نصائح بعد الولادة

معقوله اسئلتي صعبه ؟؟؟؟؟؟؟؟؟؟؟؟ 9 دخلوا بس من غير ردود

تسلمون خواتي على النصايح ...

أختي أنا توني والده من شهر ونصحوني الاهل بالاكثار من شرب السوائل عشان الرضاعه والحلبه
والتمر والحليب والسمك
وعشان الخياطه الملح في ماء وتتنقعين فيه وفي تحاميل بعد من الصيدليه
وعشان الكرشه استخدمي مشد وحاولي دايما تنامين على بطنش
وهذا اللي اغرفه لاني مثلش هذي اول ولاده لي

ام جود

تسلمين الغاليه ... بس اي مشد يعني عادي انا اربط بطني باي شي

السلام عليكم
احنا عندنا إذا ولدت الواحدة أهم شي تغذيتها وخاصه المسلوقة مكونه من دجاج او لحم مرقة
ماجي وماء وذرة وتحطي خضار إذا تبين وأيضا العصائر خاصه الطبيعية والعيش المكون من
الدقيق الأسمر والتمر وعلية سمن بلدي ولازم التغذية لأني مجربة في ولادتي الأولى ماكنت آكل
كثير كانت أمي دائما تخاصمني وفعلا جلست فترة بعد الولادة أحس بالدوخه وايضا تصلحلي أمي
كل صباح كاسة حليب مع عسل وصفار حبه بيضه كنت بالقوة أشربها وأيضانشرب الحلبةوالقشر مع المسمار نطبخها مع بعض من جد ينظف البطن وينزل منك بلاوي وايضا الحليب مع القرفه هذا من ناحيه التغذية
اما من ناحية الخياط نستخدم عصار مصور علية اسد لونه ابيض مرررة روعة في كل تغيير بعد
مانشطف وعني أنا اتشطف بالمر المنقوع بالماء ونتبخر أيضا ببخور النفاس ناخذة من العطار
ونضع الحزام على البطن ناخذة من الصيدلية في ناس مايمدحونه يقولون يسبب ترهلات في
البطن بس انا اتحزم بأي شي وأحط الحزام الطبي فوقة عشان مايضايقني
ارجو ان افدتك
وسلامتك(f) (f) (f) (f) (f) (f)

انا بكر و ليحين ما ولدت ولادتي بعد شهرين باذن الله..
ان شا الله نستفيد منكم..
بس اللي اسمعه من الناس ان الحلبه و الرهش(حلاوه طحينيه) ممتازين لادرار الحليب و ان الماي وايد مب زين!
و سمعت ان غسول اوراق الجوافه يشد المهبل و يرجعه مثل ما كان..
الماي و الملح وايد مب زين يسبب عقم..
و المشد ناس يأيدون و ناس لا!!
القرفه تطلع الدم من الرحم و كذلك الحلبه..
و بعد تمارين شد عضله كيجل ترجع المهبل مشدود و حتى قبل الولاده بثلاث شهور مفيده تساعد على الولاده..
اتمنى اني اكون افدتكم

تسلمون ... بعد ننتظر النصائح من الخوات

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

افيدونا الله يخليكم لا تبخلون علينا

انا لسه والده من 20يوم ولدت بعمليه

وطبعا الحلبه المحليه بالعسل الاسود في المقدمه ليل ونهار , وطبعا الاكل المسلوق والخفيف بس كل شويه يخلوني اكل

والحلاوة الطحينية علشان اللبن والسوائل كمان +شرب كميه كبيره من الماء غير العصاير والشوربات



وبربط بطني برابط عادي وشويه بالمشد


بس الله اعلم على النتايج انا زعلانه جدا من شكل بطني

الله يعين ... انا في الغربه ومب امحصله كل إلي قلتو عليه

بالنسبه للأعشاب مالج إلا العطار تسألينه أنا اخذهم من وحده عيوز ماعرف اسمهم

اما البطن فأنصحج بعد 3 أيام أو اسبوع من الولاده تربطين البطن في الحزام بعد ما يرد الرحم مكانه الطبيعي أنا أخذته من الصيدليه حزام الولاده واذا تبين نتائج أفضل حطي تحت الحزام دفتر جلده متين أو كتاب راح تشوفين البطن اختفت

وبالنسبه للأكل كثري من الشوربه عشان ما يصير عندج امساك وتتأذين خاصه ان في خياطات وكثري من القبوط والمرقوق

شكرا لج على الموضوع المفيد للجميع

موضوع روعه وعاشت ايدك

اني عايشه في دوله اي شي عدهم عادي يعني الي تولد بعد دقيقتين وره الولاده لازم تقوم تاخذ دوش وهاي المصيبه اوكي وثاني شي الصبح تلعب رياضه وانتو تعرفو كيف اكل اوربا اكل بس خظار او سؤال او سندويشات وما شاءالله تشوفين بنات السويد ولا كئن هي والده والله يا بنات اني ابقه صافنه

بس اني اولد ما اولد وزني 50 اولد على طول وزني ينزل يعني ما اتعب نفسي لا رجيم ولا اي شي واكلي عادي ههههههه

وتحياتي للجميع

حبيبتي شيخه البيت
المشد يعني حزام تتحزمين به
ولكن انا استخدم رباط عادي
مومشكله يعني المهم انش تربطين بطنش
وآسفه على التاخر بالرد

كثري من الماي والسوائل والخضار والتبولة
الشوربات
والتمر لا تنسينه وطبعا الحليب

واتشطفي بالماي والملح والبعض يتودن ف ماي دافي وملح

وطبعا لا تنسين الرياضه الخفيفه خاصة للبطن والمشي بعد الولاده باسبوعين


وللجراحه بخاخ للجروح في الصيدليات

او مطهر سيتل

تسلمون حبيباتي ,,, وادعولي الله يسهل علي ولادتي لاني بالغربه

http://www.3roos.com/forums/showthread.php?t=184607

تسلمون عالمعلومات الجديده