بنات احس اني ضاااايعة .... أكون له زوجته الثانية !!!!؟؟ اللي يعز عليها المنتدى تدخل

السلام عليكم

ترددت 20 مرة اكتب هالموضوع ... بس ما شاء الله عليكم تعطون ارائكم وحلولكم فتشجعت واعرفكم ما بتقصرون

راح اقولكم على طول مشكلتي او قضيتي اللي مأرقتني ... بس رجااااء اتمنى من البنات ما يتسرعن بالحكم ويحكمن عقلهن قبل كل شيء ويجاوبني ...


تعرفت على واحد بحكم الشغل من سنة تقريبا ... انا من امارة واهوة من امارة ثانية عمري اللحين 23 سنة ومتخرجة وقاعدة بالبيت .. وقدمت على وظايف وغيرة بس بعدني ... المهم اهوة عمره اللحين 38 سنة .


بدت معرفتي فية بتلفون استفسر عن بضاعة عنده ... وقررت اصير مندوبته ومع الايام كل يوم كان بينا اتصال عشان اوفر شغلات للبنات وانا حبيت اشتغل مندوبة بس للاستفادة وحبيت اخوض التجربة .. وبعدها صرنا نتكلم بالمسنجر واغلب مناقشاتنا فية عن الاسعار وصور البضاعات وغيرة

وبعدها قمنا نسولف عن بعضنا بشكل عام من غير ذكر اسامي القبايل ولا شيء


وبالصدفة بيوم من الايام ............. قلت موقف صار لعايلتنا ما اعتقدت انه يعرف هالموقف كان بس كلام عن تجارب محزنة بحياتي فعلى طول عرفنا وطلع يعرف احد من قرايبنا بعد .... طبعا اهوة قالي .... بس تمينا كأصدقاء نسولف بشكل عام وبالشغل بعد .. ومب اكثر من جية


بعد فترة صار يتكلم ومن بين كلامة يحسسني انة وايد يرتاح لي ... وان ما شاء الله علي ... وحبوبة وطيبة ... وشخصيتي حلوة وغيرة ..

وقبل العيد صارحني انه يبا يخطبني بعد عدة محاولات تلميح وكنت اخلي وقتها نفسي ما افهم شيء وارقع .. بعد ما صارحني بشكل رسمي قبل العيد انه يبا يمر على ابوي ويخطبني ... وانه جاد وعددلي اسمين بييبهم معاه من الرياييل واحد يقرب لابوي والثاني شخص معروف وابوي واااااااااااااااااااايد يعزو يعني الوالد يعرفة بعد .. بحكم ان الشخص المعروف هذا ربيعه من زمان.


صدمته وقلتله لا مع اني ما بقول اني احبة لاني اؤمن الحب ايي بس بعد الزواج ... بس ارتاحله واااايد الله العالم وان شخصيته جدا رائعة حبوب من بين اهله وربعه وناجح بتجارته وشغله الحر ... وعنده خير وثقف يقرا كتب بالدين وغيرة بالعامة سمعته زينة ... والناس تشهد له .

انصدم لما قلتله لا وانا خفت من شي واحد ... خفت ان اهلي يجرحونة ويردونة ويقولوله لا . :sad:
والصراحة اعزة بحيث ما اريدة يخيب ظنة ... مع اني ما ابصم بالعشرة ان هذا ردهم بس 80 بالمية والله العالم شو يصير بالمستقبل ... لكن اعتقادي بأهلي انهم برفضون وقلتله هالكلام .

سالني ليش قلتله فرق العمر السبب رقم واحد بيني وبينك 15 سنة .. قالي انا قلبي يتمناج وشااااااارنج ... واذا عالعمر والله الواحد لو على عمري يقدر يتزوج وحدة عمرها 20 سنة ... بس انا اباج انتي وانا جاد .... وقالي اياها انه يحبني.

قلتله حتى لو تغاظيت عن فرق العمر انا اللي رفضت منه بعدها لأقوى سبب بنظري (اهوة انسان متزووووج من 4 سنين تقريبا لكن زوجته مريضة بالسرطان وتعالج كيماوي ومب ساكنة وياه ساكنة ببيت اهلها قالي مرة انهم منفصلين بس ما فهمت علية مطلقنها ولا على ذمته بس خلاها ببيت اهلها لان هاي كانت رغبتها انها تسكن هناك.. وعندهم ولد عمرة 3 سنين بس).

