاج لين مالدكتور يقولي خلاص كان احسن.. لانه اخر العلاج يكون مجرد عناية بالبشرة .. وطبعا لازم الوحدة تعتني ببشرتها ولا بتخترب

انا كانت عندي حبوب على الكتف و الجبهه من كان عمري 15 تقريبا" ولا رحت لطبيب ولا شي حاولت بس اعتني ببشرتي اكثر و رحت عند اخصائية تغذيه اسمها ماريا و سوت لي جلسة شرحت لي شو الاكل الي يناسب زمرت دمي و تساعدني على عدم تحفيز ظهور الحبوب .. و ظليت كم شهر على نظام الاكل الي وصفته لي و الحمدلله الحين بشرتي صافيه و خاصه ويهي و الحمدلله و كتفي باقي اثار خفيفه و اسوي " سكراب " اسبوعيا" على شان لونها يصير افتح..

و العنايه اليوميه افضل و تحد من الافرازات الدهنيه

و السموحه

هلا والله فيج حبيبتي صمت الاصليل

بس ممكن تقولين لي شنو النظام الغذائي اللي اتبعتيه


يعني باختصار ما ابي اثقل عليج:shy:
و مشكككوره