بنات آخر زمن

هــــــــــــــــــــاى جميعــــــــــــــــــــــا

عزيزاتى انا ماعندي مشكلة مع بنتي ولله الحمد بس انا واااايد خايفه عليها من العين مع اني دايما اسمي عليها


بنتي ووحيدتي اسمها طيوبة وعمرها 3 سنوات ونص

ماشالله عليها وااايد سابقة سنها تفكيرها تفكير بنت عمرها 10سنوات كلامها وسوالفها طريقتها واسلوبها بالكلام يشد اللى قاعد جدامها ، كل من يعرفها يستانس عليها ويقولي سمي عليها ترى بنتج مو طبيعية ، حافظة اناشيد وآيات قرآنية وبالمقابل حافظة كل الأغاني بعد ، يعنى بنتى تمشي على مقولت ساعه لقلبك وساعه لربك :shy: المهم اهي وايد مرتبة ونظيفة ما شالله عليها ما ترضى تطلع من البيت وغرفتها وصخة ومو مرتبة وياما اخرتني عشان تسنع غرفتها قبل ما تطلع ، مظهرها واناقتها وايد مهمين عندها لازم عطر وبرفان قبل الطلعه حتى لو كانت الطلعه بو خمس دقايق ، واذا رحنا السوق دايما اضيعها لان الآنسة في كل محل لازم تدخل غرفة تبديل الملابس تشيك على شكلها لحظة بلحظة وانا اطلع وانساها وبعدين تعالى ودوري ، وايد تسألنى عن رايي فيها وبشكلها اذا كانت حلوة ولا لأ وانا عيزت وانا امدح بس تعبت ، يمكن البعض يقولي يا حظج في هالبنت معتمده على نفسها من صغرتها ، بس صدقوني الشي لين زاد عن حدة قلب ضدة

اشرايكم انتوا