تعالج كيماوي معناته ما تقدر بهالفترة تييب عيال واهيه تعالج صارلها سنة او سنة ونص تقريبا ... سالته مرة اريد اعرف كيف منفصلين هل مطلقنها ولا كيف

فيبت طاري زوجته بس جية لقافة فقالي جملة انا اقد اعدل بينكم ....... فعرفت على طول ان منفصل مب عناها انه مطلقنها لا بعدها على ذمته ... عقبها بكم يوم انا رفضت وقلتله اسمحلي ممكن فية بنات عادي عندهم ... ومب يا بو فلان عشان فرق العمر لا والله ... بس انا ما احب اجرح مشاعر وحدة واصير زوجة ثانية اول شيء لاني بنت احس باحساسها اذا يت زوجة ثانية مع ريلها واعرف الحزن اللي بصيبها يوم بتعرس ... فما اريد اكون انا صاحبة هالحزن عليها واللي ما ارضاه على نفسي ما ارضاه على الناس ... :angry:

حاول يقنعني ... بس رفضت ... فاستسلم وقال كنتي تقولين اهلج برفضون بس اللحين انتي رافضتني خلاص انا ما بغصبج ... هالكلام من اسبوع ... واللحين ارمس وياه بالتلفون والمسنجر ... لكن ادق علية ونتكلم بس بالشغل لاننا اتفقنا تكون خلاص علاقتنا علاقة عمل وخلاص . وقالي اللي تبينه بصير.


مع اني احس لما يتكلم اللحين انه بعده يباني بنات خبروني شو اسويييييي والله محتارة ....

فية وايد تفاصيل اجهلها عن زوجته بس اعر فانها مريضة وعلى ذمته ساكنة بيت اهلها لان لانفسية تعبانه عندها من الادوية وغيرة ... مع اني أؤمن ان العلاج بخلص بيوم من الايام وبترد نفس قبل بصحتها ان شاء الله .

مرة قالي يوم يبت طاري حرمتة ويوم قلتله منوة ترضى تاخذ واحد معرس وحرمته مريضة بسرطان ... قالي فلانه انتي لو تعرفين اصلا الوضع كنتي بتشكريني ... بس كل شيء بوقته .

انا اعصر مخي بس ما اريد اساله اللحين لاني نهيت لاسالفة بس بعدني افكر فية ... واذا قلتله ممكن اعرف شو فية بينك وبين زوجتك قبل ما تييني يمكن اوافق اذا كان سبب معقول ...

انا قلت يمكن عشان العلاج طبعا ما تروم تنجب ويمكن اهيه شارت علية ... لانها وحدة مدينة واهلها وايد اخيار وعلى فكرة اهيه بنت عمه.


رجاااااااااااااااء بنات ساعدوني والله محتااااارة واحس اني اريد نصيحة شخص اكبر مني وخبرة ... على فكرة ملاحظة اخيرة انا صليت فية استخارة 3 مرات

المرة الأولى لما صليت فيها استخارة اتخيرت بينه وبين شخص ثاني كان يباني بس اهله متشددين يعني بس يتزوج قريبته بنت عمه بعد اسبوع حلمت انه متزوجني هالشخص اللي اخبركم قصته بالموضوع وكنا بشعهر العسل ..

وبعدها بكم يوم حلمت انه بعد زوجي مرة ثاانية .


قبل اسبوع ونص صليت استخارة مرة ثانية يومين وراء حسيت اني مرتاحة ...


بتقولولي صلي استخارة مرة ثانية .... وبعدين يوم اصلي واشوفه باحلامي انه زوجي ... شو رايكم بنات :sad:
مع انه اخلاق وما يرضى بالغلط على حقوق الناس وحقاني ووايد عادل .. ودايمن يكلمني حتى بامور الدين والصحابة وغيرة ونقعد نتناقش وايد بهالامور واهوة حتى ما يسمع اغاني وخلاني مثلة صرت ما احب اسمعها واااايد بشكل كبيررر.
وشجعني اصلي القيام بالعشر الاواخر اول مرة اسويها ... يعني صدق انسان رائع بكل معنى الكلمة ..

وسامحوني طولت عليكم ... بس امانة لا تبخلون علي .. احس والله اني اريدة بس افكر كله بزوجته .