ياليت الكل يدخل ويكتب تجربته ..

بنات ياليت تفيدوني أنا محتاجتكم بعد الله..

انا زواجي في بداية الصيف وببدأ ان شاء الله اجهز بعد عيد الأضحى ومهري قليل يعني ما يتعدى 40ألف هذا اذا ماكان
اقل وما عندي مصرووف ثاني ومن اهل الرياض وما عندي احد استشيره في هالاشياء وهذا اللي قررت اني اشتريه..
-فستان الزواج بملحقاته اللي هي الطرحه, الجزمه (الله يكرمكم), الاكسسوارات, والمسكه ..
هنا ابيكم تفيدوني بكل جديد عن الفساتين يعني موضة هالسنه وياليت اذا فيه احد من الرياض تفيدني وين الاقي
الفساتين الحلوه والرخيصه وافكر بعد بالايجار يعني استاجر الفستان وسمعت ان فيه محلات تفصل الفستان على ذوقك
ومقاسك وما تدفعين الا قيمة الايجار وبعد الزواج تردينه لهم فياليت الا عندها خبره عن هالمحلات في الرياض تدلني عليهم .
وابغى تعلموني عن الاكسسوارات اللي اشتريها ابغاها اكسسوارات حركه جديده ..
-فستانين كشخه حق اذا كان فيه زواج بعد زواجي وما اتوقع اني بحضر بس يمكن +3 فساتين هاديه حق اذا كان فيه عزايم
وحق ثاني يوم اذا بروح عند اهله وش رايكم يابنات
-2جلابيات بس تكون حلوه يعني مو من هذيك الفخمه حق اذا جلست عند اهله لأني بصراحه ما ادري وش وضعي بعد
الزواج
-3 تيورات (يعني تنانير وبلايز تكون شوي فخمه)
-3 تنانير ببلايزه بس عاديه +جزم (الله يكرمكم)على لون الفساتين التيورات وشنط نفس الشي وش رايكم بنات في هالاعداد
حلوه والا ازيد والا انقص..
وابغى بعد تفيدوني بأسماء محلات حق فساتين جاهزه وحق اقمشه حلوه ورخيييييصه تكفون لان زي ماقلتلكم مهري قليل
-قمصان النوم ..كم يكفيني واحد انا افكر اشتري (واحد فخم طويل ومستر مرره حق اول يوم
+2مستره بعد بس مو فخمه +10 قمصان نوم من اللي بالي بالكم + 5 بيجامات +5 قمصان بيت +2جزمة بيت كعب ام ريش
بس ياليت تدلوني وين الاقيها وش رايكم تكفي والا أزيد والا انقص.
ومابشتري غالي فياليت بعد تفيدوني بأسماء محلات تكون فيها قمصان نوم حلوه ورخيصه
- ملابس داخليه
-وابيكم تنصحوني بأفضل انواع الاستشوارات يعني واحد يكون سهل استخدامه
وبعد افضل انواع آلة نزع الشعر وش رايكم ببراون فيه احد جربها طيب كيف شكلها .

-المكياج.. وش تنصحوني فيه اي ماركه اشتري وياليت تتحددون لي وش اشتري بالضبط يعني ارواج وشدو وبلاشر وكريم اساس
ومخفي عيوب والكحل وش افضل نوع ابي كحل ثابت بس والا فيه اشياء ثانيه تنصحوني فيها طيب احسن مرطب للشفايف
وابيه بروائح حلوه وين الاقيها

-العطور..افضل عطر وكم واحد تنصحوني اشتري(وش افضل عطر لليلة العرس)وابي بعد دهن عود وش افضل نوع ووين
القاه +احسن مزيل عرق - وانواع كريمات + لوشن للجسم الي رائحتها حلوه وثابته لان الجو زي ماتعرفون حار.
واذا فيه اشياء ثانيه تنصحوني فيها حتى لو كان شي تافه فاتمنى انكم ما تبخلون عليه بالنصيحه تكفون محتاجتكم كأخوات
وسلااامتكم ..
( ولكم جزيل الشكر والله يوفقكم ويحقق لكم الى في بالكم )