مرحبااا بنااااااات وحشتووووووني
صار لي فتره
مانزلت مواضيع وادري اني مقصره بحق منتدى عروس اللي عطاااني الكثير
وفااادني
من مده
كان عندنا منااسبه
وحطيت ميك اب سموووكي ....
والحلو ان كان يبين ان متعووب عليه
لان تدرجات الالوان كانت كثيره
وهو اصلا كان سهل ...
لان البطل <<<حلوه البطل
في المكياج كلها شدووو ماك الخطير ..اولد جولد ...
المهم مابطول عليكم اكثر ... تفضلوا شوفوا اللوك ....
بابلش معاكم خطوات اللوك من البدايه
طبعا عارفين البدايه
وهي عباره عن البرايمر من ماك
وبعده كونسيلركرايولان ...
((الصور من ماركة بن ناي ..لتوضيح الالوان ))....
للهالان تحت العين
ونبتدي من الكونسيلر الغامج لين الفاتح ...
واللي تعاني من هالات وايد تستخدم ثلاث درجات من كونسيلر
لون طوبي مايل للاحمر<<عشان تكسر السواد
وبعدها بيج غااامج ...عشان مايصير رمادي
وبعدها بيج فاااتح عشان تنور المنطقه اللي تحت العين ...
وبعدها اساس بن ناي رقم 40
وبعد الاساس بالاسفنجه المخمليه او بفرشاة ماك 187
اوزع اللوس باودر...من بن ناي
وبعدين احط تحت العين بودر حره من فور ايفر عشااان ..تلقط الشدو الي بي هرهر <<من قائل هه العباره هههههه
...
ابلش بتحت الحاجب
بالشادو المائي الابيض من كريولان ....
واحط فوقه شدو فورست من ماك
وبعدين اكحل كامل الجفن المتحرك باللون الاسود
وارفعه لين نص مساحة الجفن المتحرك
بعدين ابتدي اشتت الكحل بهالفرشاه من ماك
213((نسيت اصورها))
واحط فوق الكحل الشدو
الاسود اللي بلمعه من مااك واركزه زين مازين على الجفن المتحرك كااامل ....
وبعدين بنفس الفرشاه 213 اجيب من الشدو الاولد جولد واحطه على القوس الفاصل
بين اللون الابيض والاسود ...
واهني اجيب الفرشاه224
واتم اشتت لون الاولد جولد مع اللون الاسود ... لين ماختلط اللون وصار عشبي غاااامج بلمعه
عجيييييييبه
وارجع اركز من اللون الاسود واشتته مع الاولد جولد
يعني مره اشتت الاولد جولد في الاسود ومره ارجع اشتت الاسود على الاولد جولد...
لين ماصار عندي سموكي اسووود مدرج على الاخضر الغاااامج بس بلمعه
حطيت بودرة كانيبو 202 على كامل الوجه بفرشاة 187
كحلت عيني من داخل بكحل لورد اند بري..
وكحلت عيني من برا بفرشاة الاس 2 بكحل ماك الكريمي ...
وعرضتها من تحت على الطراف
وحطيت من بلاشر ماك بالفرشاه المايله وروج من فيفا جلام2
والمحدد كان لحمي غااامج بس ماصورته
وعلى الروج وزعت الليب جلي
((صورتهم فووق))
وبعدين
عدلت حواجبي...
وهذي الفراشي اللي استخدمتها ..
والنتيجه كانت مقاربه لهاللوك ...
والروج نفس هاللون ومايل على رملي بس بدون هالتحديد البنفسجي
ان شاء الله يعجبكم
